محمد كه‌ڵكه‌سماقی- راگه‌یاندنی لقی سلێمانی:
به مه‌به‌ستی گرنگیدان به لایه‌نی كۆمه‌ڵایه‌تی هاوسه‌رگیری له كۆمه‌ڵگادا به‌تایبه‌تی كۆمه‌ڵگای كورده‌واری , كۆمه‌ڵه‌ی خه‌ڵك (پی دی ئه‌ی ) و رێكخراوی سه‌یوان به‌هاوكاری فریاگوزاری گه‌لی نه‌رویجی ( ئێن پی ئای ) هه‌ڵسا به سازدانی گفتوگۆیه‌كی كراوه له‌گه‌ڵ پیاوانی ئاینی به ناونیشانی ( رۆڵی ئاین له به‌ره‌نگاربونه‌وه‌ی هاوسه‌ر گیری به‌زۆر) كه تیایدا جگه له زانایانی ئاینی شاره‌كانی تر ، هه‌ریه‌ك له به‌ڕێزان د.محه‌مه‌د عه‌بدوڵا پێنجوێنی ئه‌ندامی لیژنه‌ی فتوای لقی سلێمانی و محه‌مه‌د كه‌لكه‌سماقی لێپرسراوی راگه‌یاندنی لق و ژماره‌یه‌كی تر له زانایانی ئاینی سنوری لقی سلێمانی به هاوكاری ئه‌وقافی سلێمانی به‌شداریان كرد .
له‌سه‌ره‌تای سیمیناره‌كه‌دا كه به‌خوێندنی چه‌ند ئایه‌تێك له قورئانی پیرۆز ده‌ستی پێكرد ، ووته‌ی هه‌ریه‌ك له ڕێكخراوی ناوبراوو جێگری وه‌زیری دادی سویدی پێشكه‌شكران و ئینجا به نوێنه‌رایه‌تی زانایانی ئاینی هه‌مولا به‌ڕێز د. محه‌مه‌د عه‌بدوڵا ووته‌یه‌كی پێشكه‌شكرد .
له سیمیناره‌كه‌دا كه‌له هۆتێل چوارچرای شاری هه‌ولێر به‌ڕێوه‌چوو وه3 كاتژمێری خایاند باسوخواس له‌سه‌ر ره‌هه‌نده‌كانی ئه‌و بابه‌ته كراو زانایانی ئاینی بیرو بۆچوونی خۆیان له روانگه‌ی ئیسلامه‌وه به روونی خسته ڕوو .
|
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
