قه‌شه‌یه‌كی به‌ناوبانگ‌و كاریگه‌ری ئه‌مه‌ریكی به‌ناوی (فرانكلین گراهام) رایگه‌یاند: ئه‌و چاوه‌ڕێ ده‌كات بۆ جاری دووه‌م مه‌سیح بگه‌ڕێته‌وه سه‌ر زه‌وی، پێشی وابوو ئه‌م گه‌ڕانه‌وه‌یه له رێگای مۆبایله‌وه له‌لایه‌ن ملۆنه‌ها كه‌سه‌وه وێنه‌ی ده‌گیرێت‌و، ده‌بێته گه‌رمترین باس له‌سه‌ر تۆڕی په‌یوه‌ندی كۆمه‌ڵایه‌تی له فه‌یس بووكه‌وه بۆ یوتیوب.
قه‌شه له‌و قسه‌یه‌ی كه دیمانه‌یه‌ك بوو، رۆژی (24/4/2011) ته‌له‌فزیۆنی ئه‌مه‌ریكی (ABC) بڵاوی كرده‌وه، پشتی به ده‌قێكی كتێبی پیرۆز به‌ستووه، كه باس له‌وه ده‌كات، هه‌موو چاوێك هاتنه‌وه‌ی مه‌سیح ده‌بینێت، كه‌واته ئه‌م ده‌قه ناێته‌دی ته‌نها به‌وه نه‌بێت، كه له رێگای ئه‌نته‌رنێت‌و مۆبایله‌وه بگوازرێته‌وه، هه‌ر به‌م شێوه‌یه هه‌موو خه‌ڵك ده‌توانێت مه‌سیح ببینێت، چونكه فه‌یس بووك‌و یوتیوب‌و توێته‌ر‌و مۆبایل رۆڵێكی زۆر كاریگه‌ری له شۆڕشه‌كانی ئه‌م دواییه‌ی جیهانی عه‌ره‌بی بینی، بۆیه له رووداوی دووباره هاتنه خواره‌وه‌ی مه‌سیح هه‌مان ئه‌و رۆڵه ده‌بیننز
جێی باسه باوكی ئه‌م قه‌شه‌یه (بیلی گراهام) یه‌كێك بوو له‌وانه‌ی خه‌ڵ:یان ده‌كرده كریستیان له رێگای ته‌له‌فزیۆنه‌وه، هه‌روه‌ها خۆشی هه‌میشه قسه‌ی به ئیسلام ده‌ڵێت‌و، ره‌خنه‌ی زۆری ئاراسته ده‌كات، هه‌ر ئه‌و قه‌شه‌یه له مانگی رابردوو له دیمانه‌یه‌كی دیكه‌دا بومه‌له‌رزه‌ی تسونامی له یابانی به به‌ڵ"ه‌یه‌ك له به‌ڵگه‌كانی كۆتایی هاتنی دونیا دانا‌و، پێێ وابوو ئه‌و شتانه موژده‌ی هاتنه‌وه‌ی مه‌سیحن، چونكه به‌ڵگه‌كانی هاتنه‌وه‌ی مه‌سیح بریتین له: جه‌نگ‌و برسییه‌تی‌و بومه‌له‌رزه‌‌و... كه له‌وانه‌یه گه‌یشتبینه ئه‌و قۆناغه.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
