به مه‌به‌ستی گفتوگۆكردن له‌سه‌ر هه‌ندێ پرسی نێوخۆیی‌و چاكتركردنی په‌یوه‌ندیه‌كان، رۆژی 12/5/2001 به‌رپرسی مه‌كته‌بی ناوه‌ندی په‌یوه‌ندیه‌كانی نیشتمانی‌و كوردستانی به‌رێز میقداد عه‌لی وه‌یسی‌و شاندێكی یاوه‌ری سه‌ردانی مه‌كته‌بی ته‌نفیزی یه‌كێتی زانایانیان كرد له لایه‌ن سه‌رۆك‌و ئه‌ندامانی مه‌كته‌بی ته‌نفیزیه‌وه به گه‌رمی پێشوازیان لێ كرا.
له دانیشتنێكدا كه سه‌رۆكی یه‌كێتی زانایان به‌رێز مامۆستا مه‌لا عه‌بدوڵڵا مه‌لا سه‌عید‌و ژماره‌یه‌ك له ئه‌ندامانی مه‌كته‌بی ته‌نفیزی یه‌كێتی زانایان ئاماده‌ی بوون، تیشك خرایه سه‌ر چه‌ند پرسێكی نێوخۆیی‌و چۆنیه‌تی په‌ره‌دان به په‌یوه‌ندیه‌ه‌كانی هه‌ردوولا.
له لایه‌ن خۆیه‌وه كاك میقداد عه‌لی وێڕای خۆشحاڵی ده‌ربڕێنی بهو سه‌دان‌و دانیشتنه، تیشكی خسته سه‌ر رۆڵی یه‌كێتی زانایان‌و هیواشی خواست په‌یوه‌ندیه‌كان له ئاستێكی باشتر به‌رێوه بچن، ناوبراو گوتیشی: مه‌به‌ستمان له‌و سه‌ردانه ئه‌وه‌یه بتوانین په‌یوه‌ندیه‌كی باشمان هه‌بێ له یه‌كێتی زانایان‌و چونكه ئه‌وان توێژیچكی كارای نێو كۆمه‌ڵگه‌ن.
دواتر به‌رێز مه‌لا عه‌بدوڵڵا مه‌لا سه‌عید سه‌رۆكی یه‌كێتی زانایان خۆشحاڵی خۆی بهو سه‌ردانه‌ی به‌رێزیان ده‌ربڕی‌و ئه‌وه‌شی راگه‌یاند، كه یه‌كێتی زانایان بۆ خزمه‌تی زانایان دروست بووه‌‌و زانایانیش له خزمه‌تكردنی كۆمه‌ڵگه‌‌و كوردستانن، هه‌روه‌ها گوتیشی: ئێمه پێشوازی له‌هه‌ر هه‌نگاوێك ده‌كه‌ین كه خزمه‌تێك پێكه‌ش بكات‌و پێشمان وایه په‌یوه‌ندی هه‌بوون له نێوان دام‌و ده‌زگا‌و لایه‌ن‌و رێكخراوه‌كان هه‌نگاوێكه بۆ خزمه‌تكردنی زیاتری ئه‌زمونی خۆمان.
له كۆتاییدا هه‌ردوولا جه‌ختیان له په‌یوه‌ندی دوولایه‌نه‌‌و هاوكاربوونی یه‌كتری كرده‌وه.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
