یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان سمینارێک بەناونیشانی (بنەماکانی پێکەوەژیان لە شەریعەتی ئیسلامدا) پێشکەش دەکات    *****    *****   بە بۆنەی بە پارێزگا بوونی شاری هەڵەبجە یەکێتی زانایان پەیامێک بڵاو دەکاتەوە    *****    *****   سەرۆکی یەکێتی زانایان بە یاوەری شاندێک؛ لقی سۆرانی یەکێتی زانایان بەسەر دەکاتەوەو دیدارێک لەگەڵ ستافی لق ساز دەکات    *****    *****   بە ئامادەبوونی وەزیری ئەوقاف و کاروباری ئایینی و سەرۆکی یەکێتی زانایان دیدارێکی فراوان لەگەڵ زانایانی ئایینی بەرێوە دەچێت    *****    *****   لقی گەرمیانی یەکێتی زانایان سیمینارێکی تایبەت بەناونیشانی (ئەنفال لە نێوان نیدای ئاسمان و ستەمی زەویدا) ساز دەکات    *****    *****   سەرۆکی یەکێتی زانایان پێشوازی لە بەڕێوەبەری گشتیی ئەوقافی پارێزگای هەولێر دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ و پیشەیی و هەنوکەیی تاوتوێ دەکات    *****    *****   مامۆستا مەلا ياسين ئيبراهيم خۆشناو کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   زاناو کەسایەتی دیاری شاری سلێمانی مامۆستا مەلا رەئوف شارستێنی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی گەرمیانی یەکێتی زانایان لەسەر دیاردەی چەقۆو چەک هەڵگرتن پەیامێکی هۆشیاری ئاراستەی دەڤەرەکە دەکات و لایەنی پەیوەندیدار ئاگادار دەکاتەوە    *****    *****   یەکێتی زانایان پەیامێکی پیرۆزبایی بە بۆنەی جەژنی پیرۆزی رەمەزانەوە بڵاودەکاتەوە    *****    *****   دەزگای ڕوئا سیمینارێک بەناونیشانی "ڕۆڵی زانایانی ئایینی و بەرەنگاربوونەوەی گوتاری رقەبەری" بۆ سەرۆکی یەکێتی زانایان ساز دەکات   
 هەواڵ 

عه‌بدولره‌حمان سدیق- نووسه‌ر‌و توێژه‌ر
به‌رواری دابه‌زاندن: 02/11/2011 : 13:31:42
قه‌باره‌ی فۆنت
جه‌ژنی قوربان جه‌ژنی ژیانه‌ نه‌ك مه‌رگدۆستی
هێشتا زۆربه‌مان زۆرمان ماوه‌ له‌ مانای راسته‌قینه‌ی جه‌ژنه‌كانمان بگه‌ین..!
له‌به‌ره‌به‌یانی رۆژی یه‌كه‌می جه‌ژنی قورباندا گوێبیستی زۆربه‌ی وتاربێژی مزگه‌وته‌كان ده‌بین كه‌ به‌یه‌ك شێوه‌ له‌ وتاری جه‌ژندا ده‌ڵێن: موسڵمانان ئه‌مڕۆ جه‌ژنی قوربانه‌.. ئه‌و جه‌ژنه‌یه‌ كه‌ (ئیبڕاهیم) سه‌لامی خوای له‌سه‌ر ئاماده‌بوو كوڕی خۆی بكاته‌ قوربانی‌و سه‌ری ببڕێت ئینجا ده‌ڵێن: موسڵمانان بڕوانن ئه‌وه‌ ئیمانی راسته‌قینه‌یه‌.. ده‌بێت ئیمانی ئێمه‌ وه‌ك ئیمانی ئیبڕاهیم بێت..

راسته‌ ئاماده‌بوون بۆ جێ به‌جێكردنی فه‌رمانی خودا ئه‌ركی سه‌رشانی مرۆڤی موسڵمانه‌.. به‌ڵام ئه‌مه‌ یه‌كێكه‌ له‌ ماناكانی ئه‌م رووداوه‌.. بۆیه‌ ئه‌گه‌ر ئه‌مه‌ ته‌نیا مانای ئه‌م رووداوه‌ بێت ئه‌وسا ئه‌م گوتاره‌ تاك ره‌هه‌نده‌، ده‌بێت چ ترسێك بخاته‌ دڵی ئه‌و منداڵانه‌ی كه‌ له‌گه‌ڵ باوكیاندا ده‌چنه‌ نوێژی جه‌ژن‌و گوێ یان لێ ده‌بێت كه‌ ده‌شێت باوك كوڕی خۆی سه‌رببڕێت..

هه‌ر ئه‌م گوتاره‌ چه‌ند رێخۆشكار ده‌بێت بۆ شه‌رعییه‌تدان به‌ بیرۆكه‌ی سه‌ربڕینی مرۆڤ‌و بیردۆزی به‌قوربانیكردنی مرۆڤ له‌لایه‌ن تیرۆرستانه‌وه‌؟!

تێگه‌یشتن له‌ ده‌قی قورئان‌و فه‌رمووده‌ به‌ده‌ر له‌ رووداوو ژێرخانه‌كانی په‌یوه‌ست به‌و ده‌قانه‌وه‌، ئیسلام‌و خواو پێغه‌مبه‌ری خوای له‌به‌رچاوی زۆر كه‌سدا خراپ خستۆته‌ روو..

بۆ تێگه‌یشتن له‌ جه‌ژنی قوربان ده‌بێت بگه‌ڕێنه‌وه‌ پێش چوار هه‌زار ساڵ.. بۆ سه‌رده‌می ئیبڕاهیم، كه‌كاتێك خه‌ڵك بڕوایان وابوو كه‌ رووبار خوای خۆی هه‌یه‌و، باران‌و بومه‌له‌رزه‌و هه‌وره‌ تریشقه‌ش هه‌روه‌ها، بۆیه‌ ده‌هاتن بۆ رازیكردنی رۆژو مانگ‌و رووبارو هه‌ر دیارده‌یه‌كی سروشتی لاوێكی جوانیان ده‌كرده‌ قوربانیی،
خوای گه‌وره‌ ئیبڕاهیم ی ویستی به‌كرده‌وه‌ ئه‌م داب‌و نه‌ریته‌له‌ناو به‌رێت، هات‌و له‌به‌رچاوی خه‌ڵكه‌كه‌دا بڵێت: منیش خوای گه‌وره‌و تاك‌و ته‌نیام فه‌رمانی پێكردم كوڕی خۆم سه‌رببڕم، پاش پێشاندانی ئاماده‌كاریی بۆ ئه‌نجامدانی خه‌ونه‌كه‌یشی، به‌خه‌ڵكه‌كه‌ی گوت: خوای گه‌وره‌ فه‌رمانی پێكردم كه‌ له‌ جیاتی كوڕه‌كه‌م به‌رانێك بكه‌م به‌ قوربانیی‌و خوای گه‌وره‌ قوربانی دانی به‌مرۆڤ حه‌ڕام كردو قه‌ده‌غه‌ی كرد، ئیدی له‌و رۆژه‌وه‌ ئه‌م په‌یمانه‌ گه‌یشته‌ پێغه‌مبه‌رانی دوای خۆی‌و هه‌تا (محمد) درودی خوایان له‌سه‌ر، ئه‌م په‌یامه‌ مرۆڤ دۆستانه‌یه‌و ئه‌م جاڕنامه‌ ژیاندۆستانه‌یه‌ له‌ ئیبڕاهیمه‌وه‌ پێی وتین: پڕۆسه‌ی قوربانیكردن به‌ مرۆڤه‌كان رابگرن.

ئه‌و رۆژه‌ جه‌ژنی ژیانیان بۆ ئیسماعیل گێڕاو، له‌و رۆژه‌شه‌وه‌ تا ئه‌مڕۆ ئێمه‌ كه‌ جه‌ژنی قوربان ده‌گێڕین‌و ئاژه‌ڵ ده‌كه‌ین به‌ قوربانیی، به‌م كاره‌مان ئه‌وه‌ به‌بیرخۆماندا دێنینه‌وه‌ كه‌:
سوپاس بۆ ئه‌و خوایه‌ی كه‌ له‌ رێگه‌ی ئیبڕاهیمه‌وه‌ پرۆسه‌ی ترسناكی به‌ قوربانیكردنی مرۆڤ راگرت‌و له‌ جیاتی مرۆڤ خه‌ڵكی فێری ئه‌وه‌ كرد ئاژه‌ڵ بكه‌نه‌ قوربانیی‌و بیبه‌خشنه‌ هه‌ژارو كه‌م ده‌رامه‌ته‌كان..

كه‌واته‌ جه‌ژنی قوربان جه‌ژنی ژیانه‌ نه‌ك نه‌مان! جه‌ژنی راگرتنی پرۆسه‌ی به‌ قوربانیكردنی مرۆڤه‌كانه‌، به‌فه‌رمانی خودایه‌ك كه‌ ناوی خۆی (الحی)یه‌و ره‌حمان‌و ره‌حیمه‌و، هه‌ر خۆیشی په‌یامی (ولا تقتلوا أولادكم..)ی پێ را گه‌یاندووین.

ئه‌و بابه‌ته‌ سایتی زانایان له‌ گۆڤاری گوڵان وه‌ریگرتووه‌