یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   سه‌رۆكى يه‌كێتى زانايان پێشوازى له‌ قايمقامى قه‌زاى شێخان ده‌كات    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   دهۆك: مامۆستا مه‌لا هه‌ژار رێكانى كۆچى دواييكرد    *****    *****   پەیامی سەرۆك بارزانی بەبۆنەی چل و هەشت ساڵەی یادی دامەزراندنی یەكێتی زانایانی ئایینی ئیسلامیی كوردستان    *****    *****   د.به‌شیر حه‌داد جێگری سه‌رۆكی په‌رله‌مانی عیراق بروسكه‌یه‌كی پیرۆزبایی ئاراسته‌ی یه‌كێتی زانایان ده‌كات    *****    *****   وه‌زاره‌تی ئه‌وقاف‌و كاروباری ئایینی پیرۆزبایینامه‌یه‌ك ئاراسته‌ی یه‌كێتی زانایان ده‌كات    *****    *****   بەیاننامەی یەکێتی زانایان بە بۆنەی ٤۸ ساڵەی دامەزراندنیەوە    *****    *****   سه‌يدسادق: مامۆستا مه‌لا محمدی گوڵانی كۆچى دوايى كرد    *****    *****   سه‌رۆكی یه‌كێتی زانایان پێشوازی له‌ دكتۆر عبداللطیف سه‌له‌فی ده‌كات    *****    *****   یه‌كێتی زانایان پیرۆزبایی له‌ دكتۆر به‌شیر خه‌لیل ده‌كات    *****    *****   ئورده‌ن: سه‌رۆكی یه‌كێتی زانایان به‌ژداری كۆنگره‌ی ئاسایشی فیكری‌ ده‌كات    *****    *****   مامۆستا مه‌لا عوسمان هه‌روتى كۆچى دوايى كرد   
ئاوات نه‌قشبه‌ندی*
به‌رواری دابه‌زاندن: 10/04/2011 : 10:53:21
قه‌باره‌ی فۆنت
مه‌لا له‌گه‌ڵ كێدا بێت؟!
زانا‌ومه‌لا‌وسه‌یدای كورده‌واری بێ‌ گومانین هه‌وراز‌ونشێویان زۆر دیوه‌،ناڕه‌حه‌تی‌وناهه‌مواری‌وبێ‌ ده‌ره‌تانیان زۆر چه‌شتووه‌،وه‌ هیچ كات له‌ خه‌بات‌وتێكۆشان‌وشۆڕشه‌كانی كوردله‌ میلله‌ته‌كه‌یان جیا نه‌بوون‌وجیانابن.بۆیه‌ هه‌میشه‌ خه‌مخۆر‌ودڵسۆز‌وبه‌ته‌نگه‌وه‌چووی نشتمان‌ووڵاته‌كه‌یانن،ئیتر هه‌رچۆن بۆیان گونجاوبێت هه‌وڵی خۆیان به‌خه‌رجداوه‌،هیچ كات دوودڵ نه‌بوون له‌ قوربانی‌وسه‌نگه‌رگرتن له‌ دوژمن،بۆ پارێزگاریله‌ ئه‌زمون‌ونشتمان پارێزی‌وهێنانه‌كایه‌ی به‌هاجوان‌وئه‌خلاقی‌وئاینیه‌كان.

خۆ نابێت ئه‌وه‌شمان له‌ یاد بچێت كه‌ مه‌لاش مرۆڤه‌‌وهیچ كات ناتوانین بڵێین ئێمه‌ی مه‌لا به‌فری بێ‌ هه‌ڵه‌‌وپه‌ڵه‌ین،سۆز‌وڕقمان هه‌یه‌‌وبه‌شه‌زاڵ بویه‌كمان تێدایه‌،ئه‌گه‌ر ڕاست بوین ئه‌وه‌ له‌ خواوه‌یه‌ وه‌ ئه‌گه‌ر نا ئه‌وه‌ مرۆڤین قابیلی هه‌ڵه‌ین ده‌رگای ته‌وبه‌‌وپه‌شیمان بوونه‌وه‌ دانه‌خراوه‌،به‌ڵام به‌گشتی مامۆستا‌ومه‌لای كورد ئه‌وه‌ بووكه‌ لێره‌داو له‌ شوێنانی تری هاوشێوه‌ی ئێره‌ باسی لێوه‌كراوه‌.

ئه‌مڕۆ هه‌موو گروپ‌وتاقمێك ئه‌گه‌ڕێن بزانن كێ‌ خاوه‌نی كاریگه‌ری‌وئه‌زمونه‌ هه‌وڵ ئه‌ده‌ن بیكه‌نه‌ دارده‌ست‌وپیاوی خۆیان كه‌ به‌ڕاستی به‌كارهێنانی خه‌ڵك بۆ به‌رژه‌وه‌ندی خود كارێكی ئێجگار گران‌وخراپه‌ وه‌سه‌ری له‌ دیكتاتۆری‌وبه‌دڕه‌وشتی سیاسی‌وئه‌خلاقییه‌وه‌ ده‌رئه‌چێت.

مامۆستایانی ئاینی ئیسلامی نابێت هیچ كات له‌ژێر سایه‌‌وسێبه‌ری هیچ كه‌س‌وگروپ‌وتاقمێكدابن،یان خوانه‌خواسته‌ ببنه‌ دارده‌ست‌وپیاوی هیچ كه‌س كه‌ ئه‌مه‌ زۆر دووره‌ له‌ مه‌لا‌وزانایانی كورد.

خۆ مه‌لای ئێمه‌ وانیه‌ به‌ڵام خه‌ڵكانێك‌وگروپ گه‌لێكی زۆر هه‌وڵ ئه‌ده‌ن مه‌لابه‌لای خۆیاندا ڕابكێشن وه‌سۆز‌وعاتیفه‌یان بجۆشێنن هه‌تا هه‌ند‌وپه‌ند له‌ پێگه‌ ئاینی‌وكۆمه‌ڵایه‌تی‌وزانستیه‌كه‌یان وه‌ربگرن.وه‌ به‌ هۆكاری زانایان پشتیوانی بۆ خۆیان له‌ نێو كۆمه‌ڵگه‌دا زیاد بكه‌ن كه‌ ئه‌مه‌ له‌ ئه‌خلاقی سیاسییه‌وه‌ زۆر دووره‌ هیچ گروپێك جیاكاری نه‌داوه‌ به‌ مه‌لا به‌ڵكو ئه‌وه‌ مه‌لایه‌ بۆته‌ جیاكارێكی هه‌ره‌ گه‌وره‌ بۆ ئه‌و گروپه‌ی كه‌ بۆ خۆیی ده‌سته‌به‌ركردوه‌.وه‌ بۆته‌ هۆكاری پێشڤه‌چونی ئه‌و تاقم‌وگروپه‌.

بۆیه‌ له‌مڕۆی گۆڕانكاری‌وبارگرژی‌وناعه‌داله‌تی‌وهه‌رناوێكی تر كه‌هه‌یه‌ له‌ كوردستان،زۆر زه‌رور‌وپێویسته‌ هیچ مه‌لا‌وزانا‌وسه‌یدایه‌ك نه‌بێت به‌ به‌شێك له‌ سیاسه‌تی هیچ حزب‌وگروپ‌وتاقمێك ئیتر عه‌لمانی یان ئیسلامی چونكه‌ هه‌موویان خاوه‌نی سیاسه‌ت‌وئالیه‌تی ئیشكردنی خۆیانن وه‌ ماشه‌ڵا كادری زۆر‌وزه‌به‌نده‌یان هه‌یه‌. ئیتر چ پێویست ده‌كات كه‌ ئه‌و سیاسه‌ته‌ بگوازنه‌وه‌ بۆ سه‌ر مینبه‌ره‌كان و له‌ میحرابی پاكی پێغه‌مبه‌ره‌وه‌ ببێته‌ وتارو خه‌ڵكی پێ‌ ته‌وعیه‌ بكرێت بۆیه‌ مامۆستا هه‌رچی هه‌بێت هه‌ر ئه‌وه‌یه‌ له‌كه‌س سڵناكات به‌ڵام با ئه‌و بونه‌ نه‌بێته‌ هه‌موو ژیانی‌وله‌ وتاری ڕۆژانی هه‌ینی یان هه‌ر باس‌وخواسێكی تری ڕه‌نگبداته‌وه‌،چونكه‌ ئه‌و كات ئه‌گه‌ر وتاره‌كانی وه‌هابون وه‌ له‌سه‌ر سیاسه‌تی حزبه‌كه‌ی كاری كرد ئه‌وه‌ ده‌بێت ته‌نها خه‌ڵكانی حزبه‌كه‌ی خۆی له‌ وتاره‌كانی دابنیشن كه‌ ئه‌مه‌ش له‌ گه‌وره‌یی مزگه‌وت‌و وتاری مینبه‌ر كه‌م ئه‌كاته‌وه‌، وه‌ ئه‌گه‌ر مامۆستا حزبه‌كه‌ی گۆڕی ئه‌دی چ ده‌كات له‌ وتاره‌كانی پێشوی خۆی ده‌یان سوتێنێت!ئه‌ی ئه‌و خه‌ڵكه‌ گۆشكراوه‌ به‌ وتاره‌كانی،كه‌واته‌ با له‌گه‌ڵ هیچ كه‌س نه‌بن جگه‌ له‌ خوا.




____________________
*وتارخوێنی مزگه‌وتی حاجی عبدالله نۆغه‌رانی.
sirajzade@ymail.com