یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا سید عبدالرحمن کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دكتۆر لوقمان جامیعی ئەندامی ئەنجومەنی باڵای فەتوا: شایەدی ئەوە دەدەم فتواكانی ئەنجوومەنی فتوای یەكانگیرن لەگەڵ قورئان و سوننەت و دەقە شەرعییەكان    *****    *****   لقی شەقلاوەی یەکێتی زانایانی ئاینی ئیسلامی کوردستان خولێکی زمان دەکاتەوە    *****    *****   لقی سۆرانی یەکێتی زانایان سمیناری هەفتانەی خۆی ساز دەکات    *****    *****   بەرپرسی لقی هەولێری یەکێتی زانایان بەشداری کردنەوەی دوو مزگەوت لە قەزای خەبات دەکات    *****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا   
د. عبدالله ملا سعيد گرتكی*
به‌رواری دابه‌زاندن: 08/05/2013 : 15:04:38
قه‌باره‌ی فۆنت
كەسایەتی مەلای كورد مەشكێنن!!

ئەوەی كەمێك نزیك بێت لە مامۆستایانی ئایینی‌و شارەزای جموجۆڵ‌و كارو هەنگاوەكانیان بێت، باش ئەو راستیەی بۆ دەرەكەوێت، كە زانایانی ئایینی چەندە بە پەرۆش‌و دڵسۆزیەوە خزمەتەكانیان پێشكەش دەكەن‌و، خاكیانە‌و خۆماڵیانە لەسەر نەخشە رێگەیەكی جوان‌و هەمەلایەنە هەنگاو دەنێن.

ئەگەر بە شێوەی رێژەیی وەربگرین، دەبینین مامۆستایانی ئایینی خاوەن دەسكەوتی مەعنەوی یەكجار زۆرو گەورەن لە مێژووی میللەتی خۆیان‌و واقعی ئێستای كۆمەڵگەدا، ئەمەش بە شاهێدی دۆست‌و دوژمن شتێكە حاشایی لێ‌ ناكرێ‌.

ئەو باسكردنە بەشینەوەی منەت نیە بەسەر خەڵكی، بەڵكو شانازیەكی پرشنگداری هەوڵ‌و هیممەتی زانای كوردە‌و جێگەی دڵخۆشی هەموو لایەكمانە.

بەڵام ئەوەی جێگەی نیگەرانی‌و داخە ئەوەیە، كە بەشێك لە راگەیاندنەكان جاری وا هەیە بێ‌ گوێدانە هیچ بنەمایەك، دەكەونە هێرشكردن‌و هەڵبەستی تۆمەت‌و شكاندنی مەلای كورد، كە ئەمە بەلای ئێمەوە زەنگێكی مەترسیدارە لە لایەك‌و، بێ‌ مەبەست‌و باكگراوندیش نیە لە لایەكی ترەوە، جاری وا هەیە هەڵەی كەسێك، (كە رەنگە لە رووی زانستی‌و مەنهەج‌و پسپۆڕی، هیچ پەیوەندیەكی بە رێڕەوی مەلایەتیەوە نەبێت)، دەكەنە بەهانە‌و مانشێتی گەورە‌و تەعمیمی دەكەن بەسەر تەواوی مەلای كوردستانەوە.!!

ماوە ماوە لەهەندێ‌ رۆژنامە‌و گۆڤارەوە دەبیستین "فلانە مەلایە ئاوای كرد، فلانە مەلایە وای بەسەر هات، فلانە خزمەی مەلا وای لێ‌ قەوما، دواجاریش ئەوەیان بڵاوكردەوە، كە لە دەهۆك مەلایەك بووە بە مەسیحی"

دوای بەدواداچوون‌و راسپاردنی لقی دهۆكی یەكێتی زانایان بۆ ئەو پرسە، دەركەوت ئەو هەواڵە هیچ بنەمایەكی دروستی نیە‌و، بگرە هەڵبەستراوە‌و بەدیدی ئێمە بۆ شكاندن‌و تەشهیركردن بووە بە مامۆستایانی ئایینی.

ئەو هێرش‌و هەڵمەتەی لكەداركردنی كەسایەتی مامۆستایانی ئایینی بە شێوەیەكی بێ‌ ئیسافانە، وێڕای ئەوەی هیچ خزمەتێكی لێ‌ ناخوێندرێتەوە، لەهەمان كاتیش هێمایە بۆ ئاستی نزمی هۆشیاری ئەوانەی تانە‌و تەشەر دەبەشنەوەو دەیانەوێ‌ كەسایەتی زانای كورد بخەنە ژێر پرسیارەوە.

ئەگەرچی بڕوامان وایە مامۆستای ئایینیش مرۆڤە‌و قابیلی هەڵەیە، بەڵام دڵنیاین ئەوەی بیەوێ‌ مەلای كورد لە رێی تەشهیرو سوكایەتی‌و تۆمەتەوە بشكێنێ‌، ئەوە خۆی‌و تەواوی مێژوو میللەتەكەشی دەشكێنێ‌، بەو پێیەی مەلای كورد بەشێكی كاریگەری مێژووی گەلی كورد بووە لەسەرجەم قۆناغە جیاجیاكانەوە.

هەر لێرەشەوە رایدەگەیەنین بەهیچ شێوەیەك سوكایەتی‌و تەشهیركردن‌و تۆمەت هەڵبەست بۆ كەسایەتی مەلای كورد، لە هیچ كەس‌و لایەنێك قەبوڵ ناكەین‌و بەدڵنیاییەوە وەكو یەكێتی زانایان هەڵوێستی یاسایی‌و لەئاست پێویستمان دەبێت.

تێبینی: ئەم بابەتە لە ژمارە 92ی گۆڤاری پەیامی زانایان بڵاوكراوەتەوە.