یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان کۆمەڵێک نامەی پیرۆزبایی بە بۆنەی جەژنەوە پێ دەگات    *****    *****   یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە    *****    *****   مامۆستا مەلا صلاح أحمد تەرخانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە پێشکەشکردنی پانیڵێک بەشداری کۆنفرانسی گفتوگۆی بازنەیی تایبەت بە پرسی بەشداری ئافرەت لە کایەی سیاسیدا دەکات    *****    *****   سەرۆکی یەکێتی زانایان: پێکەوەژیان خواستێکی ئایینیەو پێویستە هەمووان رێزی لێ بگرین    *****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات   
د. عبدالله ملا سعيد گرتكی*
به‌رواری دابه‌زاندن: 04/03/2024 : 23:07:56
قه‌باره‌ی فۆنت
مه‌زهه‌بی ئیمامی شافيعی ده‌روازه‌یه‌كی خێرو گرنگ بووه‌ بۆ گه‌لی كورد له‌رووی ئایینی و كلتورییه‌وه‌

 

یه‌كێ‌ له‌ ئامانجه‌كانی یه‌كێتی زانایانی ئایینی ئیسلامی كوردستان، كاركردنه‌ بۆ یه‌كڕیزی نێو ماڵی كوردو ته‌بایی نێو موسڵمانان، به‌درێژایی مێژووش ئه‌و راستیه‌ سه‌لماوه‌، كه‌ مه‌لای كورد له‌م پێناوه‌ ره‌نجی زۆری داوه‌و خزمه‌تی زۆریشی پێشكه‌ش كردووه‌، هه‌موو ئه‌و هه‌ست و هه‌ڵوێسته‌ی زانایان له‌ چوارچێوه‌ی خۆپێگه‌یاندنێكی دروست و زانستی به‌ شاره‌زایی ته‌واو له‌ بواری مه‌عریفه‌ی ئایینی و نه‌هجی گه‌وره‌ زانایان و مه‌زهه‌بی ئیمامی شافعی خۆی بینیوه‌ته‌وه‌، كه‌ ده‌روازه‌یه‌كی خێرو گرنگ بووه‌ بۆ گه‌لی كورد له‌رووی ئایینی و كلتورییه‌وه‌.

زانایانی ئایینی به‌و رۆڵ و پێگه‌و كه‌سایه‌تیه‌ ئایینی و كۆمه‌ڵایه‌تی و زانستیه‌ی هه‌یانه‌، كاریگه‌ری گه‌وره‌یان له‌ ئاراسته‌ی كۆمه‌ڵگه‌و به‌رێوه‌بردنی مزگه‌وت و گوتاری ئیسلامی و ته‌بایی ناو موسڵمانان و قوڵكردنه‌وه‌ی گیانی ئاینپه‌روه‌ری و نه‌ته‌وه‌په‌روه‌ری هه‌بووه‌، هیچ كات ده‌رفه‌تی درزو په‌رته‌وازه‌یی و ناكۆكی و ره‌فتاری ره‌تكردنه‌وه‌و كه‌راهیه‌ت  نه‌داوه‌، ئه‌مه‌ش ده‌گه‌ڕێته‌وه‌ بۆ تێگه‌یشتنی دروستی ده‌قه‌كان و ئاستی پابه‌ندی له‌ په‌یڕه‌و كردنی مه‌زهه‌بی ئیمامی شافیعی له‌ناو كۆمه‌ڵگه‌دا.

كوردو مه‌زهه‌بی ئیمامی شافعی مێژووێكی دێرینیان هه‌یه‌، زانایانی كوردو میلله‌تی كورد رێژه‌ی هه‌ره‌ زۆریان له‌سه‌ر رێڕه‌وی مه‌زهه‌بی شافعی رۆیشتوون، كه‌ هێمای ته‌بایی و تێگه‌شتن  بووه‌و به‌هاو گه‌وره‌ی زۆری به‌م گه‌له‌ به‌خشیوه‌، سه‌ره‌رٍای ئه‌مه‌ش كوردو زانایانی ئایینی ئه‌و په‌ڕی رێزو ئه‌ده‌بیان به‌رامبه‌ر تێكڕای بۆچوونی زانایان و مه‌زهه‌بی دیكه‌ نواندووه‌، كه‌ زاده‌ی هۆشیاری و قه‌ناعه‌تی بووه‌ نه‌ك شتی دیكه‌.

په‌یڕه‌وی ئه‌و رێڕه‌وه‌و له‌به‌ر چاوگرتنی واقعی زۆرینه‌ی ئێستاو رابردووی كورد له‌رووی مه‌زهه‌بیه‌وه‌، بۆ ئێستا گرنگه‌و ئه‌ركه‌ له‌پێناو گه‌یشتن به‌ ئامانجی گه‌وره‌و حیكمه‌تی شریعه‌ت ره‌چاوی بكه‌ین، بۆ ئه‌وه‌ی رۆژ به‌رۆژ خزمه‌تی پتر پێشكه‌ش بكه‌ین و خاڵی هاوبه‌شی جیاوازیه‌كان بكه‌ینه‌ هه‌وێنی ئاشته‌وایی كۆمه‌ڵگه‌و به‌ره‌و پێشبردنی ره‌وشی دینداری و به‌رزكردنه‌وه‌ی ئاستی رۆشنبیری، چونكه‌ رێسایه‌كی مه‌قاسیدی هه‌یه‌ ده‌ڵێ‌: (مراعاة‌ الغالب مقصد شرعی).

كاتی خۆی پیاوێك چووه‌ لای ئه‌بو یه‌علای حه‌نبه‌لی گوتی: هاتوومه‌ فیقهی حه‌نبه‌لی لای تۆ بخوێنم، ئه‌ویش فه‌رمووی: تۆ خه‌ڵكی كوێی؟ گوتی: خه‌ڵكی شیرازم. گوتی: باشه‌ من زانیومه‌ خه‌ڵكی شیراز شافعی مه‌زهه‌بن تۆ هاتووی فیقهی مه‌زهه‌بی حه‌نبه‌لی بخوێنی، كه‌ گه‌ڕایته‌وه‌ شوێنی خۆت و فه‌توا به‌ پێی مه‌زهه‌بی حه‌نبه‌لی بده‌یت و ره‌چاوی فیقهی زۆرینه‌ كه‌ شافعی مه‌زهه‌بن نه‌كه‌یت، ئه‌وه‌ فه‌وزا دروست ده‌كه‌یت! بۆیه‌ نامه‌یه‌كت بۆ ده‌نوسم بڕۆ لای ئه‌بو ئیسحاقی شیرازی فیقهی شافعی بخوێنه‌.

كه‌واته‌ ئێمه‌ پێویستمان به‌وه‌ هه‌یه‌ به‌و په‌ڕی رێزه‌وه‌ مامه‌ڵه‌ له‌گه‌ڵ بۆچوونی گه‌وره‌ زانایان و مه‌زهه‌به‌ فیقهیه‌كان بكه‌ین، به‌ڵام ناكرێ به‌ هیچ شێوه‌یه‌ك ده‌رگای فه‌وزا بكه‌ینه‌وه‌، بۆیه‌ رێكخستنه‌وه‌ی دروشم و په‌رستشه‌كان له‌ ئێستادا هه‌وڵێكی پێویسته‌و به‌رپرسیارێتی هه‌موو لایه‌كمانه‌ كاری بۆ بكه‌ین و به‌ رێزگرتن له‌ یه‌كتری و قبوڵكردنی جیاوازییه‌كان و كاركردن له‌سه‌ر خاڵه‌ هاوبه‌شه‌كان كوردستان به‌ره‌و ئاقارێكی چاكتر ببه‌ین.