به‌ناوی خوای مه‌زن‌و دلۆڤان
بۆ/ به‌ڕێز دكتۆر عه‌لی قه‌ره‌داغی
ب/ پیرۆزبایینامه
به‌بۆنه‌ی ده‌رچوونت به ئه‌مینداری گشتی یه‌كێتی جیهانی زانایانی موسڵمان به‌ناوی ته‌واوی زانایانی ئایینی كوردستانه‌وه پیرۆزباییه‌كی گه‌رمت لێده‌كه‌ین‌و، هیوای سه‌ركه‌وتنت بۆ ده‌خوازین.
ئێمه‌ی زانایانی كورد شانازی به‌وه ده‌كه‌ین، كه جه‌نابت به لێهاتوویی خۆت ئه‌و متمانه‌یه‌ت له‌سه‌ر ئاستی یه‌كێتی جیهانی زانایانی موسڵمان وه‌ده‌ست هێنا، ئێمه هه‌ر ئه‌وه‌شمان له جه‌نابت چاوه‌ڕێ ده‌كرد.
ده‌خوازین له داهاتوودا پردێكی تۆكمه‌تر بیت بۆ دروستكردنی په‌یوه‌ندی زانایانی كورد له‌گه‌ڵ زانایانی جیهان، هه‌روه‌ها بۆ زیاتر ناساندنی كێشه‌ی نه‌ته‌وه‌ییمان، له‌لای خۆشمانه‌وه هه‌موو پشتیوانی‌و پشتگیری جه‌نابت ده‌بین بۆ هه‌ر كارێك كه خزمه‌ت به ئایین‌و نه‌ته‌وه‌كه‌مان‌و ئوممه‌تی ئیسلامی‌و به‌تایبه‌تیش زانایانی ئایینی بكات.
له‌گه‌ڵ رێزماندا
مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
هه‌ولێر
5/7/2010 | 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
