به ناوی خوای گه‌وره‌‌و میهره‌بان
دوای دروستبوونی شه‌ڕ‌و ململانێكانی سوریا، كۆمه‌ڵه گه‌نجێكی هه‌رێمی كوردستان بۆ به‌شداریكردنی شه‌ڕه‌كه چوونه‌ته سوریا، ئه‌مه‌ش جۆره پشێویه‌كی كۆمه‌ڵایه‌تی‌و ئه‌منی دروست كردووه، تا ئێستاش كه‌س خۆی له ناردن‌و ره‌وانه‌كردنیان نه‌كردووه‌ته خاوه‌ن‌و، هه‌موو لایه‌كیش خۆی لێ به‌ری ئه‌كات، له به‌رامبه‌ردا هه‌وڵێكی وه‌كو پێویست نه‌دراوه بۆ لێكۆڵینه‌وه له هۆكاره‌كانی پشت ناردنی گه‌نجان‌و، دۆزینه‌وه‌ی رێگه‌چاره بۆ رێگرتن له رۆییشتنیان، ئه‌وه‌ی كراوه پێكهێنانی لێژنه‌یه‌كی تایبه‌ت بوو، به‌ڵام وه‌ك دیاره ئه‌م لێژنه‌یه نه‌یتوانی هیچ شتێكی پێویست له‌م باره‌وه پێشكه‌ش بكات‌و، هۆكار‌و چاره‌سه‌ره‌كان بخاته به‌ر دیدی لایه‌نه په‌یوه‌ندیداره‌كان، یان پێشنیازه‌كانیان به هه‌ند وه‌رنه‌گیراون.
لێره‌وه وه‌كو یه‌كێتی زانایان جارێكی دیكه مه‌ترسی خۆمان له‌م باره‌وه ده‌خه‌ینه روو، پێشمان وایه پێویسته حكومه‌تی هه‌رێمی كوردستان‌و لایه‌نه په‌یوه‌ندیداره‌كان هه‌نگاوی ووردتر‌و جددیتر بهاوێژن بۆ ئه‌م پرسه‌و، پێویسته به په‌له كۆنفرانسێكی زانستی ورد له‌م باره‌وه ببه‌سترێت‌و، لایه‌نه په‌یوه‌ندیه‌داره‌كانی وه‌ك پارته ئیسلامیه‌كان‌و وه‌زاره‌تی ئه‌وقاف‌و یه‌كێتی زانایان‌و ته‌واوی سه‌نته‌رو ناوه‌نده ئیسلامیه‌كان‌و شوێنكه‌وتوانی بیری عیرفانی تێیدا به‌شدار بن‌و، تاوتوێی بابه‌ته‌كه بكه‌ن، سه‌ره‌نجام به كۆده‌نگیه‌كی ته‌واو له كۆنگره‌كه ده‌ربچن‌و، رێنمایی‌و راسپارده‌ی پێویست‌و روون له باره‌یه‌وه رابگه‌ینن، بۆ ئه‌وه‌ی بتواندرێت به باشترین شێوه پارێزگاری له گه‌نج‌و لاوی وڵاته‌كه‌مان بكه‌ین، به‌و هیوایه‌ی كه بتواندرێت به‌م هه‌نگاوه زیاتر ئاشتی كۆمه‌ڵایه‌تی‌و ئاسایشی نه‌ته‌وه‌ییمان بپارێزین.
مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
30/3/2014
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
