به‌ناوى خواى گه‌وره‌و ميهره‌بان
لقى چه‌مچه‌ماڵى يه‌كێتى زانايانى ئايينى ئيسلامى كوردستان، به‌ناوى سه‌رجه‌م زانايانى ئايينى سنوورى خۆى؛ به توندى ئیدانه‌ى په‌لاماردان و ئازاردانى به‌ریز (مه‌لا سامى عثمان فرج) ناسراو به به مامۆستا مه‌لا سامان چه‌مچه‌ماڵى ده‌كات و نیگه‌رانه له هه‌ر كارێكى له‌م شێوه‌یه، كه به‌رامبه‌ر هه‌ر مرۆڤیك بكرێت، به تایبه‌ت به ئامانجگرتنى مامۆستايانى ئایینى، كه دووره له هه‌موو بنه‌مایه‌كى شه‌رعى و یاسایى و دابونه‌ریتێكى كورده‌وارى، وه به هیچ پاساوێک نابێت له رۆژى پيرۆزى هه‌ینیدا و به‌م شێوه‌یه هێرش بكرێته سه‌ر پێشنوێژو وتارخوێنى مزگه‌وت، به‌م بۆنه‌يه‌وه داواكارین له لایه‌نی یاسایی و په‌یوه‌ندیدار؛ ئیجرائاتی یاسایی بکه‌ن و به زووترین کات تاوانباران بدۆزنه‌وه؛ تاكو خه‌ڵکى دوورتر بێت له ترس و دڵه‌راوکێ و ئه‌م وڵاته ببێه لانکه‌ی ئاشتی و ئارامى و پێکه‌وه‌ژیان، كه مامۆستایانى ئاینى پێشه‌نگی ئه‌و بواره‌ن، سه‌ره‌ڕای ئه‌وه‌ش چه‌ندین جاره له چه‌ند شار و شوینی جیاواز مامۆستایانى ئایینى رووبه‌ڕووى توندوتیژی ده‌بنه‌وه، به‌ڵام ئێمه پێش بڕیاره یاساییه‌کان و ئه‌نجامى لێکۆڵینه‌وه ناكه‌وین و له كاتى پێویستدا قسه‌مان ده‌بیت.
له کۆتاییدا به هیواى شیفاى خێرا بۆ مامۆستا و دۆزینه‌وه‌ى ئه‌نجامده‌رانى ئه‌م تاوانه.
لقى چه‌مچه‌ماڵى یه‌كێتى زانایانى ئایینى ئیسلامى كوردستان
18-8-2017 هه‌ینی
