یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا ئیبراهیم سۆفی ماوەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی پارێزگای هەولێر سەردانی مەکتەبی تەنفیزی یەکێتی زانایان دەکات    *****    *****   وەزیری هەرێم بۆ کاروباری پێکهاتەکان سەردانی مەکتەبی تەنفیزی یەکێتی زانایان دەکات    *****    *****   ئەمینداری گشتی یەکگرتووی ئیسلامی کوردستان پیرۆزبایی لە یەکێتی زانایان دەکات    *****    *****   بە بۆنەی ساڵیادی دامەزراندنیەوە مەکتەبی تەنفیزی یەکێتی زانایانی مەراسیمی پێشوازی میوانان بەرێوە دەچێت    *****    *****   سه‌رۆكی په‌رله‌مانی كوردستان سه‌ردانی یه‌كێتیی زانایانی ئاینیی ئیسلامیی كوردستان ده‌كات    *****    *****   وەزیری ئەوقاف و کاروباری ئایینی بە نوێنەرایەتی سەرۆکی حکومەتی ھەرێم سه‌ردانی یه‌كێتی زانایان ده‌كات    *****    *****   پەیامی پیرۆزبایی سەرۆکی حکومەتی هەرێمی کوردستان لە یادی پەنجاو یەک ساڵەی دامەزراندنی یەکێتی زانایانی ئایینی ئیسلامیی کوردستان    *****    *****   لە پەیامێکدا سەرۆکی ھەرێمی کوردستان پيرۆزبايى له‌ يه‌كێتيى زانايان ده‌كات    *****    *****   پەیامی سەرۆك بارزانی بە بۆنەی پەنجا و یەكەمین ساڵیادی دامەزراندنی یەكێتیی زانایانی ئایینی ئیسلامیی كوردستان    *****    *****   مامۆستا مەلا ئەحمەدی سیوەیلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   وەزیری ئەوقاف و کاروباری ئایینی و سەرۆکی یەکێتی زانایانی لەگەڵ مامۆستایانی ئایینی قەزای شقڵاوە کۆبوونەوە   
مه‌لا ئیدریس ژاڵه‌یی- كه‌لار
به‌رواری دابه‌زاندن: 01/05/2011 : 13:55:56
قه‌باره‌ی فۆنت
له‌بۆنه‌ی ڕۆژی جیهانی كرێكارانداهه‌موومان قه‌رزاری ئێوه‌ین
كار مایه‌ی به‌خته‌وه‌ری‌وسه‌ربه‌رزییه‌، ته‌نها به‌كار كردن‌وهه‌وڵدان مرۆڤه‌كان ده‌گه‌ن به‌ هیوا‌وئامانجه‌كانی دونیا‌وپاشه‌ڕۆژ، هۆكاری گه‌شه‌سه‌ندن‌وبه‌ره‌وپێشچونی وڵاته‌ پێشكه‌وتووه‌كان به‌رهه‌می كاركردنی به‌رده‌وامی تاكه‌كانی ئه‌و ووڵاتانه‌یه‌، هه‌رچی هۆكاری خۆشگوزه‌رانی‌وپێشكه‌وتنی پیشه‌سازی‌وته‌كنۆلۆژی‌وگه‌یاندن‌و ڕاگه‌یاندنه‌كان هه‌یه‌، به‌كاركردن هاتوونه‌ته‌دی،ووڵات به‌كاركردن پڕده‌بێت له‌ ئاسایش‌وئاوه‌دانی، ئاینی ئیسلام گرنگیه‌كی زۆری به‌كار داوه‌،خوای په‌روه‌ردگار له‌ قورئانی پیرۆزدا ده‌فه‌رموێت: {وَقُلِ اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ } له‌ قورئانی پیرۆزدا له‌هه‌ر جێگایه‌ك ناوی ئیمان‌وباسی باوه‌ر ِهاتبێت یه‌كسه‌ر (عمل الصالح) كاركردن به‌دوایدا هاتووه‌، ته‌نها وه‌سیله‌یه‌ك كه‌مرۆڤ بگه‌یه‌نێت به‌ ڕه‌زامه‌ندی خوای گه‌وره‌ كاری چاك‌وبه‌سوده‌، له‌ ئیسلامدا كرێكاری دڵسۆزی به‌رهه‌مهێن كه‌له‌ڕێگه‌ی دروست‌وحه‌ڵاڵه‌وه‌ بژێوی خۆی دابین ده‌كات له‌ پله‌‌وپایه‌ی به‌رزی پێغه‌مبه‌ران وڕاستگۆیاندایه‌، پێغه‌مبه‌رمان محمد ده‌فه‌رموێت (من طلب كسبا من باب حلال يكف به وجهه وولده وعياله عن المسألة الناس وسؤالهم، جاء يوم القبامة مع النبيين والصديقين هكذا، وأشاربأصبعيه السبابة و الوسطى) كاركردن‌وبه‌رهه‌مهێنان سیما‌ودروشمی پێغه‌مبه‌ره‌ به‌ڕێزه‌كانی خوای گه‌وره‌یه‌،پێغه‌مبه‌ری ئیسلام ده‌فه‌رموێت (مابعث الله من نبى الا رعى الغنم، قالوا:وأنت يارسول الله، قال:وأنا،كنت ارعاها للأهل مكة بالقراريط)، هه‌ریه‌ك له‌ پێغه‌مبه‌ره‌ پایه‌داره‌كان به‌ كارو كه‌سابه‌تێكه‌وه‌ ناسراون ، هه‌روه‌ها پێغه‌مبه‌ر كاری بازرگانی كردووه‌، وه‌ له‌ هه‌ڵكه‌ندنی خه‌نده‌قی ده‌وری مه‌دینه‌دا له‌كاتی غه‌زای ئه‌حزابدا زۆر به‌چالاكی كاری كردووه‌، هه‌روه‌ها له‌ دروستكردنی مزگه‌وتی مه‌دینه‌دا كه‌پێگه‌وسیمبولی حكومه‌تی ئیسلامی بوو كاركردنی پێغه‌مبه‌ر مایه‌ی جۆش‌وخرۆش‌وچالاكی هه‌موو خه‌ڵك بوو له‌سه‌ر كاركردن‌و ئه‌م دێڕه‌ شیعره‌یان ده‌گوته‌وه‌:
ان قعدنا والنبى يعمل فذاك منا العمل المضلل
كاركردن عیززه‌ت ده‌به‌خشێته‌ مرۆڤ، واده‌كات كه‌ كارگه‌ر باوه‌ڕی به‌ خۆی هه‌بێت، له‌پاش خوای په‌روه‌ردگار پشت به‌خۆی ببه‌ستێت، ئاماده‌ نه‌بێت سه‌ر شۆڕ بكات بۆ پاره‌ و ماڵی دونیا، كاركردن واده‌كات تاكه‌كان په‌نا نه‌به‌نه‌ به‌ر گه‌نده‌ڵی‌ودزی، به‌دوای ئاژاوه‌و خراپه‌كاریدا نه‌گه‌ڕێن، پێشه‌وا عومه‌ری كوڕی خه‌تاب ده‌فه‌رموێت: ( انى للأرى الرجل فيعجبنى، فأذا قيل لا صنعة له سقط من عينى) ، له‌به‌ر ئه‌م هۆیانه‌ زانایانی ئیسلام ڕێگه‌یان نه‌داوه‌ به‌ هیچ شێوه‌یه‌ك موسڵمان دابنیشێت‌وكارنه‌كات، له‌سه‌رده‌می خۆیدا پرسیار كراوه‌ له‌پێشه‌وا أحمد كوڕی حنبل، له‌باره‌ی كه‌سانێك كه‌كار ناكه‌ن‌وده‌ڵێن ئێمه‌ پشتمان به‌خوا به‌ستووه‌، له‌وه‌ڵام دا ده‌ڵێت: ئه‌وانه‌ خه‌ڵكانێكن به‌ ڕاستی له‌ ئیسلام تێنه‌گه‌یشتون،ئه‌هلی بیدعه‌ن،ده‌یانه‌وێت به‌م بیانووه‌ كارنه‌كه‌ن و هه‌وڵدان بۆ ئاوه‌دانكردنه‌وه‌ی سه‌ر زه‌وی بێ بایه‌خ بكه‌ن، له‌ ئه‌نجامدا ده‌ڵێم : ئه‌ی كرێكارانی كوردستان سڵاو له‌ قۆڵ‌وبازوی ماندوتان،سڵاوله‌ شه‌ونخونیتان، له‌ئارامگریتان، شارولادێ‌ ده‌رو ده‌شته‌كان، كۆشك‌وته‌لاره‌ به‌رزوڕازاوه‌كان،په‌رله‌مان‌وفه‌رمانگه‌و قوتابخانه‌كان، مزگه‌وت‌ومامۆستا ئاینیه‌ به‌ڕێزه‌كان،حكومه‌ت ‌و ده‌سه‌ڵات داران،هه‌موان قه‌رزارین به‌ئێوه‌، پێویسته‌ زۆر گرنگی به‌ دابین كردن‌و باشكردنی ژیان‌و كارتان بدرێت، به‌رز و پیرۆز بێت قه‌در و پایه‌ و ڕێزتان .