یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا جەلال حسێن صالح کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای یەکێتی زانایان سەردانی ئەنجومەنی دادوەری هەرێمی کوردستان دەکات    *****    *****   مامۆستا مەلا حسن سعید عەوێنەی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   كۆیه‌: خولی زانسته‌ شەرعییه‌كان بەرێوەدەچێت    *****    *****   دهۆك: ماموستا مه‌لا شعبان عبدالله حوجاڤای كۆچا دوای كر    *****    *****   دووكان: مامۆستا مەلا إبراهيم كۆچی دوایی كرد    *****    *****   لقی چەمچەماڵی یەکێتی زانایان ئێوارە کۆڕێکی پیشەیی ڕێکدەخات    *****    *****   لقی کۆیەی یەکێتی زانایان کۆبوونەوەی ئاسایی خۆی ئەنجام دەدات    *****    *****   یەکێتی زانایان لە گەڵ رێزدار نێچیرڤان بارزانی سەرۆکی هەرێم لەسەر چەند پرسێکی ئایینی و نیشتمانی دیدارێکی گرنگ ئەنجام دەدات    *****    *****   یەکێتی زانایان بە فەرمی پرۆژە پێشنیاری خۆی سەبارەت بە پێگەی ئایین لەناو دەستووری هەرێم دەداتە پەرلەمانی کوردستان    *****    *****   یەکێتی زانایان سەردانی هەردوو فەراکسیۆنی پارتی و یەکێتی لە پەرلەمانی کوردستان دەکات    *****    *****   یەکێتی زانایان پرسەنامەیەک ئاراستەی ماڵباتی پێشمەرگە شەهید بووەکانی چیای مەتینا دەکات   
ئاوات نه‌قشبه‌ندی*
به‌رواری دابه‌زاندن: 13/12/2012 : 16:42:33
قه‌باره‌ی فۆنت
با حەق مافی كەس نەخوات.

زۆرجار گوێبیستی ئەوە دەبم كە سرودبێژێك یان وتارخوێنێك , شیعر‌و هۆنراوەی كەسێك لە زانایان‌و شاعیران‌و هۆزانڤانی مەزنی میللەتەكەم دەبێژن, دەیگۆڕن‌و بە ئارەزووی خۆیان كلكوگوێی بۆ دادەنێن و لێیكەم دەكەن ئەوجا دێن بەهانە بۆ چەكوشكاریەكەیان دێننەوە , كورد واتەنی عوزر لە قەباحەت خراپترە,كارەكەیان كە دەستكاری ماڵی خەڵكە قەباحەتێكی گەورەیە بەڵام بەهانە هێنانەوەكە قەباحەتتر‌و گەورەتر‌و زامەكە بە سۆترە دەكات.

بۆ نموونە:مامۆستای نامی مامۆستای مودەریسی بیارە خوا دەرەجاتی عالی تر بكات لە هۆنراوەیەكیدا كە لە ئاستانە‌و دیداری ڕەوزەی حەزرەتی پێغەمبەری ئیسلام فەرمویەتی, دەفەرموێت:

لە گشت وڵاتێك بەندەی تۆ زۆرن

ئەمنیش بەندەكەی كوردستانی تۆم.

دەیگۆڕن بەو جۆرەی كە بۆ خودای باڵادەستی وتبێت كە كۆكنابێتەوە لەگەڵ بەیتەكانی تردا.

یان بە هەر شێوەیەك بێت هەوڵی گۆڕینی هۆنراوەی خەڵك دەدەن, بە ئارەزووی خۆیان دەستكاری دەكەن تا لەگەڵ كەیف‌و ئارەزووی ئەمان بگونجێت, ئەم جۆرە كارانە لەلای من بە دزین‌و تهریبی ئەكادیمی ئەزانم و ئەچێتە خانەی خیانەت , بۆیە ئەم چەند خاڵە ئەخەمە ڕوو بۆ زیاتر خاڵ خستنە سەر پیتی ئەم بابەت وە ئومێدم وایە جێگەی خۆی هەبێت لای هەوادارانی هۆنراوە ,وە لەمەودوا هەوڵی لەو جۆرە كارانە نەدەین.

•   ماڵ‌و موڵكی مرۆڤ بۆ هیچ كەس نیە دەستكاری بكات تەنانەت لە دوای مردنیشی تەنها میراتگرانی بۆیان هەیە كە بەكاری بهێنن ئەوە بەڵگەیەكی حاشا هەڵنەگرە كە دروست نیە بە بێ مۆڵەت دەستكاری ماڵی یەكتر بكەین.

•   ( المعنی فی قلب الشاعر) گوتەیەكی زۆر دیار‌و ئاشكرایە هیچ كەس ئەوەندەی شاعیر نازانێت كەچی نوسیوە , بۆیە دەبێت پرسیار لە شاعیرەكە خۆی بكەین تا بزانین مەبەستی چی بووە وە ئەگەر شیعرەكەت پێ خراپ‌و قەڵپە بەكاری مەهێنە وەبە ناوی دڵسۆزیشەوە ماڵی خەڵك خراپ كردن كارێكی ناهەموارە !!

•   شیعر لە ناخی دڵەوە دێت , دڵیش مەڵبەندی عیشق‌و ئەوینە , ئەمانەش بەشێكن لە سەوداسەری تا ئەو جێگەی سنوری تێدا دەبەزێنرێت , خۆ ئەگەر سنوری شەریعەتی تێدا بەزێنرا ئەوە بە كۆی دەنگ وەرنەگیراوە وە ئەگەر سنور تێیدا تەواو بوو ئەوە (نور علی نور ) یا ئەوەتە خوێندنەوەیەكی ئەكادیمی بۆ بكرێت یان لێیگەڕێین تا قیامەت دێت و خاوەنەكەی ڕووبەڕووی خوا ببێتەوە وە ئەگەر نا بۆ ماڵی خەڵك كاول بكەین.

•   بە كار هێنانی شتێك لە (غير ما وضع له ) كە مالك اجازەی نەدابێت حەرامە ئەمە ڕای زانایانە., شاعیر چۆن ڕێگە دەدات ‌و ئەو مافەت پیچ ئەدات كە ماڵەكەی بەكاربهێنی بە نادروستی.

•   چۆن دەبێت جەرح و تەعدیل لە كارێكدا بكەین كە لێی نازانین و تێی ناگەین یا با فێری ببین یان وازی لێبێنین .

خوێنەری خۆشەویست كاتێك عیشقی مرۆڤێكی ئیماندار ئەجۆشێت لە ئاستانەی حەزرەتی پێغەمبەری ئیسلام وە دەڵێت من بەندەی تۆم ئەمە واتەی ئەوەنیە كە پێغەمبەر بە خوا بزانێت نەخێر ئەوە نیشانەی ئەوەیە كە زۆرم خۆشەوێت و فەرمانەكانی جێبەجێ دەكەم زۆر وشەگەلی وا هەیە لە زبانی كوردی خۆماڵیدا هیچ كات بە كوفر دانەنراوە وەكو (قوربان واتە من ببمە قوربانی بۆ تۆ ) خۆ دەزانین تەنها خوا قوربانی بۆ دەكرێت بۆیە تەنها ڕووكەش نەخوێنرێتەوە بەڵكو بگەڕێین بۆ كرۆكی باسەكان تا بە ناوی حەقەوە مافی كەس نەخورێت.

sirajzade@ymail.com

07504934377