یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا جەلال حسێن صالح کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای یەکێتی زانایان سەردانی ئەنجومەنی دادوەری هەرێمی کوردستان دەکات    *****    *****   مامۆستا مەلا حسن سعید عەوێنەی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   كۆیه‌: خولی زانسته‌ شەرعییه‌كان بەرێوەدەچێت    *****    *****   دهۆك: ماموستا مه‌لا شعبان عبدالله حوجاڤای كۆچا دوای كر    *****    *****   دووكان: مامۆستا مەلا إبراهيم كۆچی دوایی كرد    *****    *****   لقی چەمچەماڵی یەکێتی زانایان ئێوارە کۆڕێکی پیشەیی ڕێکدەخات    *****    *****   لقی کۆیەی یەکێتی زانایان کۆبوونەوەی ئاسایی خۆی ئەنجام دەدات    *****    *****   یەکێتی زانایان لە گەڵ رێزدار نێچیرڤان بارزانی سەرۆکی هەرێم لەسەر چەند پرسێکی ئایینی و نیشتمانی دیدارێکی گرنگ ئەنجام دەدات    *****    *****   یەکێتی زانایان بە فەرمی پرۆژە پێشنیاری خۆی سەبارەت بە پێگەی ئایین لەناو دەستووری هەرێم دەداتە پەرلەمانی کوردستان    *****    *****   یەکێتی زانایان سەردانی هەردوو فەراکسیۆنی پارتی و یەکێتی لە پەرلەمانی کوردستان دەکات    *****    *****   یەکێتی زانایان پرسەنامەیەک ئاراستەی ماڵباتی پێشمەرگە شەهید بووەکانی چیای مەتینا دەکات   
ئاوات نه‌قشبه‌ندی*
به‌رواری دابه‌زاندن: 20/10/2013 : 14:33:14
قه‌باره‌ی فۆنت
كچەكانمان دیاری خودان

گومانی تێدا نیە یەكێك لە هۆكارەكانی پێكەوەنانی خێزان، شوكردنی كچان‌و ژنهێنانی كوڕان بە شێوەیەكی گشتی هاوسەرگیری، منداڵ بوونە بەواتای هۆكاری بەردەوامی كۆمەڵگە، بۆیە كاتێك كە یەكێك خێزان دروست دەكات ئیتر كوڕەكە یان كچەكە چاوەڕوانی بەخششی خوای دەكەن لە بەشی منداڵ، ئەمەش سونەتی ژیانەو زۆرینەی كەس هەڵگری ئەم ئاوات‌و هیوایەیە، بەڵام كاتێك كە منداڵەكەیان دەبێت دەبینن كە كچە نیگەران دەبن‌و ئیتر وەكو ئەوە وایە كە ئاسمان ڕووخابێت بەسەریاندا، ئەمەش زیاتر لەلای گەلانی دواكەوتووی دوور لە شەماڵی ئیسلام و خوداناسی، ببینە كە خوای میهرەبان چۆن باسی ئەو گەلانەمان بۆ دەكات، لە قورئاندا دەفەرموێت:5وإذا بشر أحدهم بالأنثى ظل وجهه مسوداً وهو كظيم  يتوارى من سوء ما بشر به أيمسكه على هون أم يدسه في التراب ألا ساء ما يحكمون4. كاتێك كە یەكێكیان مژدەی ئەوەیان پێدەدا كە كچێكی بووە ، دەموچاوی ڕەش هەڵدەگەرا لە قەهری بوونی كچەكەیدا ، وە زۆر دڵی پێی ناخۆش دەبوو ، ئیتر ئەو باوكە كچە لە نەفای و سەرگەردانیدا نەیدەزانی بیكاتە ژێر خۆڵ یان هەر بە زەلیلی و ناڕەحەتی ئەو كچەی بهێڵایەتەوە خوای میهرەبان ئەفەرموێ ئەمە خراپترین فرمان و بڕیارە.

  بەڵام كە ئیسلام هات ئەم بڕیارە بۆگەنەی كرد بە ژێر خاكەوە و جوانترین بڕیاری كردە دیاری بۆ كۆمەڵگە كە خۆشەویستی سەردار ئەفەرموێت: [ من عال جاريتين حتى تبلغا جاء يوم القيامة أنا وهو كهاتين وضم أصابعه] واتای هەر كەس دوو كچ بە خێوبكات تا گەورە دەبن ئەو كەسە ڕۆژی پەسڵان لەگەڵ خۆشەویستدا صلى الله عليه وسلم وەكو ئەو دوو پەنجەیە وان، خۆشەویست صلى الله عليه وسلم پەنجەكانی لكاند بەیەكەوە.

   یان لە فەرموودەیەكی تری شیرینیدا خۆشەویست صلى الله عليه وسلم دەفەرموێت: [ من كان له ثلاث بنات يؤويهن ويكفيهن ويرحمهن فقد وجبت له الجنة البتة ، وقال رجل بعض القوم: ثنتين يا رسول الله، قال وثنتين] رواه البخارى. واتای هەر كەس سێ كچی هەبێت ئاگاداریان بێت‌و بیان حەوێنێتەوە سۆزی هەبێت بۆیان ئەوە بەهەشت بە تەواوی بۆی مسۆگەرە ، كەسێك ، ووتی: ئەی ئەگەر كەسێك دووانی هەبێت ئەویش هەروا دەبێت؟ خۆشەویست ، فەرمووی: بەڵێ‌ دوانیش بە هەمان شێوەیە.

   كەواتە ئەوانەی كە جیاوازی لە نێوان كچەكانیان و كوڕەكانیان دەكەن، بە هەر جۆرێك لەوەی كە كوڕەكانیان بە مەزنتر ڕابگرن یان كچەكانیان، ئەوە بە هەڵەدا چوون و دەكەونە بە قەهری خوایی، چونكە پەروەردگار ڕێگەی زوڵمی قەدەغە كردووە، نەك تەنها لەسەر بەندەكانی بەڵكو لەسەر خۆیشی، [یا عبادی أنی حرمت الڤلم علی نفسی وجعلته محرما بینكم].

   ئەوەی كە كچی هەیە و بە جوانی پەروەردەیان دەكات و دەیان كاتە باشترین دیاری بۆ كۆمەڵگەی موسوڵمانان ئەوە سێ مژدەی بۆ ئامادەكراوە:

1.     بەهیچ شێوەیەك ناچێتە ئاگرەوە بە بەڵێنی خۆشەویست صلى الله عليه وسلم .

2.     ڕۆژی ناهەمواری قیامەت ئەو لەگەڵ خۆشەویست صلى الله عليه وسلم دەبێت.

3.     بەهەشتی بۆ مسۆگەرە و لەوێش لەتەك خۆشەویست صلى الله عليه وسلم جێگەی بۆ ئامادەیە.

كەواتە ئەی موسوڵمانی لە خواترس، بێ فەرمانی خواو خۆشەویست مەكە!جیاوازی مەكە لە نێوان كوڕ و كچدا، وە هیچ كات لەو باسانەوە مەگلێ! تا نەكەویتە بەر قەهری خوایی چونكە چ كوڕ و چ كچ دیاری خودان تۆش بە جوانی مامەڵە بكە لەگەڵ دیاریە بەنرخەكانی خوای میهرەبان.
 *قوتابی ماستەر

 

Sirajzade1983@gmail.com