یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
مه‌لا عه‌بدوڵلا شێركاوه‌یی
به‌رواری دابه‌زاندن: 01/02/2023 : 00:01:46
قه‌باره‌ی فۆنت
یادێکی وەفاداری بۆ شەهید مەلا عبدالله پەلپیتانی

 

تیرۆر وەک دەستێکی ڕەش هیچ کات جیاوازی بەکەس نەکردووە نە موسڵمان نە غەیرە موسڵمان، ئامانجی پێکانی مەبەستە شوومەکانی خۆی و تێکدانی ئارامی کۆمەڵگەو دروستکردنی بەربەست بووە لەبەردەم پێشکەوتن و هەنگاوە ستراتیژییەکانی شارستانیەت و مرۆڤایەتی، کوردستان و گەلی کورد هەمیشە قوربانی ئەو دەستە شووم و رەشە بووە، کە دوژمنان ویستویانە لەرێی تیرۆرەوە زەبری کوشندەی لێ بوەشێنن.

زانایانی ئایینی لە قۆناغە جیاجیاکانی میللەتەکەیان بوونەتە قوربانی دەستی تیرۆرو تا ئێستا چەندین زاناو کەسایەتی ئایینی لەو رێیەوە شەهید بوون، کە یەکێک لەوان شەهید مەلا عبدالله پەلپیتانیە.

شەهید مامۆستا مەلا عبدالله پەلپیتانی یەکێک لە زاناو کەسایەتیە هەڵکەوتووەکانی هەولێرو کوردستان، کە هەموو ژیانی بۆ خزمەتی ئایینی پیرۆزی ئیسلام و موسڵمانان تەرخان کردبوو، بەردەوام بە دەستێک خزمەتی مزگەوت و مینبەرو گەیاندنی پەیامی دروست و رەسەنی ئیسلامپەوەری و بەدەستەکەی تر خەمخۆری بۆ پرسی نەتەوەپەروەری و نیشتمان دۆستی.

لە ئاوێتەی ئەم دوو هەستە بەرزەوە هەموو هەوڵەکانی بۆ بەرەو پێشبردنی کۆمەڵگەو بەرپاکردنی سەقامگیری و ئاشتی کۆمەڵایەتی و چارەسەرکردنی گرفت و ئاریشەکان بوو، تەنانەت زۆربەی کات لەمزگەوتی سپی کە یەکێکە لە مزگەوتە دیارو تایبەتەکانی توڕاسی دینداری لە پایتەختی کوردستان، لەخزمەت خەڵک و هاوڵاتیان کاتی بەسەر دەبرد.

مامۆستای رەحمەتی مودەریسێکی خەمخۆرو سەرقافڵەی چرای زانست و حوجرەو مەدەرەسە بوو، لەرووی پێگەیاندنی نەوەو رۆڵەکانی گەلی کورد هەموو قوربانیەکی بەخۆی دەداو ببووە مۆمی رووناککرەوەی ژیانی زۆرێک لەوانەی پەیڕەوی رێبازی زانست و رێبواری کاروانی مێزەر بەسەرانی کوردستانەوە.

هەمیشە پەیامی میانڕەوی و فکرو عەقڵ و دڵی بەمەیلی پیشاندان و دەرخستنی گەورەیی ئیسلام لێدەداو بووە سەداو دەنگێکی زوڵال لە بڵندگۆی مزگەوت و نەشئەو نەسیمی رۆح و عیرفانی بەسەر دەوروبەر دەرازاندەوە.

دەکرێ بڵێین مامۆستاى رەحمەتى پێشينەیەكى زۆر چاك و باشى هەبووه لەبلاوكردنەوەى ئاينى پيرۆزى ئيسلام و پيگەياندنى سەدان فةقێ و وانه وتنەوه له قوتابخانەى ئاينى و حوجرەو بەرێوەبردنى كاروبارى موسلمانان و چارەسەركردنى سەدان كيشەى كۆمەلايەتى و بەهانا هاتنى هەژاران و كەم دەرامەتان.

نۆزدە ساڵ بەر لە ئەمڕۆ تیرۆریستان و دوژمنانی گەلی کورد و کوردستان، وەک هەمیشە بێ گوێدانە هیچ بەهایەکی مرۆڤایەتی و ئاینی لە یەکەم رۆژی جەژنی قوربانی پیرۆزدا لە ۱/شوبات/۲٠٠٤، پەنایان بردە بەر کردەوەیەکی قێزەون، لەو کاتەی هەمووان بە گیانی لێبووردەیی جەژنە پیرۆزەیان لە یەکتر دەکردو گەردن ئازادییان لە یەکتر دەخواست، دەستی رەشی نەگریسی تیرۆریستان و دوژمنان لە ھەولێری پایتەخت دوو کردەوەی تیرۆریستییان لە پایتەختی كوردستان ئەنجام دا، لەو رووداوە خوێناوییەدا پۆلێك لە خەباتکارو نیشتمانپەروەرو کەسوکاری شەهید و منداڵ تێیدا شەهیدبوون و گەیشتنە کاروانی سەربەرزی نەمران.

مامۆستای رەحمەتی یەکێک بوو لەو قوربانیانەی بەدەستی رەشی تیرۆر شەهید کرا، کە بەم کارەساتەوە بۆشایی و کەلێکی گەورەی لەنێو کۆڕی زانایان و زانستخوازان دروست کردو خەمی فیراقی بووە یاوەری دڵی ئەهلی عیلم و عیرفان و خەمخۆرانی شارە دیندارەکەی هەولێری منارەو مزگەوتەوە.

لە ساڵیادی شەهیدکردنی مامۆستا مەلا عبدالله پەلپیتانی دروود بۆ گیانی ئەو زاتە دەنێرین و مایەی شانازی و سەبەرزییەکی زۆرە، کە هەمیشە زانایان لە کوردستان خەمخۆرو ئەمەکداری دین و ژینی گەلەکەیان بوونەو وەک مۆم بۆخۆیان سووتاون و رووناکیان بەخشیوەتە دەوروبەر.

سڵاوو و دروود بۆ گیانی ماندوونەناسی مامۆستای رەحمەتی و سەرجەم شەهیدانی یەکێتی زانایان و کوردستانی ئازیزەوە. خوای میهرەبان رۆحی بەرزە فڕیان بە فیردەوسی ئەعلا شاد بکات.

 

بەرپرسی راگەیاندنی یەکێتی زانایانی ئایینی ئیسلامی کوردست