یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی شێخانی یەکێتی زانایان سەردانی ئەنجومەنی پارێزگای دهوک دەکات    *****    *****   خێرخوازێک بەرهەمی تەماتەی جووتیاران دەکڕێت و بەسەر کەمپەکان و خەڵکی هەژار دابەشی دەکات    *****    *****   سۆران: گه‌نجێكى نابینا لە‌ ماوه‌ى ٦ ساڵ تەواوی قورئانی پیرۆز و ٢٥٠ فەرموودە لەبەر دەکات ‎    *****    *****   قایمقامی قەزای شێخان سەردانی لقس شێخانی یەکێتی زانایان دەکات    *****    *****   مامۆستا مەلا محمود فقێ محمد شەمێرانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی شێخ محمد شێخ عبدالکریم کەسنەزانی یەکێتی زانایان پرسەنامەیەک رادەگەیەنێت    *****    *****   مامۆستا مەلا سلێمان پیرۆمەری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەنجومەنی باڵای فەتوا: سوتاندنی گیانداران بە زیندوویی بە هیچ شێوەیەک دروست نیە    *****    *****   مامۆستا مەلا شێخ حوسێن بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حەسەن باوەمردەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی کوڕی یەکێتی زانایان پرسەنامەیەک ئاراستەی مەلا محمدأمین چەمچەماڵی دەکات    *****    *****   ئەنجومەنی باڵای فەتوا: حوكمی مووچه‌ی بن دیوارو دوو موچه و خانەنشینی نایاسایی روون دەکاتەوە‌   
مه‌لا یاسین وه‌رتی
به‌رواری دابه‌زاندن: 05/02/2019 : 12:08:15
قه‌باره‌ی فۆنت
هونەرە جوانەکان بوارێک بۆ خزمەت بە پەیامی ئیسلام و کۆمەڵگا

خەڵکی موسڵمان و دیندار لە هەر مەیدانێکی ژیان پاشەکشێ بکەن، ڕاستەوخۆ ڕێگا خۆش دەبێت بۆ ئەوەی ئەو بوارەی ژیان بکەوێتە دەست خەڵکی لاڕێ و بێدین، لە ئەنجامیشدا ئەو کەرتەی ژیان سەرتاپا ڕەنگی بێدینی دەگرێت و دەبێتە موڵکی کەسانی دوور لە دین، ئەوانیش بەو شێوەیەی خۆیان دەیانەوێ بۆشاییەکە پڕ دەکەنەوە .

 

بۆ نمونە:
لە بواری هونەریدا، گۆرانی و مۆسیقا یەکێکە لەو بابەتانەی بەناوی شەرع و بیدعە بوون و شتی ترەوە بەگشتی لەبەرچاوی موسڵمانان ناشیرین کرا، ئەمەش وایکرد تەنها کەسانی نا مولتەزیم و دوور لەدین بچنە ئەو بوارانەو ڕۆڵ ببینن، ئەوانیش بوارەکەیان قۆستەوە بۆ ئەوەی بەپێی هەواو هەوەسی خۆیان سوودی لێ ببینن، بواری هونەری گۆرانی و مۆسیقایان بە جۆرێک بە خەڵک ناساند کە دوور لەدین و شەرع و ئەخلاقی ئیسلامی بێت، بەم جۆرە وێنایەکی نادروست لای خەڵکی موسڵمان دروست بوو کە گۆرانی و مۆسیقا و هونەر لەلایان یەکسان بێت بە بێبەندو باوی و ئافرەتی ڕووت و تێکەڵی و شتی نەشیاو .
بەمەش هێندەی تر دەرفەت بۆ توندڕەوو ڕووکەش ویستەکان خۆش بوو بۆ ئەوەی هەموو جۆرە هونەرو مۆسیقاو ئامرازێکی خۆشی دەربڕین حەرام بکەن .

 

بێگومان ئەگەر مۆسیقاو هونەرە جوانەکانی تر پێشتر لەلایەن خەڵکی دیندارەوە گرنگیان پێدراباو بەڕێوەبرابان، دەکرا بەشێوازێکی تر ئاراستە بکرێن، لەگەڵ بەکارهێنانیان وەک ئامرازی خۆشی دەربڕینی دروست دەکرا ببنە ئامرازێکی خزمەت کردن بە پەیامی ئیسلام و مرۆڤایەتیش .

ئیسلام هیچ شتێکی بەڕەهایی قەدەغە نەکردووە، گۆرانی و مۆسیقاش یەکێکن لەوانە، ڕۆژانی ژیانی پێغەمبەری خوا (درودی خوای لێ بێت) شاهیدی ئەو ڕاستیەن، بەڵام دواتر موسڵمانان لە ژێر هەژموونی دژایەتی داهێنان (بیدعە) و دنیا نەویستی دا مەیدانەکەیان چۆڵکرد، تا گەیشت بەوانەی ئەمڕۆ بوونەتە پەتای هونەرو ڕەوشتی جوان .

لێرەدا گۆرانی و مۆسیقام وەک نمونە هێنایەوە، ئەگەرنا بوارەکانی تری وەک شانۆ، فیلم، وێنەکێشان، گەشتوگوزارو ...هتدیش، بە بەڵگەی لاوازو بیانووی جۆراوجۆر حەرام کراون و تایبەت کراون بە کەسانی نوێژنەکەرو ئیمان لاواز یان بێدین ولاڕێ (لەگەڵ ڕێزم) .

حاڵەتەکە بەجۆرێکە ئەگەر گەنجێکی مولتەزیم بە دین حەزیشی لێ بێت بچێتە پەیمانگایەکی هونەرە جوانەکان وێنەو شانۆو مۆسیقا بخوێنێت ناتوانێت، چونکە لەدوو لاوە فشاری لەسەرە، لایەکیان کەسوکارو خەڵکە دیندارەکەیە کە پێی دەڵێن ئەوە شوێنی تۆ نیە، لایەکەی تریش دۆخی ئەو پەیمانگایانەیە کە بەجۆرێکە کەسی پابەند بەدین تێیدا هەست بە نامۆیی دەکات و لەوانەیە مەترسی ئەوەشی لەسەر بێت نەتوانێت بەردەوامی بە دینداریەکەی بدات .

هیوادارم لێرە بەدواوە مشورخۆرانی کاروباری ئاینی و بانگەوازی ئیسلامی و ڕێکخراوە بانگخوازیەکان ئاوڕێکی جدی لە بواری هونەری بدەنەوە بەهەموو بەشەکانیەوە، خولی فێرکاری بۆ گەنجان بکەنەوە، و تیپی مۆسیقاو شانۆو ...هتدیان هەبێت، کەسانی شارەزاو ئارەزوومەند لەو بوارانەدا کۆ بکەنەوەو سوود لە تواناکانیان وەرگرن .