بەڕەغمی ئەوەی سەختی ژیان تەنگی پێ هەڵچنیووین و داخوازی و وەسائیلی ژیان زۆر بوون و وەزۆر بەخێرایی گوزەرەکاو بەرەکەت لەکات کەمبۆتەوە.

هەموومان بەجارێ سەرقاڵبووین و جەنجاڵی و پەشۆکاوی و ئاڵۆزییەکی زۆرمان پێوەدیارەو کاتگەلێکی زۆر بەفیڕۆدەدەین و زۆر بەکەمی دەپڕژێینە سەر ئەسڵ و کڕۆک و لوببی بابەتە هەستیارو سودبەخشەکان،

بۆیێ کاتەکانمان وەهەمیش مێشک و دڵ و دەرونمان پەرش و بڵاو بوون و بەئەستەم ئەتوانرێ کاتەکانمان تەنزیم کەین و بەرنامەڕێژی ژیانمان بکەین.

ئیتر ئەم هۆکارانەش وای کرد جڵەو بۆ نەفسمان شل بکەین و لەناو حەزو ئارەزو شەهوات و شوبهات و مەلەززاتی دونیا ڕوچووین و بەجارێ بوینەتە کۆیلەو دارەدەستی نەفس و ئارەزووەکانمان و بوینەتە ڕۆبۆرت و وەسیلە لەبەر دەستی ئەم نەفسی ئەمماڕەی بەدکارە.

ئیدی ئەمەش وایکردووە ژیان لەسەر سیکەی خۆی نەمێنێ و پڕبێ لە نائاسودەیی و ناسەقامگیری و زوڵم و ستەم و نادادی.

مرۆڤ کە مەخلوقێکی تەکریمکراوو تەکلیفراوە، وەخاوەن عەقڵ و علم وحیکمەت و خاوەن پەیامە، نابێ و ناکرێ بەجۆرێک بژی خۆی ببێنێتەوە ئاستی نزمی دروستکراوەکانی ترو ئەم هەستی قوڵی بەرپرسیارەتە فەرامۆشبکات و بەرهەم و شاکاری نەبێ و بەتەواوەتی دەست لەخۆی و بشوات و بەردات،

بەڵام ڕەمەزان بەم گەورەیی و بەرەکەت و هێزو سیحرەی هەیەتی دەتوانێ جارێکی تر ژیانمان ڕێکبخاتەوەو بمانخاتەوە سەر فیترەتی ئەسڵیمان و دۆخی ژیان و دینداریمان بخاتەوە شوێنی خۆی،

مانگی ڕەمەزان وەک بەهارو بوکی مانگەکان وایەو دەبێتە ئەبدێتی ئیمانیمان و فێرژنی ژیانمان، وەئاهێک بەبەرمان دادێتەوە بەرگێکی نوێ دەکاتە بەر تەواوی کایەکانی دین و ژینمان وەزیمنسازییەکی تەواومان بۆ دەکات تاکو بتوانین گۆڕانکاری دورست بکەین و بڕیاری تەندروست بدەین

مەگەر تەنها ڕەمەزان بتوانێ ئەم نەفسە سەرکێشەو بەدخووەمان بۆ بسازێنێ و لاوازی بکات و سنورێک بۆ ویست و دەستەڵاتەکانی دابنێ، ئەم نەفسەی کە بە هۆیەوە خەڵتانی غەفڵەت بووین و دنیا قاچمانی بەستووەو لەساباتی هیممەت و لێبڕانماندا، شەیتان جێگەی ڕاخستووەو زۆری ئارەزووەکان ڕۆحمانی گەستووە

ئەونەفسەی کە هەمیشە مرۆڤ دنەدنە ئەدات و هەڵی ئەنێ بۆ خراپەو خراپەکاری

ئەم ئایەت و فەرموودانەش کەم نین کەباس لە ختوراتی نەفس دەکەن، کە پێویستە مرۆڤ سنورێکی بۆ دابنێ و جڵەوی بۆ شل نەکات بۆ نموونە هەندێ لەمانە:

( وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ۚ إِنَّ رَبِّي غَفُورٌ رَّحِيمٌ ) [ یوسف/53 ]

( قَدْ أَفْلَحَ مَنْ تَزَكَّى ) [ الاعلی/14 ]

( قَدْ أَفْلَحَ مَن زَكَّاهَا ) [ الشمس/۹ ]

.....

فەرمایشتەکان جەخت لەمەدەکەنەوە

" حُفَّتِ الجَنَّةُ بالمَكارِهِ، وحُفَّتِ النَّارُ بالشَّهَواتِ "

" إنَّ من أعظم الجهاد في سبيل الله جهادُ النفسِ على طاعة الله عز وجل، ولا يظنَّ من لم يستطعْ مقاومةَ شهوتِه ولذَّتِه أنَّ في استطاعتِه أن يُجاهدَ أعداءَ الله ... "

..

" رجعنا من الجهاد الأكبر إلى الجهاد الأصغر "

..

ئیمامی عەلیش ڕەزای خودای لەسەربێ فەرموویەتی:" أفضل الجهاد جهاد النفس عن الهوى، وفطامها عن لذات الدنيا.."

...

عارف و شاعیری گەورەی کوردیش حەزرەتی مەحوی- یـش جوانی فەرمووە

" ئەسیر و سەیدی قەیدی کەیدو شەیدی نەفسی ئەممارەم

لە دەست ئەم مارە بەدچارە، چیە چارم، خودا چارەم "

- - - - -

وەمانگی پیرۆزی ڕەمەزان ڕۆڵی ئێجگار گەورەو کاریگەری هەیە لەسەر بەرقەرار کردنی ئاشتی و ئاسایش و ئەمن و ئەمان، ئەویش لەبەر دوهۆکاری گەورەو گرینگەوەیە،

یەکەمیان: بەهۆی ئەم کەشە ئیمانیەی لەم مانگەدا دروستەبێ و شەیتان کۆت و زنجیرەکرێ و نەفسش برسی و بێنازەکرێ ئەم دوانە هۆکاری سەرەکی تاوان و سەرپێچییەکانن.

دووەمیشیان: بەم داواو تەکلیفەی لێمان کراوە کە بەهۆی ئەم مانگەوە ئاشتبینەوەو ئاشتەوایی و تەبایی و مەحەببەت پەخشکەین و ڕێگری لەهەر ئەگەرێک بکەین کە سەر بۆ شەڕو ئاژاوەو فیتنەو فەسادی و بەرێ

چۆن داوامان لێکراوە خۆمان لە خواردن و خواردنەوە بگرینەوەو دەست هەڵگرین لێیان ، ئاواش داوامان لێکراوە لە هەموو ئەوشتانەش دوورکەوینەوە کە دەبنە هۆکاری و پشێوی و ئاشوب، وەسەردەکێشن بۆ شەڕو شۆق و پێکدادان و تێکگیران.

" ...ينبغي للصَّائِمِ إن سابَّه أحدٌ أو قاتَلَه أن يقولَ جهرًا : إنِّي صائِمٌ "

" مَن لم يَدَعْ قول الزُّور والعملَ به والجهلَ، فليس للهِ حاجةٌ أن يَدَعَ طعامه وشرابه ".

بەئومێدی ئەوەین ئەم ڕەمەزانە تەواو جیاوازبێ و تەوبەو پەشیمانی تەواو دەربڕین و، دیندارییەکی تەواو تێرو تەسەل و تەندروستی تێدا ئەنجام بدەین و،  لێوان لێوی کەین لە عیبادەت خواپەرستی و گوڕانکارییەکی ڕیشەیی و هەمیشەییمان تێدا دروست بکات کەبەشی تەواوی ژیانمان بکات، یانیش لانی کەم بەشی یازەدە مانگەکانی ترمان بکات.