یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکەمین کۆبوونەوەی راوێژکاری لێژنەی باڵای کردنەوەی زانکۆی ئیسلامی لە کوردستان بەڕێوە دەچێت    *****    *****   سەرۆکی یەکێتی زانایان بەشداری کردنەوەی مزگەوتي (محمد ئيسماعيل نانەکەلی) لە شاری هەولێر دەکات    *****    *****   مامۆستا مەلا عبدالحكيم شێخ بزێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   گۆڤاری زانستی (زانکۆی عیراق)ی توێژینەوەیەکی سەرۆکی یەکێتی زانایان بڵاو دەکاتەوە    *****    *****   لقا ئاكرێ یا ئێكەتیا زانایان سەرەدانا قایمقاما ئاكرێ و سەرۆكێ‌ زانكۆیا ئاكرێ دكەت    *****    *****   لقی گەرمیانی یەكێتی زانایان بەشداری لە كۆڕێكی رۆشنبیری دەكات و سەردانی مەڵبەندی 11ی یەكێتی نیشتیمانی دەكات    *****    *****   بەرپرسی لقی هەولێری یەکێتی زانایان بەشداری مەراسیمی دەرچووانی کۆلێژی قەڵای زانکۆیی دەکات    *****    *****   دهۆك: شاندەكا بلندا لقێ شێخان یا زانایان سەرەدانا رێڤەبەرێ نویێ ئەوقافێ دكەن    *****    *****   مامۆستا مەلا شەمسەدین خرابەدراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی سۆرانی یەکێتی زانایان سیمیناری هەفتانەی خۆی سازدەکات    *****    *****   لقی ئاکرێی یەکێتی زانایان کۆبوونەوەی مانگانەی ئاسایی خۆی ئەنجامدا    *****    *****   لقی هەڵەبجەی یەکێتی زانایان کۆبوونەوەی ئاسایی خۆی ئەنجام دەدات   
مەلا عبدالله شێرکاوەیی
به‌رواری دابه‌زاندن: 03/06/2019 : 18:14:21
قه‌باره‌ی فۆنت
ئەوقافی راپەڕین تکایە هەڵوێستتان!؟

لە ماوەی رابردوو لەیەكێ لە مزگەتەکانی شاری رانیە، وتاربێژێک لە وتارەکەی بێ رەچاوکردنی پرنسیپە گشتیەکانی وتارو پێگەی ئیجتیهادو رێزگرتن لە فەتوای ئەنجومەنی باڵای فەتوای هەرێم، هێڕشی توندو تەکفیر ئامێزو پڕ تەحەدی دەکاتە سەر زانایان، لەبارەی نادروستی دانی پارە لەجیاتی خواردن بۆ سەرفترە.
ئەو بابەتە دەمێکە گەورە زانایان قسەیان لێ کردووەو لە هەرێمیش ئەنجومەنی باڵای فەتوا روونی کردۆتەوە، کە هەردووکی (خواردن و پارە) دروستەو بەڵگەی زۆریشی لەو بارەوە خستۆتە ڕوو، کێشە ئەوە نیە خودی بابەتەکە راجیایی زانایانی لەسەرە، بەڵکو کێشە کەم تفاقی و ئوسلوبی ئەو وتاربێژەیە دەرهەق بە زانایانی ئیسلام، ئاخر کەسێک لە ئەزمونی سەرەتایی دابێت و هیچ ناونیشانێکی فەرمی نەبێ و خۆی بکاتە موفتی و زانایان تەکفیر بکات و پشێوی لەناو خەڵک دروست بکات، لە حاڵێکدا نە مینبەر جێی فەتوا دانە، نە بیری تەکفیرکردن وەها سادەو ئاسانە، نە ئەویش ئەهلی فەتوایە تا پێی وابێ حەسمی بابەتە خیلافیەکان دەکا، ئەو جۆرە حاڵەت و تێگەیشتن و ئاراستەو گوتارە تەسک و رووکەشە وێڕای ئەوەی درزو ترازان و دڵەڕاوکێ دروست دەکا، لەهەمان کات هیچ خزمەتێک ناگەیەنێ، بۆیە بەهیچ شێوەیەک رەوا نیە ئەوقافی سنوورەکەو وەزارەت لێی بێ دەنگ و بێ هەڵوێست بن!؟
ئەمە لە کاتیکدا ئەوقافی راپەڕین لە ئاگاداریەکی بۆ مامۆستایانی ئایینی سنووری خۆی دەڵێ: (داواتان لێدەكەین كە خۆتان و خەڵكیش بەدور بگرن لە هەر بابەتێكی فراوانی خیلافی فیقهی كە سەر بكێشێت بۆ ئاڵۆزی دەرونی هاوشاریانی دەڤەرەكە) ئەم سنوورە شکا.
هەردوو لقی قەڵادزێ و رانیەی یەکێتی زانایان لە دڵسۆزی سنوورەکە و رێگری لەدروستبوونی دڵەڕاوكێ و پشێوی و فەتوای رەمەکی، روونکردنەوەیەکی هاوبەشیان بڵاو کردەوەو تیایدا ئەوانیش داوا دەکەن سنوورێک بۆ دۆخەکە دابنرێ.
بەراستی کە گوێ لە وتاری لەو شێوە رادەگری، هەست دەکەی هێشتا بیری توندڕەوی و تەکفیر لە کوردستان هەڕەشەیەو بەو شێوەش بڕوات مەترسی زیاتر دروست دەکات و کاردانەوەکانیش باش ناکەون!
ئەو وتاربێژە لە وتارەکەی دەڵێ: گوێ مەدە بە فلان و فیسار کە دەڵێ بە پارە دەبێ بە پارە نابێ و بەهیچ شێوەیەک دروست نیە هەزار زاناش وا بڵێ.
هەروەها دەڵێ: والله وبالله وتالله بە پارە لەسەرت لاناچێ، خوا تەوفیقی داوم ئەگەر دڵنیا نەبم سوێند ناخۆم.
دەڵێ: شێخمان (شێخ ئەلبانی) دەڵێ ئەوەی دەڵێ بە پارە دروستە تۆمەتی بۆ خواو پێغەمبەر هەڵبەستووە.
دەڵێ: ئەوەی بڵێ بە پارە دروستە کوفرەو کوفری کردووە!
دەڵێ: ئیللا بە خواردن دەبێ غەیری ئەوە نابێ و پارەش بدەیت دەبێ دووبارەی کەیتەوە.
بەو شرۆڤەیە بیت دەبێ زۆربەی زۆری زانایانی کوردستان نەک دڵسۆزو دیندار نین بگرە کافریشن!

بۆیە من داوا لە لایەنی پەیوەندار بەتایبەتی ئەوقافی سنوورەکە (بەڕێوەبەرایەتی ئەوقافی راپەرین)دەکەم هەرچی زووە هەڵوەستەیەک بکەن و بەدواداچوون و لێ پرسینەوەو رێکاری پێویست ئەنجام بدەن. ئەگەریش بێ دەنگی و رازی بوون بە دۆخەکە هەڵدەبژێن؟ یان ئەو شێوازە گوتارەتان قەبوڵەو گوێ بە هەست و هەڵوێستی زانایانی بەڕێزی دەڤەری راپەڕین نادەن؟ راشکاوانە هەڵوێست و رونکردنەوەیەک لەو بارەوە راگەیێنن!