یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی دهۆکی یەکێتی زانایان پێشوازی لە مەتڕانی ئەبڕەشەی کلدانی و بەرێوەبەری کاروباری مەسیحیان دەکات    *****    *****   هەولێر: مەراسیمی ناساندنی کتێبی (بە یەکەوە ژیان لە کوردستان دیدو بۆچوونی ئایینە جیاوازەکان) بەرێوە دەچێت    *****    *****   مامۆستا مەلا عوسمان مەلا محمد شێخەڵمارێنی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لە مەراسیمێکدا لقی هەڵەبجەی یەکێتی زانایان سەری ساڵی کۆچی بەرز رادەگرێت    *****    *****   شاندێکی سەنتەری کوردستان بۆ توێژینەوەو لە وزە نەبینراوەکان سەردانی یەکێتی زانایان دەکات    *****    *****   شاندێکی لقی سۆرانی یەکێتی زانایان بەشداری مەراسیمی ناشتنی روفاتی 100 ئەنفالی بارزانی دەکات    *****    *****   هەولێر: بە بەشداری ژمارەیەکی بەرچاو لە مامۆستایانی ئایینی مەراسیمی بەرز راگرتنی سەری ساڵی کۆچی بەرێوە دەچێت    *****    *****   لقی پشدەری یەکێتی زانایان کۆدەبێتەوەو چەند پرسێک تاوتوێ دەکات    *****    *****   بە بۆنەی سەری ساڵی کۆچی یەکێتی زانایانی ئایینی ئیسلامی کوردستان پەیامێک بڵاو دەکاتەوە    *****    *****   لقی ئاکرێی یەکێتی زانایان کۆدەبێتەوەو چەند پرسێک تاوتوێ دەکات    *****    *****   لقی سۆرانی یەکێتی زانایان دانیشتنی هەفتانەی خۆی سازدەکات    *****    *****   لقی موسڵی یەکێتی زانایان بەشداری کردنەوەی مزگەوتی گوندی یەکمالە لە بەردەرەش دەکات   
مەلا عبدالله شێرکاوەیی
به‌رواری دابه‌زاندن: 07/05/2012 : 02:41:31
قه‌باره‌ی فۆنت
كۆنگره‌ی گردبوونه‌وه‌ی عه‌ره‌بی بۆ سه‌رخستنی دۆزی كورد هه‌نگاوێك به‌ره‌و ئومێد
Sherkaway83@gmail.com

كاتی بینیم له‌ هه‌ولێری پایته‌خت كۆنگره‌یه‌ك له‌سه‌ر دۆزی كورد به‌ڕێوه‌ ده‌چێت‌و له‌ ژێر ناونیشانی ( كۆنگره‌ی گردبوونه‌وه‌ی عه‌ره‌بی بۆ سه‌رخستنی دۆزی كورد) یه‌كجار خۆشحاڵ بووم‌و له‌ناخه‌وه‌ هه‌ستم به‌ ئاسووده‌یی كرد، له‌به‌ر ئه‌وه‌ی:

یه‌كه‌م: تا ئێستا له‌ سایه‌ی ده‌سته‌ڵاتی عه‌ره‌به‌ شوڤێنیه‌كانه‌وه‌، پێناسه‌ی كورد به‌ شێوه‌ی خراپ‌و له‌ ئاست پێویست بۆ عه‌ره‌بی خواره‌وه‌ نه‌كراوه‌، ئه‌مه‌ سه‌ره‌ڕای ئه‌وه‌ی هه‌ر له‌ لایه‌ن ده‌سته‌ڵاتی عروبه‌وه‌ سته‌می زۆرو تاوانی گه‌وره‌ به‌رامبه‌ر رۆڵه‌كانی گه‌لی كورد ئه‌نجام دراوه‌‌و، هه‌وڵی شاردنه‌وه‌‌و شه‌رعیه‌ت پێدانیشی بۆ خراوه‌ته‌وه‌ به‌ر..

دووه‌م: به‌ستنی وه‌ها كۆنگره‌یه‌ك له‌و ئان‌و ساته‌دا بایه‌خی تایبه‌تی هه‌یه‌‌و، ئاسۆیه‌كی باشیشی لێ‌ چاوه‌ڕوان ده‌كرێ‌، له‌به‌ر ئه‌وه‌ی هه‌م ئاستی زۆرێك له‌ رۆشنبیرو سیاسی‌و بیریاری عه‌ره‌بی گه‌یشتۆته‌ ئه‌و ئاسته‌ی له‌ دژی سته‌می ده‌سته‌ڵاتدارانی عه‌ره‌بی بێنه‌ ده‌نگ، كه‌ چیتر به‌و شێوه‌ مامه‌ڵه‌ له‌گه‌ڵ كورد نه‌كه‌ن‌و مافیان لێ‌ نه‌ستێنن‌و دان به‌ بوون‌و سه‌نگ‌و قوڕسایی كورد بنێن، هه‌میش به‌ژداری نوێنه‌رانی ده‌وڵه‌ته‌ عه‌ره‌بیه‌كان له‌ پایته‌ختی كوردان خۆی بۆ خۆی ده‌سكه‌وتێكه‌‌و هه‌نگاوێكی نوێشه‌ له‌ خوێندنه‌وه‌ی حه‌ده‌سه‌كان‌و هه‌ڵسه‌نگاندنی هه‌ڵوێست‌و دیار كردنی چاره‌سه‌ریه‌كان له‌ رێی دیالۆك‌و دانیشتن‌و گۆڕینه‌وه‌ی سه‌رنج‌و بۆچوونه‌كان.

سێیه‌م: هه‌ڵوێستی كورد له‌مه‌ڕ داواكاریه‌كانی شتێكی ده‌ستووری‌و یاسایی‌و ئاساییه‌‌و مه‌ترسی نیه‌ بۆ سه‌ر هیچ كه‌س‌و لایه‌نێك، له‌به‌ر ئه‌وه‌ی ده‌بێ‌ له‌ نزیكه‌وه‌ برا عه‌ره‌به‌كان ئاگاداری په‌یوه‌ندیه‌ باش‌و دێرینه‌كانی نێوان كوردو عه‌رب بن‌و، له‌هه‌مان كاتیش دوور له‌ فشارو به‌ قه‌ناعه‌ته‌وه‌ دان به‌و داواكارییه‌ ڕه‌وایانه‌ بنێن، كه‌ كورد له‌ ئه‌نجامی ئاره‌زوومه‌ندانه‌ی خۆی به‌شێكه‌ له‌ عیراق‌و ده‌یه‌وێ‌ عیراقێكی فیدراڵی‌و دیموكراسی‌و ته‌عه‌دودی‌و به‌ رێزگرتن له‌ یاسا‌و ده‌ستوورو موشاره‌كه‌ی سیاسی بمێننه‌وه‌.

چوراه‌م: ئه‌و كۆنگره‌یه‌ به‌شێكه‌ له‌و هه‌وڵه‌ به‌رده‌وامانه‌ی پشتگیری قه‌زیه‌ی كوردی ده‌كات‌و ده‌یه‌وێ‌ ببێته‌ ده‌روازه‌یه‌كی تازه‌ بۆ پشتیوانی هه‌ر هه‌وڵێكی به‌رژه‌وه‌نددار له‌ ئاینده‌ی كوردو كوردستانه‌وه‌.

پێنجه‌م: نزیكه‌ی 120 نوێنه‌رو سیاسه‌تمه‌دارو ئه‌دیب‌و رۆشنبیری بیانی‌و عه‌ره‌بی به‌ژداره‌و تێ‌ ده‌گا، كه‌ كورد هه‌میشه‌ به‌شێك بووه‌ له‌ چاره‌سه‌ریه‌كان‌و قه‌ت به‌شێك نه‌بووه‌ له‌ كێشه‌كان، ئه‌مه‌ له‌ حاڵێكدا تا ئێستاش زۆرێك له‌ رۆشنبیران‌و بیریارانی عه‌ره‌بی نه‌گه‌یشتوونه‌ته‌ ئه‌و قه‌ناعه‌ته‌ كه‌ كورد مافی چاره‌نووسی خۆی هه‌یه‌‌و ده‌بێ‌ هه‌مووان دان به‌و راستیه‌وه‌ بنێن.

شه‌شه‌م: ئه‌وه‌یه‌ یه‌كه‌م كۆنگره‌یه‌ به‌ناوی كۆنگره‌ی عه‌ره‌بی له‌ پێناو دۆزی كورد له‌و قۆناغه‌ ده‌به‌سترێت، ئه‌مه‌ش جێگه‌ی دڵخۆشیه‌‌و ئاماژه‌یه‌ به‌وه‌ی ئێستا عه‌ره‌ب به‌رامبه‌ر كورد هه‌موویان له‌ یه‌ك به‌ره‌ نین، به‌ڵكو ئه‌گه‌ر كه‌سانێك به‌ عه‌قڵیه‌تی به‌عسیانه‌ به‌رامبه‌ر كورد بیر بكه‌نه‌وه‌، ئه‌وه‌ زۆرێكیش هه‌ن خۆیان به‌ پشتیوان‌و خه‌مخۆری قه‌زیه‌ی كوردی ده‌زانن‌و له‌ كاتی پێویستیش هه‌ڵوێستی جوانن ده‌نوێنن..

له‌و سۆنگه‌وه‌ هیوای سه‌ركه‌وتن بۆ كۆنگره‌كه‌ ده‌خوازم‌و هیوادارم:

یه‌كه‌م: ئه‌مه‌ یه‌كه‌مین كۆنگره‌ نه‌بێ‌‌و كۆنگره‌ی تری به‌دواوه‌ بێت، بۆ ئه‌وه‌ی لانی كه‌م بتواندرێ‌ قه‌ناعه‌ت بۆ برا عه‌ره‌به‌كان دروست بكرێ‌، به‌وه‌ی كورد گه‌لێكی مه‌زلومه‌‌و نابێ‌ چیتریش سته‌می لێ‌ بكرێ‌‌و مافی دیار كردنی چاره‌نووسی خۆشی هه‌یه‌.

دووه‌م: هیوادارم شرۆڤه‌‌و باس‌و ته‌وه‌ره‌كانی كۆنگره‌، ببنه‌ زه‌مینه‌یه‌كی گونجاو له‌ گه‌یاندنی په‌یامی كورد به‌ ده‌ره‌وه‌، به‌وه‌ی كورد هه‌میشه‌ دۆستی ئاشتیه‌‌و رێزیش له‌ هه‌موو بۆچوون‌و لایه‌نێك ده‌گرێت‌و له‌ چوارچێوه‌ی یاسا‌و ده‌ستوورو به‌ شێوه‌یه‌كی دیموكراسیانه‌ داوای ماف‌و ژیان‌و كیانی خۆی ده‌كات.

سێیه‌م: هه‌روه‌ك ده‌خوازم كه‌ ناوه‌نده‌ سیاسی‌و بڕیار به‌ده‌سته‌كانی عه‌ره‌بی، له‌ ئاست كه‌مته‌رخه‌می‌و بێده‌نگیان به‌رامبه‌ر كورد‌و كێشه‌ ره‌واكه‌ی، به‌خۆداچوونه‌وه‌یه‌كی جددی بكه‌ن، كه‌ تا ئێستا نوقه‌یان نیه‌ له‌سه‌ر كورد‌و بگره‌ زۆر جاریش كارانه‌وه‌ی نه‌ویستراوو خراپ ده‌نێنه‌وه‌.

چواره‌م: ده‌ره‌نجامه‌كانی ئه‌و كۆنگره‌یه‌ ته‌نها وه‌ك دروشم نه‌مێننه‌وه‌، به‌ڵكو ئه‌ركه‌ بكه‌ونه‌ بواری جێبه‌جێ‌ كردنه‌وه‌، تا بتواندرێ‌ ده‌سكه‌وتی پراكتیكی له‌سه‌ر ئه‌رزی واقع بدیترێ‌.

دواجار هیوادارم لایه‌نه‌ په‌یوه‌نداره‌كان‌و كۆنگره‌ی ناوبراو ئیراده‌ی جێبه‌جێ‌ كردنی بڕیارو راسپارده‌كانیان هه‌بێ‌، نه‌ك خوانه‌خواسته‌ ته‌نها هه‌نگاوێكی ره‌مزی‌و بێ‌ ده‌ره‌نجام ده‌ربچێت.