یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی دهۆکی یەکێتی زانایان پێشوازی لە مەتڕانی ئەبڕەشەی کلدانی و بەرێوەبەری کاروباری مەسیحیان دەکات    *****    *****   هەولێر: مەراسیمی ناساندنی کتێبی (بە یەکەوە ژیان لە کوردستان دیدو بۆچوونی ئایینە جیاوازەکان) بەرێوە دەچێت    *****    *****   مامۆستا مەلا عوسمان مەلا محمد شێخەڵمارێنی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لە مەراسیمێکدا لقی هەڵەبجەی یەکێتی زانایان سەری ساڵی کۆچی بەرز رادەگرێت    *****    *****   شاندێکی سەنتەری کوردستان بۆ توێژینەوەو لە وزە نەبینراوەکان سەردانی یەکێتی زانایان دەکات    *****    *****   شاندێکی لقی سۆرانی یەکێتی زانایان بەشداری مەراسیمی ناشتنی روفاتی 100 ئەنفالی بارزانی دەکات    *****    *****   هەولێر: بە بەشداری ژمارەیەکی بەرچاو لە مامۆستایانی ئایینی مەراسیمی بەرز راگرتنی سەری ساڵی کۆچی بەرێوە دەچێت    *****    *****   لقی پشدەری یەکێتی زانایان کۆدەبێتەوەو چەند پرسێک تاوتوێ دەکات    *****    *****   بە بۆنەی سەری ساڵی کۆچی یەکێتی زانایانی ئایینی ئیسلامی کوردستان پەیامێک بڵاو دەکاتەوە    *****    *****   لقی ئاکرێی یەکێتی زانایان کۆدەبێتەوەو چەند پرسێک تاوتوێ دەکات    *****    *****   لقی سۆرانی یەکێتی زانایان دانیشتنی هەفتانەی خۆی سازدەکات    *****    *****   لقی موسڵی یەکێتی زانایان بەشداری کردنەوەی مزگەوتی گوندی یەکمالە لە بەردەرەش دەکات   
مەلا عبدالله شێرکاوەیی
به‌رواری دابه‌زاندن: 26/11/2011 : 20:17:24
قه‌باره‌ی فۆنت
سۆزێك به‌ یادی هیجره‌ته‌وه‌
وا پێكه‌وه‌ له‌ دیداری یادێكی گه‌وره‌وه‌ ژیان نوێ ده‌كه‌ینه‌وه‌.... لاپه‌ڕه‌كانی مێژوێك هه‌ڵده‌ده‌ینه‌وه‌ كه‌ پڕه‌ له‌ ماناكانی ژیان‌و حیكمه‌ته‌كانی رۆحی ئیسلامه‌وه‌.. خورپه‌ی دڵه‌كانمان له‌ ئامێزی باوه‌شێكی تازه‌وه‌ له‌نگه‌ر ده‌گرێ‌.. چاوه‌كانمان به‌ حه‌سڕه‌تی رابردوو ئاهێك هه‌ڵده‌كێشن.. مه‌مله‌كه‌تێك به‌ كۆچی كۆچه‌رانه‌وه‌ ده‌گریێ‌... شارێكیش له‌ولاوه‌ به‌ تامه‌زرۆی ئه‌وانه‌وه‌ فرمێسكی شادی ده‌ڕێژێ‌.....

ئه‌رێ‌ گه‌لۆ ده‌ پێم بڵێن... كام په‌یڤی ئه‌م كۆچه‌ پڕ حیكمه‌ته‌ بكه‌مه‌ ویردو به‌ دیداری ئێوه‌ی شاد كه‌م... له‌ كوێی ئه‌و هه‌نگاوانه‌ ده‌ست پێ‌ بكه‌م، كه‌ نه‌خشه‌ی په‌رێزێكی تازه‌یان هێنایه‌ بوون... له‌ لاپه‌ڕه‌ی ئاهی كام دایكه‌وه‌ نوكی قه‌له‌مم هه‌ڵڕێژم... له‌ سۆز‌و مه‌حه‌به‌تی كام له‌ دڵسۆزان لاپه‌ڕه‌كان وه‌رگێرم..

له‌و كۆڕه‌ به‌خێره‌ی ئێره‌وه‌ له‌ شه‌ققه‌ی باڵ ده‌ده‌م‌و سه‌فه‌ر ده‌كه‌م... ده‌بمه‌ قاسیدی مێرگی یاده‌ مه‌زنه‌كانی سه‌ره‌تا‌و... له‌ دامێنی جه‌به‌ل نووره‌وه‌ به‌ دوای سێبه‌رێك ده‌گه‌ڕێم... له‌ پاڵ دیواری كه‌عبه‌وه‌... له‌ ته‌نیشت مه‌قام‌و حیجره‌وه‌ ... به‌ حوزوری یادگاریه‌كانی پێغه‌مبه‌ر ئیبراهیم له‌ به‌یته‌وه‌ ده‌ڕوانم... ده‌ڕۆم تا ده‌گه‌مه‌وه‌ به‌ر ده‌رگای ره‌سولی نازدارو حه‌ره‌می مه‌سجیدولحه‌رام‌و سه‌یری ئایه‌تی (ئیقرا) ده‌كه‌م... به‌ موژده‌ی ئاوی كه‌وسه‌ره‌وه‌ ئاوی زمزم نۆش ده‌كه‌م...

نا نا .. ده‌ رێم پێ‌ بده‌ن با له‌گه‌ڵ داستانی كۆچ ئاوێته‌ بم... با له‌ گه‌ڵ هه‌نگاوه‌كانی هیجره‌ت‌و... پشته‌ماڵه‌ خه‌زره‌میه‌كه‌ی حه‌زره‌ت‌و... گریانی ئه‌بوبه‌كرو پێخه‌فی ئیمام عه‌لیدا هه‌نگاوو بنێم... با به‌ ئایه‌تی( وجعلنا من بين ايديهم سداً) ببمه‌وه‌ خۆڵی ده‌ستی پێغه‌مبه‌رو به‌ چاوی شه‌مشه‌مه‌ كوێره‌كانه‌وه‌ بچمه‌ خواره‌وه‌‌و چاوی ره‌شیان په‌رده‌ پۆش كه‌م...

ئه‌وه‌تا موژده‌ی ئایه‌تی (إلاّ تنصروه) بووه‌ هێمای سه‌ركه‌وتن‌و... په‌یامی سینه‌ی سه‌فوه‌ی یاوه‌ران‌و حه‌زره‌تی به‌ره‌و عولیا بردو‌و ... خه‌ون‌و خه‌یاڵی دارو لنه‌دوه‌شی به‌ره‌و ئاقاری سوفلاوه‌ پووكانده‌وه‌... هه‌ر له‌و ئانیشه‌وه‌ جوبرائیلی ئه‌مین موژده‌ی رزگاری هانی‌و رێڕه‌وی كۆچ ملی رێگه‌ی سه‌رفرازی گرته‌ به‌رو هه‌نگاوه‌كانی به‌ره‌و مه‌دینه‌ی مونه‌وه‌ره‌وه‌ هه‌ڵنا...

موژده‌یه‌ك هێشتا تیشكی وه‌رچه‌رخانی نوورینی به‌رده‌وامه‌... هێشتا بۆنی شوێن پێیه‌كانی حه‌زره‌ت له‌ بیابانه‌كانی رێگه‌ی مه‌دینه‌ هه‌ر دێ‌‌و... عه‌شق‌و وه‌فای یاری غاریش به‌ ئایه‌تی( إذ هما فی الغار) وا ده‌كا مرۆڤ هه‌میشه‌ به‌ ئاوێزانی وه‌فای حه‌زره‌ته‌وه‌... خۆی بكاته‌ پارچه‌ په‌ڕۆیه‌كی ده‌ستی خه‌لیفه‌ی یه‌كه‌م‌و به‌ئه‌مه‌كه‌وه‌ وه‌فا بنوێنێ‌.... یا به‌ گۆچانی ده‌ستی شوانه‌كه‌ی رێگه‌ی ئه‌وان..... شاهێدی سه‌فه‌رێكی ئیمانی بنه‌خشێنی....

ئا ئه‌مه‌ بوو ئه‌مه‌... وای كرد ئه‌و هیجره‌ته‌ مێژوێكی تازه‌ له‌ په‌رێزی ئه‌و ئیسلامه‌ بخوڵقێنێ‌...
ئاخر گه‌لۆ .. هه‌نگاوه‌كانی رێگه‌ی یه‌سریب‌و... ئه‌شكه‌وتی سه‌ور‌و... قه‌تار قه‌تاری یاوه‌ران وا ده‌كا پێكه‌وه‌ ببینه‌وه‌ قاسیدێكی باڵ ئاسا‌و به‌سه‌ر دۆڵ‌و بیابانه‌كانی مه‌دینه‌ رێ‌ بگرین... تا ده‌گه‌ینه‌ ده‌رگاكه‌ی ماڵی ئه‌بو ئه‌یووبی ئه‌نساری‌و شوێن مزگه‌وتی قوباوه‌... تا قوببه‌یێ‌ دروست بكه‌ین‌و بانگی ( الله أكبر )ی تیا بده‌ین ...

ده‌ قوربانی كارو خشتی ده‌ستت بم حه‌زره‌ته‌كه‌م.... كه‌ له‌ قوژبنی مزگه‌وتی قوباوه‌ خسته‌ ناو دیواره‌وه‌.... ده‌ قوربانی شاره‌كه‌ت بم نازداره‌كه‌م... كه‌ هێشتا بۆن عه‌تری یادگاریه‌كانی تۆی لێ‌ دێ‌....

نازداره‌كه‌م..... شاری مه‌دینه‌ له‌ چاوه‌ڕوانی دڵۆپ دڵۆپ بارانی خۆشه‌ویستی لێ‌ ئه‌تكێ‌... ها ئه‌وه‌ خه‌ڵكی مه‌دینه‌ باوه‌شیان راگرتووه‌‌و به‌ سروودی( طلع البدر علينا) به‌ پیرته‌وه‌ هاتوون..... سه‌ڵاوتت له‌سه‌ر ده‌ده‌ن.... بانگه‌وازت له‌سه‌ر چاوان داده‌نێن.... قورئانه‌كه‌ت به‌دیاری وه‌رده‌گرن....
چونكه‌ ئه‌وان‌و هه‌موو عاشقانی رێگاكه‌ت به‌ ئێمه‌ی شه‌یداشته‌وه‌ چاك ده‌زانین.... هه‌ر تۆ بووی په‌یامی به‌خته‌وه‌ری‌و ئاسووده‌یی‌و دادپه‌وه‌ری‌و ئارامی‌و خۆشیت بۆ هێناین ره‌سوله‌كه‌م....