یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
مه‌لا موسلیم مه‌لا سالح فریزی
به‌رواری دابه‌زاندن: 11/12/2010 : 12:34:08
قه‌باره‌ی فۆنت
ئه‌وقافیش سنورو هێڵی سور ده‌به‌زێنێت!
مامۆستایانی‌ ئاینی‌ چینێكی‌ دیارو ناسك‌و پێگه‌ به‌رزو به‌نرخ‌و به‌قه‌دری‌ ناو كۆمه‌ڵگه‌ن، بۆ هیچ كه‌سێك نیه‌ بێ رێزیان ده‌رحه‌ق بكه‌ن! ئینجا به‌ هه‌ر جۆر‌و بڕو بیانوێك بێت.. بۆ هیچ كه‌س نیه‌ ته‌نانه‌ت به‌رێوه‌به‌ری دیوانی‌ وه‌زاره‌ت‌و خودی‌ وه‌زیریش.

هیچ كاتیش پێ‌وه‌ری مامۆستا (كه‌ هه‌ڵگری‌ قورئان‌و میراتگری پێغه‌مبه‌ری نازدارن صلی‌ الله علیه‌وسلم) له‌گه‌ڵ كه‌سانی‌ تر ناكرێت‌و به‌ فه‌رمانبه‌رێكی‌ ئاسایی سه‌یر ناكرێن.

وه‌ له‌ هه‌موو دونیا حیسابی تایبه‌تی‌ بۆ (پیاوانی‌ ئاینی‌) كراوه‌ ته‌نها له‌ كوردستان نه‌بێت باسی هێڵی سورو.. (شه‌مه‌نده‌فه‌ر) ده‌كرێت!!!
له‌م رۆژانه‌ له‌ گه‌رمیان وادیاره‌ هه‌ندێك مامۆستای ئاینی‌ كاتێك كه‌ ئاماده‌ نه‌بونه‌ بۆ خولێكی‌ ئه‌وقافی‌ گه‌رمیان.. به‌رێوه‌به‌ره‌كه‌ی‌ ئه‌وقافی گه‌رمیان (غچب غچب المستكبرین)‌و هه‌ڵسایه‌ به‌ سزادان به‌ناوی‌ یاساو موچه‌ی‌ لێبڕینه‌و قسه‌ی‌ ساردو سڕی‌ ده‌رحه‌ق كردونه‌ (به‌ بیانوی‌ ئه‌وه‌ی‌ كه‌ ئه‌وان فه‌رمانبه‌رێكی‌ ئاسایین‌و به‌گوێ‌ ی‌ پشكنێنه‌رو جه‌نابی به‌رێوه‌به‌ریان نه‌كردوه‌ ئه‌ویش به‌ته‌له‌فۆن..!) كه‌من لێره‌وه‌ ده‌ستخۆشی له‌ مامۆستاكان ده‌كه‌م به‌بێ ئه‌وه‌ی‌ بشیان ناسم، به‌لاَم خۆ ده‌بوا جه‌نابی به‌رێوه‌به‌ر ئه‌مه‌ بزانێت(و ئه‌وه‌نده‌ رێزه‌ی‌ تیابێت) كه‌ بانگ هێشتكردن به‌ كارتی‌ ده‌عوه‌تنامه‌ ده‌بێت نه‌ك به‌ ته‌له‌فۆن، كه‌ ئه‌مه‌ خۆی له‌خۆیدا بێ رێزیه‌كه‌ ده‌رحه‌ق به‌ مامۆستایانی‌ ئاینی‌ كه‌ كراوه‌(و ده‌كرێت)!

كه‌من داوا له‌(سه‌رۆكی‌ هه‌رێم) ده‌كه‌م له‌به‌ر ئه‌وه‌ی‌ باوكی‌ مامۆستای‌ ئاینی‌‌و پیاوی‌ (خوا)یی‌و له‌ هه‌مان كاتیش قه‌ومی بوه‌: له‌مه‌ڕ ئه‌م بێ رێزیانه‌ بێته‌ وه‌لاَم‌و (هێڵی سوور) بۆ ئه‌م جۆره‌ خه‌ڵكه‌ دابنێت (كه‌ وه‌زیفه‌یه‌كی‌ ئیداریان دراوه‌ته‌ به‌رده‌ستانیان‌و به‌هه‌وه‌سی خۆیان به‌كاری دێنن!) بۆ ئه‌وه‌ی‌ بێ رێزی‌ به‌رامبه‌ر به‌ مامۆستایانی‌ ئاینی‌ به‌گشتی‌‌و (یه‌كێتی‌ زانایانی‌ ئاینی‌ كه‌ دروستكه‌رو دامه‌زرێنه‌ره‌كه‌ی‌ سه‌رۆكی‌ خوا لێخۆشبوو مه‌رحوم مه‌لا موسته‌فای‌ بارزانی)یه‌ به‌تایبه‌تی‌ نه‌كرێت‌و فێربكرێن هه‌موو كات مامۆستا له‌خۆیان به‌گه‌وره‌تر بزانن.. نه‌ك خۆیان فه‌رزكه‌ن له‌سه‌ر مه‌لاكان‌و به‌ته‌له‌فۆنێك (له‌ هه‌ر شوێنێك) بیانه‌وێت كۆیان بكه‌نه‌وه‌..! كه‌ئه‌مه‌ گه‌وره‌ترین بێ رێزیه‌ به‌رامبه‌ر به‌ مامۆستایانی‌ ئاینی‌‌و هه‌روه‌ها میلله‌تی‌ كوردیش ده‌كرێت! (چونكه‌ مامۆستایانی‌ ئاینی‌ پێشه‌نگی میلله‌تی‌ خۆیانن‌و میلله‌ت به‌پێش خۆیانیان ده‌ده‌ن‌و پرس‌و راوێژیان پێ ده‌كه‌ن‌و له‌ ئموری دین‌و دونیاو دوارۆژیان.. ته‌نانه‌ت ناو عائیله‌شیان پرسیان پێ ده‌كه‌ن‌و بایه‌خ به‌ قسه‌كان‌و رێنوماییه‌كانیشیان ده‌ده‌ن) كه‌چی‌ له‌ ئه‌وقاف‌و هه‌ندێك له‌ به‌رێوه‌به‌رایه‌تیه‌كانی‌ سه‌ر به‌وه‌زاره‌ت رێزی‌ مه‌لاكانیان لا هه‌ر ئه‌وه‌نده‌بێت؟! (به‌داخه‌وه‌)!

له‌وكاته‌ی‌ هه‌ندێك له‌مامۆستایانی‌ ئاینی‌ ئاماده‌ نه‌بوونه‌ له‌ یه‌كێك له‌ خوله‌كانی‌ به‌رێوه‌به‌رایه‌تی‌ ئه‌وقافی گه‌رمیان سزای‌ ئاماده‌ نه‌بونیان به‌سه‌ر مامۆستایانی‌ ئاماده‌ نه‌بوودا سه‌پاند!

مامۆستایه‌كانیش (وه‌ك هه‌ر رۆژنامه‌یه‌ك) سكالاَكه‌یان گه‌یانده‌ رۆژنامه‌ی‌ په‌یام..

رۆژنامه‌ی‌ (په‌یام)ی‌ زمانحاڵی یه‌كێتی‌ زانایانیش وه‌ك پیشه‌ هه‌میشه‌ییه‌كه‌ی‌ خۆی (غه‌مخۆر بۆ دینی‌ خواو مامۆستایانی‌ ئاینی‌‌و هه‌موو چین‌و توێژه‌كانی‌ كۆمه‌ڵگه‌و میلله‌تی‌ كوردی‌ به‌گشتی‌و پرسه‌ نه‌ته‌وه‌ییه‌كانی‌ خۆیان به‌تایبه‌تی‌) له‌لاپه‌ڕه‌ (1)ی ژماره‌(64)ی‌ رێكه‌وتی‌ 5/12/2010 ئه‌م باسه‌ی‌ خسته‌ ڕوو.. بابه‌تێكی‌ كورت‌و پوختی‌ له‌سه‌ر ئه‌م باسه‌ی‌ هێناوه‌ته‌وه‌، به‌لاَم وادیاره‌ ئه‌م به‌رێوه‌به‌رایه‌تیه‌ی‌ ناوبراو جگه‌ له‌ خۆسه‌پاندنیان دیاره‌ ده‌یانه‌وێت دیكتاتۆریه‌تیش (له‌به‌رامبه‌ر ئه‌وانه‌ی‌ دایكیانیان له‌ باوكیان ماره‌ بڕیوه‌) به‌كاربێنن‌و ده‌نگی‌ حه‌قیشیان كز‌و كپ بكه‌ن!

بۆیه‌ به‌هه‌ماهه‌نگی‌ راگه‌یاندنی‌ ئه‌وقاف‌و سایته‌ فه‌رمیه‌كه‌ی‌ وه‌زاره‌ت: هه‌ڵساون به‌ وه‌لاَمدانه‌وه‌یه‌كی‌ توندی‌ هه‌ره‌شه‌ ئامێزو (چاو لێسوركردنه‌وه‌ بۆ مامۆستاكان‌و له‌رێ ی‌ ئه‌وانیشه‌وه‌ بۆ ته‌واوی‌ مامۆستایانی‌ ئاینی‌) له‌ رێكه‌وتی‌ 10/12/2010 له‌به‌شی هه‌واڵه‌كان‌و له‌ ژێر ناونیشانی‌: (به‌رێوه‌به‌ری ئه‌وقافی‌ گه‌رمیان وه‌لاَمی‌ هه‌واڵێكی‌ رۆژنامه‌ی‌ زمانحاڵی یه‌كێتی‌ زانایان ده‌داته‌وه‌) بلاَویان كرده‌وه‌..،

- كورته‌یه‌ك له‌ هه‌ڵسه‌نگاندنێك له‌وه‌لاَمه‌ توند ئامێزه‌كه‌یان:


1- وه‌لاَمێكی‌ وشكی‌ بێ بنه‌ما، تۆزێك له‌ رق‌و بوغزو كینه‌ی خۆیان به‌كارهێناوه‌! ((وَمَا تُخْفِی صُدُورُهُمْ أَكْبَرُ))!.
2- ده‌ڵێن: پێویسته‌ له‌سه‌ریان (واته‌ له‌سه‌ر مامۆستایانی‌ ئاینی‌) ئه‌ركه‌كانی‌ سه‌رشانیان به‌پێ ی رێنمایی ئه‌وقاف جێ‌ به‌جێ‌ بكه‌ن!

وام زانی‌ ده‌ڵێن: به‌پێ ی رێنماییه‌كانی دینیان..، ده‌پرسم ده‌توانن ئه‌م ناماقولیانه‌ به‌رامبه‌ر به‌ قه‌شه‌یه‌ك بكه‌ن تا به‌رامبه‌ر به‌و هه‌موو مامۆستا به‌رێزانه‌ (له‌ گه‌نجه‌وه‌ تا پیر) بكه‌ن؟! به‌لاَم با تۆزێك غیره‌تیان بێ‌و بێ باكانه‌ چۆن جورئه‌ت‌و ته‌كان ده‌ده‌نه‌ به‌ره‌ خۆیان به‌رامبه‌ر به‌ مامۆستایانی‌ ئاینی‌ قسه‌ی‌ (بێ جێ) بكه‌ن ئاوهاش یا نیوه‌ی‌ ئه‌وه‌نده‌ش به‌رامبه‌ر به‌ قه‌شه‌یه‌ك یاخود ئاخونێكی‌ شیعه‌ ئه‌م كاره‌ بكه‌ن، سوێند ده‌ڵێم: كه‌ ناتوانن ئه‌م كاره‌ بكه‌ن!
ماده‌م وایه‌.. له‌مامۆستایانی‌ ئاینی‌ حه‌قبێژو خه‌مخۆریش بگه‌ڕێن‌و بیانوو هه‌نجه‌تیان پێ مه‌گرن‌و تۆزێك ئه‌ده‌بتان هه‌بێ.

3- به‌رێوه‌به‌ری‌ ئه‌وقافی ناوبراو له‌ وه‌لاَمه‌ (ده‌سته‌ جه‌معیه‌كه‌)ی‌ دا هاتووه‌: (چه‌ند مامۆستایه‌كی‌ ئاینی‌ سنووره‌كه‌مان خۆم په‌یوه‌ندیم پێوه‌ كردن كه‌ له‌ خولێكی‌ رۆشنبیری وه‌زاره‌تی‌ ئه‌وقاف ئاماده‌بن‌و ئه‌وانیش ئاماده‌ نه‌بوون.. بۆیه‌ رێو شوێنی‌ ئیداریان له‌گه‌ڵدا گیراوه‌ته‌ به‌ر وه‌ك هه‌ر فه‌رمانبه‌رێكی‌ حكومه‌ت)! باشه‌ من له‌مه‌دا هیچ ناڵێم (چونكه‌ وادیاره‌ زۆر كه‌سێكی‌ له‌خۆ باییه‌و خۆی‌و ته‌له‌فۆنكردنه‌كه‌ی‌ خۆی پێ موهیممه‌!!) ته‌نها پرسیارێك ئاراسته‌ ده‌كه‌م بۆ به‌رێوه‌به‌ری‌ ئه‌وقافی گه‌رمیان‌و دیوانی‌ وه‌زاره‌ت‌و راگه‌یاندنی‌ ئه‌وقاف (كه‌ وه‌لاَمم ده‌وێت)؟ (له‌به‌ر ئه‌وه‌ی‌ ده‌ڵێن: به‌رێوه‌به‌ری‌ ئه‌وقافی گه‌رمیان ئه‌ركی‌ خۆی جێبه‌جێ كردوه‌!) پرسیاره‌كه‌ش ئه‌وه‌یه‌:

له‌كوێ ی‌ یاسای‌ وه‌زاره‌تی‌ ئه‌وقاف هاتووه‌: ئه‌گه‌ر مامۆستایه‌ك به‌شداری خولێكی‌ نه‌كرد سزای‌ ماددی‌ به‌سه‌ردا بسه‌پێنرێت؟!.