یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت    *****    *****   شاندێکی مەکتەبی تەنفیزی یەکێتی زانایان سەردانی بەڕێوەبەرایەتی گشتی چاكسازی كۆمەڵایەتی دەکات   
مه‌لا موسلیم مه‌لا سالح فریزی
به‌رواری دابه‌زاندن: 27/06/2010 : 19:50:38
قه‌باره‌ی فۆنت
پیره‌ژنێك بۆ مزگه‌وتی لای ئێمه‌ له‌ وه‌زاره‌تی ئه‌وقاف كاراتر بوو
تكایه‌ عادز مه‌بن ئه‌وه‌ حه‌قیقه‌ته‌:
له‌ نوسراوێكی فه‌رمی (وه‌ك پێشنوێژو وتارخوێنی مزگه‌وتی مه‌لاصالح له‌ ناحیه‌ی كه‌سنه‌زان) داوای دابینكردن‌و پێداویستیه‌كانی مزگه‌وتم كردبوو به‌ ئاگاداری چه‌ند ریش سپی‌و پیاو ماقوڵێك، ئه‌و پێداویستیانه‌ی كه‌زۆر زه‌رورو پێویست بوون بۆ مزگه‌وت نوسیمان‌و به‌ نوسراو به‌رزمان كرده‌وه‌ بۆ به‌ڕێوه‌به‌رایه‌تی ئه‌وقاف..، ئه‌وانیش (خوا هه‌ڵی ناگرێ‌): به‌گه‌رم‌و گوڕیه‌كه‌وه‌‌و زمان شیرینیه‌وه‌ ئێمه‌یان به‌ڕێكردو به‌ڵێنیان دا به‌ زوترین كات‌و نزیكترین ماوه‌ بۆمان جێ‌ به‌جێ‌ بكه‌ن، به‌ڵام دواجار وه‌كو ئه‌و نوسراوانه‌ی ئێستا راسته‌وخۆ فڕێ نادرێنه‌ ناو زبڵ دان (نه‌وه‌ك خاوه‌نه‌كانیان بیانناسنه‌وه‌) به‌ڵكو به‌شێوه‌یه‌كی مۆدێڕن‌و موسه‌قه‌فانه‌ به‌ جیهازی تایبه‌ت هوردو خاش ده‌كرێن‌و ده‌یهاڕن‌و ئینجا فڕێ ده‌درێت، (ئێمه‌ له‌م باره‌وه‌ هیچ دڵنیاییه‌كمان نیه‌ بۆیه‌ ناتوانین هیچ بڵێین ئه‌وه‌نه‌بێ كه‌): دوای چه‌ند رۆژو حه‌فته‌و مانگ.. چاوه‌ڕوانی، بۆ دواجار ناچار بوین روبكه‌ینه‌ خێرخوازان،(به‌تایبه‌ت ساباتێكی به‌ چینكۆ بۆ حه‌وشه‌ی مزگه‌وت یه‌كێك بوو له‌ كاره‌ زۆر زه‌رورو پێویسته‌كانی مزگه‌وت كه‌ له‌ نوسراوه‌كه‌ داوامان كردبوو: وه‌رزی زستانان له‌به‌ر باران‌وبه‌فرو سه‌رماوسۆڵ، هاوینانیش له‌به‌ر تیشكی خۆرو گه‌رما)، ئه‌ویش سوپاس بۆ (خوا) پیره‌ژنێك ئاماده‌یی خۆی بۆ ئه‌م خێره‌ گرنگه‌ ده‌ربڕی‌و خه‌رجیه‌كانی له‌ ئه‌ستۆی خۆی گرت‌و ته‌نها به‌ ماوه‌ی چوار ڕۆژ نوێژ خوێنان (شوكر) كه‌وتنه‌ ژێر سێبه‌ری ساباته‌ جه‌مه‌لۆنیه‌كه‌و دوعاو پاڕانه‌وه‌ی وتارخوێن‌و نوێژخوێنانی مزگه‌وت بۆ وتاری نیوه‌ڕۆی رۆژی هه‌ینی رێكه‌وتی 25/6/2010م.. داپیره‌ بۆخۆی مسۆگه‌ری كرد، ئێستاش داواكارین له‌ خوای گه‌وره‌: له‌و پیره‌ژنه‌و هه‌موو خێرخوازان (به‌ ماددی‌و مه‌عنه‌وی كه‌ به‌شداری له‌كاری خه‌یری ده‌كه‌ن) خۆشبێت‌و لێیان وه‌ربگیرێت‌و پاداشتی چاكه‌كانیان به‌باشترین شێوه‌ بداته‌وه‌و به‌هه‌شت بكات به‌ماڵی هه‌موولا،
بۆیه‌ لێره‌وه‌ وه‌زاره‌تی ئه‌وقاف ئاگادار ده‌كه‌مه‌وه‌و ده‌ڵێم: ماتو به‌ نوسراوی فه‌رمی ئه‌مرتان فه‌رمووه‌: كه‌ (پاره‌ كۆكردنه‌وه‌ بۆ مزگه‌وت‌و یا بۆ هه‌ركه‌س‌و له‌ژێر هه‌ر ناوو ناتۆره‌یه‌ك بێت قه‌ده‌غه‌یه‌)، ئیتر پێویسته‌ له‌سه‌ریشتان چوست‌و چالاك‌و ئازایانه‌ به‌ پیل هه‌موو ئه‌و مزگه‌وتانه‌وه‌ بچن كه‌ هاناو هاوارتان بۆ دێنن، به‌تایبه‌ت شوێنه‌ زه‌روره‌كان‌و كارو پێداویستیه‌ زۆر پێویسته‌كان، وه‌ ئه‌گه‌ر ناشكرێ (یا بۆتان مومكین نابێت): ئه‌وا له‌چاوه‌ڕوانی بێ‌ ئاكام لوتف بفه‌رمون‌و رزگارمان كه‌ن به‌وه‌ی كه‌ هه‌ر زوو به‌مامۆستای مزگه‌وت بڵێن: چاره‌یه‌ك له‌خۆتان بكه‌ن ئێمه‌ بۆتان ناكه‌ین (یا پێمان ناكرێت)، بۆ ئه‌وه‌ی له‌ چاوه‌ڕوانی (بێ‌ ئاكامی) مانگ‌و ساڵ رزگارمان بێت‌و ئێمه‌ش (وه‌كو مامۆستایانی ئاینی كه‌به‌رپرس‌و خه‌مخۆری یه‌كه‌می مزگه‌وته‌كانین له‌ كوردستان) بۆخۆمان زوو فریای مزگه‌وت كه‌وین‌و به‌ ئه‌ركی سه‌رشانی خۆمان هه‌ڵسین‌و خێرخوازانی لێ یه‌وه‌ ئاگاداركه‌ینه‌وه‌،
دووباره‌ سوپاس‌و دوعای خێرمان بۆ داپیره‌مان‌و خێرخوازان، لێره‌وه‌ش ئه‌وقاف ئاگادار ده‌كه‌ینه‌وه‌ كه‌: ئه‌وه‌ی داوامان كرد (له‌ خوا به‌زیادبێ‌) بۆمانكرا یارمه‌تیه‌كان با بگوازنه‌وه‌ بۆ مزگه‌وتی ترو یا هه‌ر شوێن‌و شت‌و جێگایه‌ك كه‌ خۆیان مه‌به‌ستیانه‌و به‌باشی ده‌زانن.