یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   بە ئامادەبوونی سەرۆکی زانایان مزگەوتی گوندی شەرەبۆتی گەورە کرایەوە    *****    *****   لقی زاخۆی یەکێتی زانایان کۆدەبێتەوەو چەند پرسێک گەنگەشە دەکات    *****    *****   لقی هەڵەبجەی یەکێتی زانایان لەگەڵ بەرێوەبەرایەتی گشتی ئەوقافی پارێزگای هەڵەبجە کۆدەبێتەوە    *****    *****   لقی ئامێدی یەکێتی زانایان سەردانی لقی 18ی پارتی دیموکراتی کوردستان دەکات و چەند پرسێک تاوتوێ دەکەن    *****    *****   لقی ئاکرێی یەکێتی زانایان کۆدەبێتەوەو لەچەند سەردانێکدا قائیمقامیەت و ئەوقاف و پۆلیسی ئاکرێ بەسەر دەکاتەوە..    *****    *****   لقی دهۆکی یەکێتی زانایان پێشوازی لە شاندێکی زانایانی کوردستانی رۆژئاوا دەکات    *****    *****   سەرۆکی یەکێتی زانایان لە ئاکرێ مامۆستا مەلا محمد ئیمام بەسەر دەکاتەوە    *****    *****   سەرۆکی یەکێتی زانایان سەردانی بۆردی باڵای وتاری هەینی لە وەزارەتی ئەوقاف و کاورباری ئاینی دەکات    *****    *****   لە زانکۆی سۆران سەرۆکی یەکێتی زانایان بەشداری پانێڵێکی تایبەت بە پرسی ژینگە دەکات    *****    *****   مامۆستا مەلا ئەحمەدی گۆبان کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مزگەوتی حاجی ئازاد مستەفا لە شاری هەولێر کرایەوە    *****    *****   سەرۆکی یەکێتی زانایان بەشداری سیمپۆزیۆمی (پێکەوەژیان لە کوردستان، کاریگەریە ئەرێنیەکانی لە رابردوو و ئێستادا) دەکات   
مه‌لا موسلیم مه‌لا سالح فریزی
به‌رواری دابه‌زاندن: 08/03/2011 : 15:05:00
قه‌باره‌ی فۆنت
هه‌ڵه‌بجه‌ له‌به‌ر چاوی وڵاته‌ زلهێزه‌كانه‌وه‌
16/3/2011 ئه‌وه‌ ده‌بێته‌ (23)ساڵه‌ی یادی كیما بارانكردنی هه‌ڵه‌بجه‌ كه‌ له‌ رۆژێكی به‌هاری ساڵی 1988م‌و دروست له‌16/3 دا له‌ كاتێكدا خۆیان ئاماده‌كردبوو بۆ پێشوازی له‌به‌هاری جوانی كوردستان، له‌ پڕ ژیانیان ژه‌هراوی كراو له‌لایه‌ن حكومه‌تی ناپاكی وڵاته‌كه‌ی خۆیانه‌وه‌ له‌ ئاسمانه‌وه‌ به‌ چه‌كی قه‌ده‌غه‌كراوی كیمیاوی بۆمباران كراو هه‌زاران كه‌س بوونه‌ قوربانی‌و شه‌هیدو برینداربوون، كاتێك ئه‌و كاره‌ساته‌ دڵته‌زێنه‌ ڕویدا به‌ به‌رچاوی دونیای پێشكه‌وتوو ته‌كنه‌ لۆژیای نوێ‌‌و به‌شداری كۆمپانیای جۆراو جۆره‌كان، كۆمه‌ڵگای نێو ده‌وڵه‌تی خۆی له‌ ئاست ئه‌و ڕووداوه‌ گه‌ورره‌یه‌ كه‌ڕو كوێرو ڵاڵ كردوو بێ‌ ده‌نگی هه‌ڵبژارد! به‌داخه‌وه‌ ڕاگه‌یاندنه‌كانیش وه‌كو پێویست به‌ئه‌ركی سه‌ر شانی خۆیان هه‌ڵنه‌ستان له‌ گه‌یاندنی كاره‌ساته‌كه‌ كه‌ به‌ جیهان ڕابگه‌یه‌ندرێ‌، ته‌نیا راگه‌یاندنی ئێران كه‌ توانی شتێكی باش بۆ هه‌ڵه‌بجه‌بكات‌و كوردیش ئه‌وكاته‌ خۆی ڕاگه‌یاندنی لاوازبوو، حیزبه‌كان ئه‌وه‌نده‌ی بۆیان كرا كردیان به‌ڵام ئه‌وكاته‌ به‌ پیره‌وه‌هاتنی وه‌كو پێویست نه‌بوو چونكه‌ وڵاته‌ گه‌وره‌كان به‌رژه‌وه‌ندییان ئه‌وكاته‌ له‌گه‌ڵ حكومه‌تی عێراق دابوو بۆیه‌ نه‌هاتن به‌ته‌نگ هاواری گه‌لی كوردی زامداره‌وه‌! هه‌ر له‌ساڵی 1988م كاتێك (5000) پێنج هه‌زار كه‌س له‌شاری هه‌ڵه‌بجه‌ به‌گازی كیمیایی له‌سه‌ر ده‌ستی رژێمی به‌عسه‌وه‌ شه‌هید كران، كه‌چی راگه‌یاندنه‌كان ئه‌وه‌یان خسته‌ په‌راوێزه‌وه‌و تیشكه‌كان خرانه‌ سه‌ر ئه‌و (3) سێ (نه‌هه‌نگه‌ بۆره‌ی) ئۆقیانوسی باكور كه‌ له‌ به‌سته‌ڵه‌كی باكوور عاسێ‌ ببون، ئه‌وه‌ بوو ئه‌مه‌ریكاو وڵاتانی دیكه‌ی ئه‌وڕوپا (9) نۆ ملیۆن دۆلاریان خه‌رج كرد بۆ ئه‌وه‌ی ئه‌و سێ‌ نه‌هه‌نگه‌ ڕزگار بكه‌ن، روسیاش ئامێرێكی سه‌هۆڵ شكاندنی پێشكه‌ش به‌ ڕێكخراوی (ئاژه‌ڵ دۆستانی جیهانی) كرد تا ئه‌و ئاژه‌ڵانه‌ ڕزگاریان بێت‌و له‌ ژیان بێ‌ به‌ش نه‌بن! وه‌كو دێڕه‌ شیعرێك هه‌یه‌و ده‌ڵێ‌:

( قتل امري‌وٍ في غابة جريمة لا تغتفر – وقتل شعب أمنين مسألة فيها نظر ) كوشتنی تاكه‌ كه‌سێك له‌ غاباتێك (گه‌ر هی خۆیان بی) جه‌ریمه‌یه‌كه‌ لێخۆشبوونی تێید انیه‌ – به‌ڵام كوشتنی گه‌لێكی پشت به‌ست (ئه‌وه‌یان) شتێكه‌ ده‌بێ‌ سه‌یرێكی بكه‌ن! (بۆنمونه‌: له‌و دواییانه‌ش له‌ دادگا پرسیار گه‌لێكی سه‌ر سوڕهێنه‌ریان له‌ شایه‌تحاڵه‌كان ده‌كرد): ئایه‌ نزیك ئێران بووه‌؟ یا پێشمه‌رگه‌ له‌ نزیكه‌وێ‌ بووه‌؟ یا ئایا ته‌یاره‌كان عێراقی بوونه‌ یا ئیرانی...هتد؟! له‌و پرسیاره‌ وردانه‌ كه‌ له‌شایه‌تحاڵه‌كان ده‌كرا! ئیتر ئه‌و هه‌موو پرسیارو لێ وردبوونه‌وه‌ هه‌ر (فیها نڤر)ه‌كه‌ی ئه‌م دێڕه‌ شیعره‌ی سه‌ره‌وه‌یه‌ كه‌ باسمان كرد! سه‌یره‌ ده‌یان هه‌زار له‌ كوژراوو برینداران به‌ڵكو شارێك یان وڵاتێك به‌ تێكڕا نرخ‌و بایه‌خی ئه‌وه‌نده‌ی سێ‌ (نه‌هه‌نگ) ئاژه‌ڵیان نه‌بێت ؟! ده‌بێ‌ بزانین كافر هه‌ر كافره‌و سته‌م كاریش هه‌ر سته‌م كاره‌! ئیتر میلله‌تی كورد ده‌بێت بزانێ‌ كه‌: جگه‌ له‌(خوا) هیچ پشتیوانێك‌و دۆستێكی دڵسۆزی نیه‌، كه‌واته‌ با به‌خۆمان دابچینه‌وه‌و بۆ خۆمان برابین‌و وێكڕا باشبین‌و دینی(خوا)ی خۆمان فه‌رامۆش نه‌كه‌ین، دڵنیاشبین كه‌(خوا)ی گه‌وره‌ ئاوها حه‌قمان ئه‌ستێنێ‌‌و ئاواته‌ ره‌سه‌نه‌كانی گه‌لی كوردیشمان ئه‌هێنێته‌ دی إن شا‌والله.