یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
مه‌لا ئاراس رواندوزی
به‌رواری دابه‌زاندن: 12/04/2012 : 23:24:42
قه‌باره‌ی فۆنت
ئه‌وه‌ چاوه‌كان نین كوێرن ، به‌ڵكه‌ دڵه‌كانن !!...
له‌ ساته‌وه‌ختی له‌دایكبوونییه‌وه‌، وه‌ پاش ( 30 ) ساڵ له‌ گوزه‌راندنی ژیان به‌ كوێرایی ، هاوكات له‌ گه‌ڵ پێشكه‌وتنی بواری پزیشكایه‌تی ، ده‌رفه‌تی بۆ ده‌ڕه‌خسێت كه‌ هه‌ڵسێت نه‌شته‌رگه‌رییه‌ك ئه‌نجام بدات تا بتوانێت ببینێت !!.. چووه‌ نه‌خۆشخانه‌ و نه‌شته‌رگه‌رییه‌كه‌ی ئه‌نجامدا .. پزیشكه‌كه‌ هات تاوه‌كو شال له‌ سه‌ر چاوه‌كانی لا ببات .. چاوه‌كانی كرده‌وه‌ تاوه‌كو بۆ یه‌كه‌مینجار له‌ ژیانییدا ڕووناكی ببینێت !!.. ، ئه‌م حاڵه‌ته‌ چه‌ند جارێكی كه‌م نه‌بێت له‌ هه‌موو جیهاندا ڕووینه‌داوه‌ ( كه‌سێك به‌ كۆره‌یی له‌ دایك ببێت و دواتر ببینێت ) ، كاردانه‌وه‌كه‌ زۆر كاریگه‌ر بوو بۆی .. هه‌ر شتێكی ده‌بینی نه‌یده‌توانی جیای بكاته‌وه‌ چونكه‌ به‌ درێژایی ژیانی له‌ ڕێی ده‌ست لێدانه‌وه‌ شته‌كانی ده‌ناسییه‌وه‌ ، نه‌یده‌زانی سێو چییه‌ ئه‌گه‌ر به‌ ده‌ست لێدان نه‌بوایه‌ ، مانای ڕه‌نگه‌كانی نه‌ده‌زانی ته‌نانه‌ت شێوه‌ی مرۆڤیشی ناناسی ، به‌ ڕاده‌یه‌ك مانای نزیكی و دووری شتێك له‌ شتێكی تری نه‌ده‌زانی !!.. ، ئه‌مانه‌ شتگه‌لێكن لێیان تێناگات و ته‌رجه‌مه‌یان ناكات ته‌نها ئه‌و كه‌سه‌ نه‌بێت كه‌ چاوه‌كانی پێشتر به‌كارهێنابێت .. ، به‌ درێژایی ژیانی عه‌قڵی په‌یوه‌ست بوو به‌ ده‌ست لێدان و هیچ په‌یوه‌ندییه‌ك له‌ نێوان عه‌قڵ و چاوه‌كانی نه‌بوو .. ، هه‌فته‌كانی یه‌كه‌می دوای نه‌شته‌رگه‌رییه‌كه‌ی وه‌كو كوێر به‌ سه‌ربرد چونكه‌ ده‌یبنی به‌ڵام له‌ بینراوه‌كه‌ تێنه‌ده‌گه‌یشت ، وورده‌ وورده‌ شته‌كانی ده‌ناسی ، سێوی ده‌بینی نه‌یده‌ناسی ، ده‌ستی لێده‌دا ئینجا ده‌یناسییه‌وه‌ ، به‌وه‌ی ئه‌و شته‌ی به‌ چاو ده‌یبینی به‌ ده‌ست لێدان ده‌یناسییه‌وه‌ و به‌یه‌كه‌وه‌ی گرێده‌دان و ئه‌و كاته‌ عه‌قڵی له‌و شته‌ تێده‌گه‌یشت ..، مانگێكی به‌مشێوه‌یه‌ به‌ سه‌ربرد ... وه‌ چونكه‌ ئه‌و له‌ پێشوودا له‌ سه‌ر بینین ڕانه‌هاتبوو ، هه‌ستیكرد سه‌رنجی هه‌ندێك شت ده‌دات كه‌ مرۆڤی ئاسایی سه‌رنجی لێنادات ، ئه‌و گوزارشتی ڕووخساره‌كانی ده‌بینی و ده‌یناسین و ، سه‌رنجی له‌ گوزارشته‌كانی دووڕوویی و درۆ و شڵه‌ژان ده‌دا كه‌ ئه‌مانه‌ شتگه‌لێكن مرۆڤی ئاسایی سه‌رنجی لێنادات مه‌گه‌ر كه‌سێك بێت ڕووكه‌شناس بێت ... چێژی له‌ خۆرهه‌ڵاتن و خۆرئاوابوون ده‌كرد ، چێژی له‌ دیمه‌نی مناڵی بێتاوان وه‌رده‌گرت كاتێك ده‌گریێت ... چێژی له‌ دیمه‌نی باڵنده‌كان وه‌رده‌گرت كاتێك له‌ شه‌قه‌ی باڵ ده‌ده‌ن له‌ ئاسماندا ... دوای چه‌ند مانگێك ، بۆ یه‌كه‌مینجار شتێك ڕوویدا ... ئه‌ویش ئه‌وه‌بوو : بۆ چه‌ند چركه‌یه‌ك تاریكاییه‌كی كتوپڕ به‌ سه‌ر چاوه‌كانی داهات ... جارێكی تر چاوه‌كانی دووباره‌ گه‌ڕانه‌وه‌ ... ئه‌و حاڵه‌ته‌ چه‌ند جارێك دووباره‌ ده‌بۆوه‌ ته‌نانه‌ت له‌ زیادبوون دابوو ... چووه‌ لای ئه‌و پزیشكه‌ی پشكنینه‌كان و نه‌شته‌رگه‌رییه‌كه‌ی بۆ ئه‌نجامدابوون ... پزیشكه‌كه‌ پێیووت : به‌ داخه‌وه‌ كه‌ ئه‌و موشكیله‌یه‌ت پێڕاگه‌یاندم چونكه‌ جارێكی تر له‌ چاوه‌كانت په‌یدابۆته‌وه‌ ، تۆ پاش چه‌ند ڕۆژێكی دیكه‌ چاوه‌كانت له‌ ده‌ست ده‌ده‌یته‌وه‌ !!! ، سبحان الله ، هه‌ستێكی ترسێنه‌ره‌ كه‌ ئه‌و پیاوه‌ دوای چه‌ند مانگێك له‌ بینین به‌ چاوه‌كانی هه‌ستیپێكرد !!! ، هه‌رواش ده‌رچوو ، حاڵه‌ته‌كه‌ زیاتر و خراپتر ده‌بوو ، چه‌ند ڕۆژێكی پێچوو ئیتر چاوه‌كانی له‌ ده‌ستدایه‌وه‌ !!!.

به‌ڕێزان تا ئێره‌ ڕه‌نگه‌ وه‌كو چیرۆك سه‌رنجتان له‌و بابه‌ته‌ دابێت ، لێ ئه‌مه‌ هه‌قیقه‌تێكی واقیعییه‌ با بزانین ئه‌و پیاوه‌ چۆن باسی ئه‌زموونی بینینه‌ كاتییه‌كه‌ی ده‌كات ، كاتێك دوای دووباره‌ كوێربوونه‌وه‌ ده‌ڵێت : ئه‌و كه‌سه‌ كوێر نییه‌ كه‌ نابینێت ، به‌ڵكه‌ كوێر ئه‌و كه‌سه‌یه‌ كه‌ هه‌ست به‌و شته‌ ناكات كه‌ ده‌یبینێت و لێی وورد نابێته‌وه‌ ... چه‌ندین كه‌س هه‌ن به‌ چاو ده‌بینن به‌ڵام دڵی هیچ شتێك نابینن ، وه‌ چه‌ندین كه‌س هه‌ن به‌ چاو نابینن و كوێرن به‌ڵام دڵه‌كانیان ده‌بینێت ...

به‌ڕێزان ده‌توانین پوخته‌ی ئه‌و باسه‌مان له‌و ئایه‌ته‌ پیرۆزه‌دا ببینینه‌وه‌ كه‌ په‌روه‌رگارمان ده‌فه‌رمووێت : ( فإنها لا تعمی اڵابصار ولكن تعمی القلوب التی فی الصدور ) ، واته‌ : جا وه‌نه‌بێت چاوان كوێر بووبن، به‌ڵكو ئه‌و دڵانه‌ كوێر ده‌بن كه‌ وان له‌ سینه‌كاندا (چونكه‌ هه‌ر رواڵه‌ت ده‌بینن‏ و ناوه‌ڕۆك لێك ناده‌نه‌وه‌) .

ئه‌رێ به‌ڕاست چۆن له‌ نیعمه‌تی بینین ده‌ڕوانین ؟!!! ، وه‌ چۆن و به‌ چ شێوه‌ و شێوازێك سوپاسگوزاریی خودا ده‌كه‌ین له‌ سه‌ر ئه‌و نیعمه‌ته‌ مه‌زنه‌ ؟!! ، له‌ ڕاستییدا ئه‌گه‌ر چاوه‌كانمان ساغیشن لێ وای ده‌بینم زۆرینه‌مان كوێرین ، هۆكاره‌كه‌شی ئه‌وه‌یه‌ دڵه‌كانمان پڕن له‌ تاریكایی و له‌ كوێرایی دان!!!، كه‌ دڵیش كوێر بوو ، چاو تاریكی ده‌بینێت نه‌وه‌ك ڕووناهی !!!.