یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   جێگری سەرۆکی یەکێتی زانایان: رۆڵی مەلای کورد لە بەریتانیا رۆڵێکی گەورەیە لە بڵاوکردنەوەی ئیسلام و پەیامی میانڕەوی    *****    *****   لقی گەرمیانی یەکێتی زانایان بە هەماهەنگی بەرێوەبەرایەتی گشتی پۆلیسی گەرمیان سەرپەرشتی پرۆژەی پێشکەش کردنی سیمینار لەناو چاکسازییەکان دەکات    *****    *****   مەکتەبی تەنفیزی یەکێتی زانایان پێشوازی لە وەزیری ئەوقاف و کاروباری ئایینی دەکات    *****    *****   یەکێتی زانایانی ئایینی ئیسلامی کوردستان بە بۆنەی هاتنەوەی جەژنی پیرۆزی قوربان پەیامێکی پیرۆزبایی بڵاودەکاتەوە    *****    *****   د.حسن پشدەری: سوپاس بۆ خوا بەرنامەی رێکمان داناوەو بەردەوامیش لە خزمەت حاجیان داین بۆ وڵامی پرسیارو پێدانی بەرچاوڕوونی ئەرکەکانی فەریزەی حەج    *****    *****   لقی چەمچەماڵی یەکێتی زانایان پیرۆزبایی لە یەکێتی نیشتمانی دەکات    *****    *****   لقی چەمچەماڵی یەکێتی زانایانی لقی ۱۹ ی پ.د.ک بەسەر دەکاتەوە    *****    *****   یەکێتی زانایانی ئایینی ئیسلامی کوردستان بە هاوبەشی راوێژکاری نازی منداڵان کۆڕبەندێکی زانستی بەناونیشانی (منداڵ ئایندەیە.. هەنگاوێک بەرەو گەشەپێدانی منداڵان) بەرێوە دەبات    *****    *****   مامۆستا مەلا ديدار شێخانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالله بێستانەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان سیمینارێکی تایبەت بەناونیشانی (چەمکی حاکمیەت – مفهوم الحاکمیە) ساز دەکات    *****    *****   یەکێتی زانایان لەبارەی پشووی هاوینەو خولەکانی فێرکردنی قورئانی پیرۆز پەیامێک ئاراستەی زانایان دەکات   
 هەواڵ 

د. جەعفەر گوانی
به‌رواری دابه‌زاندن: 03/07/2012 : 12:54:48
قه‌باره‌ی فۆنت
رقم هەڵناستێت


پزیشكێكی فەلەستینی بەناوی (عز الدین أبو العیش) لە كاتی پەلاماری لەشكری ئیسرائیلی بۆ سەر كەرتی غەزە، كە 1400 كەسی فەلەستینی‌و 13 كەسی ئیسرائی بوونە قوربانی، ئەو پزیشكە بۆمبێكی ئیسرائیلی بەر ماڵەكەی دەكەوێت‌و، لە ئەنجامدا سێ‌ كچ‌و كچە برایەكی شەهید دەبن‌و، كاتێك دەچێتە ژوورەوە، تەنها كچێكی بەپێوەیە‌و، ئەویش خەڵتانی خوێن بووە.

ئەم پزیشكە لە كەنەدا دادەنیشێت‌و، ئێستا كتێبێكی نووسیوە، بە ناوی (لن أكرە)، وێنەی كچەكانی لەسەر بەرگە‌و، تێیدا جەغت لەسەر ئەوە دەكاتەوە، ئەو رۆحی لێبووردنی هەیە، نەك تۆڵەسەندنەوە، بەتایبەتی لە ناو ئیسرائیل چەندەها پزیشك‌و پەرستار‌و چالاكوانی مەدەنی هەن، خزمەتی منداڵ‌و گەنجانی فەلەستینی دەكەن‌و، دژی سیاسەتی رەگەزپەرستانەی وڵاتەكەیانن.

ئەو لە كتێبەكەی رایدەگەیەنێت، هەرچەندە گەورەترین‌و خۆشەویستترین شتی ژیانی بە دەستی غەدری ئیسرائیل لە دەستداوە، بەڵام رق‌و كینەشی لە دڵدا نییە‌و، گیانی لێبووردنی لە گیانی تۆڵەسەندنەوە بەهێزترە، بەڵام دەروونناسان‌و كۆمەڵناسان چۆن شیكردنەوە بۆ دەروونی هەزارەها منداڵی فەلەستینی بكەن، كە بە دەستی لەشكری ئیسرائیلی تووشی دەیان حاڵەتی دڵتەزێن‌و جەرگبڕ دەبن.

قسەكانی ئەم پزیشكە پەیامێكی گەورەیە، مەبەستی لە پەیامەكە ئەوە نییە، كە لە ئیسرائیل ببوورن بەرامبەر تاوانە یەك لە دوا یەكەكانی، بەڵكو مەبەستی ئەوەیە، پێویستە دەستی زوڵم رابگیرێت‌و، خەڵكیش لە بری رق لێكبوونەوە فێری پێكەوەژیان‌و خۆشەویستی‌و لێبووردن ببێت، ئەوەش پەیامێكی هێندە مەزنە، وای لە ئەمین مەعلوف ریوائی لوبنانی كردووە لەسەر بنووسێت: (ئەم كارە پێویستی بە ئازایەتی هەیە تا رق‌و كینە رەت بكاتەوە‌و، خۆی لەوە دوور بگرێت، كە خەڵك بۆ تووند‌و تیژی هان بدات).

ئەگەر ئەوە نموونەی مرۆڤێك بێت، كە چوار خۆشەویستی خۆی لە یەك كاتدا لە دەستداوە، ئایا ئێمە لە كوردستان زیاتر پێویستمان بەوە نییە، كە گیانی ئاشتبوونەوە‌و خۆشەویستی لە ناو تاكەكانمان بڵاوبكەینەوە، بۆ ئەوەی لە شوێنی رق‌و كینە خۆشەویستی بچێنین، بەتایبەتی مامۆستایانی ئایینی زیاتریش لەسەر مینبەر هەمیشە باڵیۆزی ئاشتی‌و خۆشەویستی بن‌و، تاكی موسڵمان لەسەر لێبووردن‌و خۆشەویستی رابهێنن.

ئەم بابەتە لە ژمارە (83)ی گۆڤاری پەیامی زانایان بڵاوكراوەتەوە.