یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان بە بۆنەی هاتنەوەی جەژنی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا شێخ محمد شێخ سەمیع قەرەداغی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عزت اللە مەلا محمد هەرتەلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا سەید رەشاد تەوێڵەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا شێخ محمد شێخ عبدالکریم بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: بێ رێزی و سوکایەتی بەرامبەر قورئانی پیرۆز بەتوندی ئیدانە دەکەین و ئەرکی دەزگا ئەمنیەکانە بکەران ئاشکرا بکات    *****    *****   سەرۆکی یەکێتی زانایان وەک وەفاو خزمەت لەسەر ئەرکی بنەماڵەکەیان کتێبخانەیەک لە سۆران دەکاتەوە    *****    *****   سه‌رۆكی ئه‌نجوومه‌نی باڵای فه‌توا: پێویستە‌ پارته‌ نیشتمانپه‌روه‌ره‌كانی كوردستان هه‌مان گیانی خۆڕاگری و ته‌بایی و برایه‌تی بپارێزن    *****    *****   لەساڵیادی رۆژی رۆژنامەگەری کوردی یەکێتی زانایان پەیامێک ئاراستەی دەزگاکانی راگەیاندن دەکات و دەڵێت: سوکایەتی بەرامبەر پیرۆزییەکان و شێواندنی پێکەوەژیان قابیلی قبوڵ نیە    *****    *****   سەرۆکی حکومەتی هەرێم ستایشی رۆڵی زانایان دەکات    *****    *****   بەرێوەبەری ناحیەکانی خلیفان و دیانا و سیدەکان و بەڕێوەبەری ئەوقافی سۆران سەردانی لقی سۆرانی یەکێتی زانایان دەکەن    *****    *****   پەیامی پیرۆزبایی یەکێتی زانایان بە بۆنەی هاتنی مانگی پیرۆزی رەمەزانەوە   
د. جەعفەر گوانی
به‌رواری دابه‌زاندن: 18/03/2014 : 20:18:31
قه‌باره‌ی فۆنت
ئایا راسته‌ یه‌كێتی زانایان فه‌یسبووكی مه‌لایه‌كی داخستووه‌؟

ماوه‌یه‌كه‌ له‌ تۆڕه‌ كۆمه‌ڵایه‌تیه‌كان‌و، هه‌ندێك راگه‌یاندنه‌كان بڵاوكرایه‌وه‌، كه‌ یه‌كێتی زانایان فه‌یسبووكی به‌ مه‌لایه‌ك داخستووه‌، سه‌یرتر ئه‌وه‌ بوو خه‌ڵكێك ئه‌مه‌یان به‌ هه‌ڵه‌یه‌كی یه‌كێتی زانایان وه‌سف ده‌كرد.

راستیه‌كه‌ی به‌م شێوه‌یه‌:

مامۆستایه‌ك ده‌رباره‌ی كامێرای هاتووچۆ بابه‌تێكی نووسی‌و دواجار له‌ باره‌یانه‌وه‌ گووتی: بردن‌و دزین‌و شكاندنی ئه‌م كامێڕایانه‌ له‌ روانگه‌ی شه‌رعه‌وه‌ هیچی تێدا نییه‌. دواتر كه‌ له‌ سایته‌كان بڵاوكرایه‌وه‌، مامۆستا (دزین)ه‌كه‌ی لابرد.

ئه‌م قسه‌یه‌ گه‌وره‌ بوو، چونكه‌ هه‌ر كاردانه‌وه‌یه‌ك له‌م شتانه‌ دروست ببوایه‌ مامۆستا تێیدا مه‌سئول ده‌بوو، هه‌روه‌ها خودی قسه‌كه‌ پێچه‌وانه‌ی فه‌توای لێژنه‌ی باڵای فه‌توای كوردستان‌و ئه‌زهه‌ر‌و زانایانی سعودیه‌‌و شوێنه‌كانی دیكه‌ بوو، كه‌ جه‌غت له‌سه‌ر ئه‌وه‌ ده‌كه‌نه‌وه‌، كه‌ پێویسته‌ مرۆڤی موسڵمان پابه‌ندی رێنماییه‌كانی هاتووچۆ بێت، بۆ ئه‌وه‌ی مرۆڤی موسڵمان جوانترین هێمای شارستانی پیشان بداتو ‌و پشتیوانی هه‌ر هه‌وڵێك بكات، كه‌ گیانی خه‌ڵكی له‌ هه‌ر زیانێك بپارێزێت.

هه‌ڵه‌ی مامۆستا له‌وه‌دا بوو به‌ناوی شه‌رعه‌وه‌ قسه‌ی كردبوو، هه‌روه‌ك بووه‌ هۆی ئه‌وه‌ش خه‌ڵكێكی زۆری مولحید قسه‌ له‌سه‌ر دین بكات، بۆ ئه‌مه‌ش ده‌بوو یه‌كێتی زانایان وه‌ڵامی بداته‌وه‌، به‌ڵام رێزیان بۆ مامۆستا هه‌بوو وه‌ڵامیان نه‌دایه‌وه‌، ئینجا برایانه‌ ئامۆژگاری مامۆستایان كرد، كه‌ ئه‌م كارانه‌ جوان‌و دروست نینه‌، مامۆستاش به‌ دڵێكی گه‌وره‌‌و سنگفراوانه‌وه‌، پێشنیازه‌كه‌ی وه‌رگرت‌و، به‌ خۆشی پێی باش بوو، واز له‌و فه‌یسبووكه‌ی بهێنێت، كه‌ شته‌كانی تێدا گه‌وره‌ ده‌كرێن، روونكردنه‌وه‌یه‌كیشی نووسی‌و داوای لێبووردنی كرد له‌وه‌ی به‌ناوی شه‌رعه‌وه‌ قسه‌ی كردووه‌، خۆزگه‌ هه‌موو ئه‌و كه‌سانه‌ی تووشی هه‌ڵه‌ ده‌بن به‌م دڵگه‌وره‌ییه‌ پێشوازی لێبكه‌ن، نه‌ك وه‌ك كه‌سانێك كه‌ هیچ ئاگایان له‌ هیچ نییه‌ ره‌خنه‌ ده‌گرن له‌وه‌ی یه‌كێتی زانایان فه‌یسبووكی به‌م مامۆستایه‌ داخستووه‌، بێ‌ ئاگان له‌وه‌ی یه‌كێتی زانایان دادگا نییه‌ تا دابخات، به‌ڵكو ئه‌وه‌ بڕوای مامۆستا خۆی بووه‌ به‌ بابه‌ته‌كه‌، ده‌بوو مامۆستایانیش شانازی به‌م هه‌ڵوێسته‌ی یه‌كێتی زانایان‌و ئه‌م مامۆستا به‌ڕێزه‌ بكه‌ن.

دووباره‌ی ده‌كه‌مه‌وه‌، ته‌حه‌دای هه‌ر كه‌سێك ده‌كه‌م بیسه‌لمێنێت یه‌كێتی زانایان ئه‌م كاره‌ی كردبێت، به‌ پێچه‌وانه‌وه‌ ئازادی ته‌واوی داوه‌ته‌ هه‌ر قسه‌‌و باسێك كه‌ ده‌كرێن، هه‌ر تێبنیه‌كیشی له‌سه‌ر هه‌ر كه‌سێك هه‌بووبێت، ئه‌وا برایانه‌ ئامۆژگاری كراون، ئه‌و دیفاعه‌ی یه‌كێتی زانایان به‌تایبه‌تی سه‌رۆكی زانایان له‌م مامۆستایه‌ی كرد، كه‌س له‌ كه‌سی نه‌كردووه‌، مامۆستا خۆشی ده‌زانێت ئه‌گه‌رنا تووشی چ سه‌رئێشه‌ی یاسایی‌و كۆمه‌ڵایه‌تی ده‌بوو.

 

ئه‌م باسه‌ هیچ په‌یوه‌ندی به‌ باشی‌و خراپی كامێڕا نه‌بووه‌، به‌ڵكو باسێكی دیكه‌ی شه‌رعی بوو.