یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   ئەنجومەنی باڵای فەتوا: رێژەی زەکات و سەرفیترەو فیدیەی مانگی پیرۆزی رەمەزان دیاری دەکات    *****    *****   مامۆستا مەلا خالد مەلەکی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بەحرەین: بە بەشداری سەرۆکی یەکێتی زانایان کۆنگرەی دیالۆگی ئیسلامی- ئيسلامي بەڕێوە دەچێت    *****    *****   مامۆستا مەلا ئيدريس مەلەکی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   هەولێر.. بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەڕێوە دەچێت    *****    *****   مامۆستا مەلا ئەسعەد نانەکەلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی ئاکرێی یەکێتی زانایان بەشداری کۆڕبەندی زانستی کۆلێژی پەروەردە دەکات    *****    *****   لقی سۆرانی یەکێتی زانایان سیمیناری زانستی هەفتانەی خۆی سازدەکات    *****    *****   لقی هەڵەبجەی یەکێتی زانایان بەشداری وۆرکشۆپێک بەناونیشانی (ڕۆڵی زانای ئاینی لەپاراستنی ئاشتی کۆمەڵگەو ڕێگری کردن لەتوندڕەوی و توندوتیژی)    *****    *****   لقی هەولێری یەکێتی زانایان سیمینارێک لەسەر مەترسی و هەستیاری بابەتی فەتوا ساز دەکات    *****    *****   شاندێکی بەرێوەبەرایەتی بەرەنگاربوونەوەی توندوتیژی دژی ئافرەتان و خێزان سەردانی مەکتەبی تەنفیزی یەکێتی زانایان دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەڕێوە دەچێت   
د. جەعفەر گوانی
به‌رواری دابه‌زاندن: 10/01/2017 : 11:12:40
قه‌باره‌ی فۆنت
قسه‌ زێڕینه‌كه‌ی هاشمی ره‌فسنجانی
ساڵی 2007 له‌گه‌ڵ به‌ڕێز مامۆستا مه‌لا نه‌جمه‌دین وادی به‌شداری كۆنگره‌یه‌كمان كرد له‌ تارانی پایته‌ختی ئێران ده‌رباره‌ی (لێكنزیخستنه‌وه‌ی مه‌زه‌به‌كان)، له‌وێ هاشمی ره‌فسنجانی قسه‌یه‌كی زۆر جوانی كرد، كه‌ جێگه‌ی سه‌رنجی ته‌واوی ئاماده‌بووان بوو، كه‌ له‌گه‌ڵ مردنه‌كه‌ی هاته‌وه‌ بیرم، مه‌فهوومی قسه‌كه‌ی ئه‌وه‌ بوو: (شیعه‌و سوننه‌ تا ئێستا ناكۆكین‌و یه‌كتری ده‌كوژین، له‌سه‌ر ئه‌وه‌ی ئایا ئه‌بوبه‌كر شیاوی جێنشینی پێغه‌مبه‌ر بوو یان عه‌لی، به‌ڵام كێ هه‌ق بووه‌ كێ هه‌ق نه‌بووه‌ هه‌زارو چوارسه‌د ساڵی به‌سه‌ردا تێپه‌ڕیوه‌، پێویست ناكات چیتر موسڵمانان له‌سه‌ر كێشه‌یه‌كی وا ناكۆك‌ پڕ ململانێ بن).
لێره‌وه‌ ته‌نها دوو سه‌رنجی خێرا له‌سه‌ر قسه‌كه‌ی ره‌فسنجانی ده‌رده‌بڕم:
یه‌كه‌م: ره‌فسنجانی له‌ كاتێكدا ئه‌و قسه‌یه‌ی كرد، كه‌ تا ئێستاش له‌ وڵاته‌كه‌ی ئه‌و شوێنی ئه‌هلی سوننه‌ به‌رته‌سكه‌ به‌تایبه‌تی شوێنی خوتبه‌و نوێژكردنی هه‌ینی له‌ تاران، ئه‌وه‌ سه‌رباری دانانی پله‌ دوویی‌و سێیی بۆ موسڵمانه‌كانی تری ئه‌م وڵاته‌، به‌تایبه‌تی گه‌لی كوردمان، كه‌ له‌سێداره‌دانیان بۆته‌ مۆدێل و شارو گونده‌كانیان پڕی ماده‌ هۆشبه‌ره‌كان كراون، بۆیه‌ یه‌ك له‌ كێشه‌ی هه‌ره‌ گه‌وره‌كانی رۆژهه‌ڵاتی ناوه‌ڕاست قسه‌ی زۆرو كرداری كه‌مه‌، هه‌ر وڵاتێك دنیایه‌ك دروشمی جوانی هه‌یه‌، به‌ڵام كه‌ دێیه‌وه‌ ناو واقیع كه‌متر ئه‌م هه‌قیقه‌ته‌ ده‌بینی.
دووه‌م: ئه‌و قسه‌یه‌ی ره‌فسنجانی، ئه‌گه‌ر له‌ مه‌یدانی پراكتیكدا نه‌بێت‌و ده‌شێ زیاتر بۆ سه‌رنجراكێشان بووبێت، به‌ڵام وه‌كو چه‌مك شتێكی جوانه‌، ئێمه‌ی موسڵمانان به‌تایبه‌تی له‌ رۆژهه‌ڵاتی ناوه‌ڕاست ئه‌وه‌نده‌ی خه‌ریكین شه‌ڕ له‌سه‌ر مێژوو ده‌كه‌ین، جه‌وهه‌ری ئیسلاممان وه‌لاوه‌ ناوه‌، رۆحی یه‌كتر قبوڵكردن‌و پێكه‌وه‌ژیانمان كوشتووه‌، هه‌ر گروپه‌و ئه‌وه‌ی دیكه‌ ره‌ت ده‌كاته‌وه‌، تا ئێستاش به‌ لێشاو خه‌ڵك له‌سه‌ر شیعه‌و سوننه‌ ده‌كوژرێن، خۆشی لۆ ئه‌و وڵاته‌ی ئه‌و شێرپه‌نجه‌یه‌ی نه‌كه‌وتبێته‌ ناوو ریزه‌كانی خۆیان پاراستوون.