یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا محمد رەزانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان سەردانی بەڕێوەبەری گشتیی ئەوقافی پارێزگای هەولێر دەکات    *****    *****   سه‌رۆكی یه‌كێتی زانایان سه‌ردانی به‌رێوه‌به‌رایه‌تی گشتی حه‌ج و عومڕه‌ ده‌كات    *****    *****   مامۆستا مەلا ئەحمەد رۆستەم کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا محمد هەرتەلی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان بە بۆنەی سەری ساڵی کۆچی پەیامێک بڵاودەکاتەوە    *****    *****   مامۆستا مەلا عەلی وەرتی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان لقی سۆرانی یەکێتی زانایان بەسەردەکاتەوەو دیدارێکی تایبەت لەگەڵ ستافی لق ساز دەکات    *****    *****   مامۆستا مەلا عبدالله دێلۆیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەرێوە دەچێت    *****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات   
د. جەعفەر گوانی
به‌رواری دابه‌زاندن: 26/09/2013 : 10:38:03
قه‌باره‌ی فۆنت
شێخ نەجیمی گەزنێ‌ خوا كردبوویە مرۆڤ!!

لە سەرەتای ساڵانی حەفتاكان ماڵمان هاتبووە دیانا، جارێكیان لەگەڵ شێخ نەجیمی گەزنێ‌، كە پیاوێكی نەرم‌و لەسەرخۆ‌و دیندار بوو، بە تاكسی هاتینە هەولێر، لە سەرەتای شەقڵاوە كەمێك دابەزین، دیارە نەرمە بارانێكی لێدەهات، شێخ نەجیمیش لە بیری چوو جامی تاكسیەكە دابخات، بۆیە كە سواری تاكسیەكە بووینەوە، هەندێك كورسیەكەی پێشەوە تەڕ ببوو، شوفێری تاكسیەكە كە تڕومبێلەكەی خۆی زۆر خۆشدەویست –بەتایبەتی لە هەفتاكان سیارە بە قەدر بوو- یەكسەر رووی كردە شێخ نەجیم‌و چاوی سووربوونەوە كە جامی سیارەكەی دانەخستووە‌و هەندێك تەڕ بووە، بە تووڕەییەوە گوتی: ما تۆ بەشەری؟!.

ئەم شێوازی قسەكردنە ئاسان نییە، مرۆڤ ئاسان نییە وەڵامی نەداتەوە، بۆیە دەكرێ‌ بڵێی: (كاكە دادەبەزم، خۆ هەر ئەتوو سیارەت نییە، ما بەخۆت بەشەری، ...) لەوانەیە بە یەكێك لەمانە وەڵام بدەیتەوە، لێ‌ شێخ نەجیم لەسەرەخۆ گووتی: ناوەلا باوە بەشەر نیمە، بەڵام خوا كردوومیە بەشەر، هیچ قسەی دیكەشی نەكرد‌و، لە كابراش تووڕە نەبوو، كەمێك رۆییشتین تا گەیشتینە سەر مەیدانی شەقڵاوە، كە ئەو كاتی چۆڵ بوو، كابرا بەبێ‌ دەنگی سیارەكەی راگرت‌و هاتە خوارەوە، بە شێخ نەجیمی گووت: وەرە خوارەوە، دەبی ئێستا پێت ماچ بكەم، ئەوە چ ئەخلاق‌و رەوشتێكی بەرزت هەیە.

كە مامۆستا جەلال خەیلانی ئەو بەسەرهاتەی گێڕایەوە، چاكتر بۆم دەركەوت، كە رەوشتی نەرم‌و وەڵامی هێمنانە چەندە كاریگەری ئەرێنی زیاترە‌و، ئەو فەرموودەیەم بە بیرهاتەوە: (ئەوەی خوا لەسەر نەرم‌و نیانی دەیبەخشێت، لەسەر تووند‌و تیژی نایبەخشێت)، بەڵام هەموو كەسێكیش ناتوانێت ئەم جۆرە هەڵوێستانەی هەبێت، مەگەر خۆی لە ناخەوە خاوێن نەكردبێتەوەو نەفسی خۆی نەكوشتبێت‌و لە خۆشەویستی نەتوابێتەوە.

ئەم بابەتە لە ژمارە (95)ی گۆڤاری پەیامی زانایان بڵاوكراوەتەوە.