یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات   
د. جەعفەر گوانی
به‌رواری دابه‌زاندن: 30/12/2012 : 16:20:19
قه‌باره‌ی فۆنت
تەلەفزیۆنی پەیام‌و گومان دروستكردن لەسەر ئیسلام

 

 

لە سەرەتادا دەمەوێ ئەوە بڵێم: كە رێزی زۆرمان بۆ ماندووبوونی كەناڵی ئاسمانی پەیام هەیە، بەتایبەتی لەو بەشەی پەیوەندی بە بانگەواز‌و كاری پەروەردەیی هەیە‌و، خۆشبەختانە خزمەتێكی بەرچاوی لەوەدا هەبووە، بەڵام شەوی (29/30-12-2012) بەرنامەیەكی تایبەتی پەخش كرد، كە تێیدا میوانداری مامۆستایەكی ئایینی‌و قەشەیەكی مەسیحیان كردبوو، لەبەر ئەوەی ماوەیەكە لەم بوارە كار دەكەم، نەمتوانی وەك دەربڕینی رای خۆم، بەسەر ئەم باسەدا تێبپەڕم، بەتایبەتی، كە دوای تەواوبوونی بەرنامەكە چەندین گەنج‌و مامۆستای ئایینی، بێزاری خۆیان دەربڕی‌و، كەوتبوونە كۆمەڵێك پرسیارەوە.

جارێ‌ سازدانی بەرنامە لەگەڵ كەسایەتییەكانی مەسیحی‌و ئێزیدی‌و هەر كەسێكی دیكە بێت ئاساییە‌و، دەبێ‌ كار بۆ قوڵكردنەوەی ئەم گیانی پێكەوەژیانە بكەین، بەڵام سازدانی ئەم بەرنامانە ئەگەر لەسەر بابەتە گشتییە هاوبەشەكان بوایە، دیسانەوە ئاسایی بوو، بەڵام بۆ گومان دروستكردن لە ئیسلام‌و راستكردنەوەی مەسیحیەت‌و، چوونە ناو وردیاتی ئایینی، بۆ كەناڵێكی وەك پەیام بەڕاستی جێگەی هەڵوەستە‌و پرسیارە، بەتایبەتی ئەوەی شارەزای لە مەسیحیەت‌و بزووتنەوە تەنسیرییەكان هەبێت، دەزانێت قەشەكە زۆر بە مەنهەجی كاری دەكرد‌و، دەیزانی باسی چی دەكات‌و، ئامانجەكەشی چۆن دەپێكێت، كە بەداخەوە زۆر جار تیری وای بۆ ئیسلام دەهاوێشت، كە ئەگەر بە كتێب بوایە، خۆپیشاندانی لەسەر ساز دەكرا، كەچی دوو بەڕێزەكەی بەرامبەری نەك هەر وەڵامیان نەدایەوە، بەڵكو سەریان بۆ دەلەقاند.

جا بۆ ئەوەی بابەتەكە زیاتر روون بێتەوە، چەند خاڵێك بە كورتی دەنووسم، كە زۆربەیان پرسیاری خەڵك بوونە، دوای بەرنامەكە ئاراستەی ئێمەیان كردوونە‌و، بووەتە ئیشكال لەلایان، هیوادارم پەیامیش كارێك بكات، چاكی بكاتەوە:

یەكەم: دەربارەی دەستكاریكردنی ئینجیل، قەشە رای وابوو، كە ئینجیل دەستكاری نەكراوە، لەوەشدا دوو بەڵگەی هەبوو، یەكەم: خودی ئینجیل دەڵێت: ئەگەر ئاسمان‌و زەوی دەستكاری بكرێت، وشەی خوا دەستكاری ناكرێت. دووەم: تەنها قسەی مرۆڤ دەستكاری دەكرێت، قسەی مرۆڤ (ناسخ‌و مەنسوخ)ی هەیە، نەك قسەی خودا.

لێرەدا دەكرا بە بەڵگەوە وەڵام بدرێتەوە، كە دەستكاریكردنەكە چۆنە، ئەو باسە نەدەبوو تێبپەڕیت، چونكە لەلایەكەوە پێچەوانەی دەقی قورئانە، كە بە روونی باس لە دەستكاریكردنی ئینجیل‌و تەورات دەكات، بەمە قەشە رەتی ئەم ئایەتەی دایەوە، هەروەها راستەوخۆش هێڕشێكی تووندی كردە سەر قورئانی پیرۆز، چونكە (الناسخ والمنسوخ) زاراوەیەكی قورئانییە‌و، زۆربەی عولەمای ئیسلام دەڵێن: لە قورئاندا هەیە، كەچی قەشە دەیگووت: تەنها لە قسەی مرۆڤدا هەیە، بەمەش قورئانی بە قسەی مرۆڤ دانا.

دووەم: قەشە زۆر بە بوێرییەوە دەیگووت: ئینجیلەكان نوسخەیان ماوە، لە هەمان كاتدا دەیگووت: ئەو ئینجیلانە قسەی مرۆڤەكانە، ئەوەش وەڵامی زۆر ئاسانی هەبوو، كە دەتواندرا، بە تەنها یەك ئاماژەیەك بیسەلمێنن، كە ئەم نوسخانە چۆنن‌و، ئەم كەسانە چۆنیان نووسیوەتەوە، یان چۆن قسەی مرۆڤ دەكرێتە بەڵگە لەسەر دەستكارینەكردنی ئینجیل.

سێیەم: خاڵێكی دیكە تێی نەگەیشتم، بۆچی برای پێشكەشكار چەندین جار دەستەواژەی (ئایینی پیرۆزی مەسیحی‌و ئایینی ئیسلام)ی دووبارە دەكردەوە، نازانم بۆچی ئایینی مەسیحی پیرۆز بوو، بەڵام ئایینی ئیسلام پیرۆز نەبوو؟!.

چوارەم: خاڵی هەرە مەترسیداری ئەم بەرنامەیە ئەوە بوو، كە بە روونی شەرعیەتیان دایە رێكخراوە تەنسیرییەكان، چونكە قەشە گووتی: مەسیح پێمان دەڵێت: لە جیهاندا بگەڕێین، تا هەموو گەلان بەرەو پەیامی مەسیح ببەن، دەستخۆشیشی لەو كەسانە كرد، كە بەم پەیامە هەڵدەستن.

ئەم قسەی قەشە بۆ كەناڵێكی ئیسلامی، دووبارە جێگەی قسە لەسەركردنە، چونكە نەیانتوانی وەڵامی بدەنەوە، كەچی پێچەوانەی دەقی فەرموودەكانی پێغەمبەرە درودی خوای لەسەر بێت، كە مەسیح تەنها بۆ نەوەی ئیسرائیل هاتووە، نەك بۆ گەلانی دیكە، هەروەها وەڵامی مامۆستای میوان هەر زۆر لاواز بوو، كە پێی وابوو ئاساییە موسڵمانان ببنە مەسیحی، بەڵام نەبنە بەشێك لە ئیستیعمار‌و داگبركەر، نموونەشی بە هاوەڵێكی پێغەمبەر درودی خوای لەسەر بێت هێنایەوە، كە لە حەبەشە بووەتە مەسیحی، لە كاتێكدا بەڵگەكەی ئەگەر بە جوانی بخوێنێتەوە، بەڵگەیە لە دژی خۆی نەك بۆ قسەكەی، دووەم: بە هیچ شێوەیەك بێ‌ بەڵگەی رەسمی‌و سەلمێندراو ناتوانی ئەو رێكخراوانە بە بەكرێگیراو وەسف بكەیت، كەواتە هەر رێكخراوێك كە خەریكی تەنسیر بێت، ئەگەر سەلمێندرا، كە پاشكۆی هیچ داگیركارییەك نییە‌و، تەنها كاری بڵاوكردنەوەی مەسیحیەتە، كاركردنی ئاساییە‌و، ئاساییە موسڵمانانیش بە دوای بكەون، لە كاتێكدا چەندین بەڵگەمان لەبەر دەستە، كە ئەمە بە هیچ شێوەیەك دروست نییە، هۆكار‌و بەڵگەی مەعقولیشی تێدایە.

ئەم قسەیە پێش هەموو لایەنێك كەناڵی پەیامیش دەگرێتەوە، چونكە چەندین جار هەواڵی ئەوەی بڵاوكردۆتەوە، كە لە هەندێك شوێن خاچ دابەش كراوە، یان ئینجیل دابەش كراوە، كەواتە ئەم كارانە دەبێ‌ ئاسایی بن، مادامە هەیچ سیاسەتێكی لە پشت نییە.

مەبەستی من لێرەدا ئەوە نییە، كە چۆن رێگیری لەوانە بكرێت، كە پێشی موسڵمانان، بوونەتە ئاریشە بۆ مەسیحیەكانی كوردستانیش، بەڵام پەیام باشترین دەرگای بۆ كردنەوە.

پێنجەم: ئەوەی بەلای منەوە سەیرتر ئەوە بوو، كە پرسیاری ئاهەنگ‌و مەشروب خواردنەوە لە قەشە دەكرا، لە كاتێكدا قەشە زۆر بە روونی دەیگووت: ئەو شتانە لەناو كەنیسە ناكرێت، لە دەرەوەش شتێكی دیكەیە، كەچی برای پێشكەشكار هەر پرسیارەكەی دووبارە دەكردەوە، نەیدەزانی كە مەسیحیەت لە ئیسلام جیاوازە، لە ئیسلامدا مرۆڤ هەموو كاتێكدا وەكو لایەنی ئایینی بەرپرسیارە‌و، ئیسلامیش تەنها لە مزگەوت مرۆڤ ناخاتە ژێر بەرپرسیارییەوە، بەڵكو لە تەواوی ژیانی لەژێر بەرپرسیارێتی دایە‌و، كە خەڵكانی بێدینیش دژی ئیسلامن، لەبەر ئەم خاڵەیە، چونكە دەیانەوێت موسڵمانێتی بچێتەوە ناو مزگەوتەوە.

هەروەك هەڵوەشێنەرەوەی وتارەكانی هەینی بوو، كە مامۆستایان ئەم باسەیان لە وتاری هەینی كۆتایی پێ هێنابوو، كەچی بەم بەرنامەیە زۆر بچووك كرایەوە.

دیارە لێرەدا دەرفەتی ئەو چەند خاڵەم هەبوو، كە هەموویان خاڵی جەوهەرینە‌و، پەیوەندی بە عەقیدە‌و كاری ئیسلامییەوە هەیە‌و، بۆ ئەو كەسانەی بەرنامەكەیان بینیووە، كاری چەندین ساڵەی مامۆستایانی ئایینی سفر كرایەوە.

بۆیە دەپرسم: ئایا ئەم بەرنامەیە زیاتر لە زیانی ئیسلام بوو، یان ئەڵقەیەكی توركی، كە ناوەڕۆكەكەی ئیسلامی بووە، بەڵام لەچكیان لەسەر نەبووە؟.

ئەگەر ئەم بەرنامەیە لە كەناڵێكی عەلمانی بووایە، دەبێ‌ چی لەسەر بگووترابایە؟.

ئایا ئەو بابەتە كە پەیوەندی بە جەوهەری عەقیدە‌و قورئانەوە هەبوو، مەترسیدارتر نەبوو، لە هەندێك لەو قسە‌و نووسینانەی بە بزری باس دەكرێت‌و، دوایی بۆ ناڕەزایی لە كەناڵەكەتان گەورەتری دەكەن، ئایا ئەمە پێچەوانەی هەموو ئەوانە نییە؟.

بۆیە لە كۆتاییدا وەك داوایەكی برایانە، تكایە پێداچوونەوەی جیددی بەخۆتان دابكەنەوە، ئەگینا هەڵەی كوشندەتر دێتە پێشەوە، هیچ گلەییشم لە قەشە نییە، ئەو بەڕێزە تەنها ویستی پەیامی خۆی بگەیەنێت، زیرەكانەش گەیاندی، بەڵگەشم ئەو هەموو تەلەفۆنەی هاووڵاتیان‌و مامۆستایانی ئایینی بوو، كە دوای بەرنامەكە ئاراستەمان كرا، لە بری ئەوە باشتر بوو، هەمان بەرنامە بۆ دەربڕینی رۆحی پێكەوەژیانی ئایینی‌و، قسەكردن لەسەر خاڵە هاوبەشەكان‌و، قوڵكردنەوەی گیانی لێكتربوورین لە نێوان سەرجەم ئایین‌و مەزەبە جیاوازەكانی كوردستان‌و، دەستگرتن بە مێژووی دوور‌ودرێژی پێكەوەژیان لە كوردستان‌و، رێزگرتنی هەموولا لە یەكتر بووایە، نەك بچنە ناو ترسناكترین بابەت‌و نەشتوانن لێی بچنە دەرەوە.

دووبارە دەڵێم: شتی جوانتان كردووە لە بواری وشیاری ئایینی، تكایە وریای خۆتان بن، ناشیرینی مەكەن.