یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   شاندێکی باڵای یەکێتی زانایان لە فرۆکەخانەی هەولێر پێشوازی لە پاپا فرانسیس دەکات    *****    *****   لقی پشدەری یەکێتی زانایان سمینارێک ساز دەکات    *****    *****   سه‌رۆكی یه‌كێتی زانایان: هه‌رێمی كوردستان شوێنی پێكه‌وه‌ژیانی ئایینی و پەناگەیەکی ئارامە بۆ ئاوارەکان‌    *****    *****   پارێزگاری هەولێر سەردانی مەکتەبی مەکتەبی یەکێتی زانایان دەکات    *****    *****   مامۆستا مەلا عبدالله قەشانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە وەزیری ئەوقاف و کاروباری ئایینی و شاندێکی یاوەری دەکات    *****    *****   مامۆستا مەلا عیسی مشختی زێباری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی مەکتەبی تەنفیزی یەکێتی زانایان سەردانی سەرۆکی کۆمەڵی دادگەری کوردستان دەکات    *****    *****   پرسەنامە.. مامۆستا مەلا هادی سلیم فەتاح کۆچی دوایی کرد    *****    *****   توێژینەوەیەکی وردو تێرو تەسەل لەبارەی (حەیزو نیفاس لە شەریعەتی ئیسلام)ەوە    *****    *****   لقی ئاکرێی یەکێتی زانایان لە کۆبوونەوەیەک چەند پرسێک تاوتوێ دەکات    *****    *****   لقی رانیەی یەکێتی زانایان پێشوازی لە لێژنەی ئەوقافی پەرلەمانی کوردستان دەکات   
د.جعفر گوانی
به‌رواری دابه‌زاندن: 10/04/2011 : 11:22:28
قه‌باره‌ی فۆنت
ده‌رسێك بۆ كاربه‌ده‌ستان
تۆ، ئه‌گه‌ر كاربه‌ده‌ستی، ده‌ته‌وێت هه‌ر به‌ كاربه‌ده‌ستی بمێنیته‌وه‌، یان له‌ ده‌سه‌ڵات نیت‌و، ده‌ته‌وێت ببیته‌ به‌شێك له‌ ده‌سه‌ڵات‌و، شتێكت له‌و حكومه‌ته‌ به‌ركه‌وێت، ته‌نها یه‌ك رێگه‌ چاره‌تان له‌ پێشه‌، ئه‌گینا دڵنیابن سه‌ركه‌وتوو نابن، له‌ دونیا به‌ به‌رچاوی جه‌ماوه‌ر سه‌رشۆر‌و، له‌ دوارۆژیش په‌روه‌ردیگار لێپێچینه‌وه‌تان له‌گه‌ڵ ده‌كات، ئه‌و تاكه‌ رێگه‌چاره‌یه‌ش چه‌سپاندنی عه‌داله‌ت‌و دادپه‌روه‌رییه‌، جا من ئه‌و بابه‌ته‌ شی ناكه‌مه‌وه‌، دوو نموونه‌ی كورت ده‌هێنمه‌وه‌، هه‌موو ماناكانی دادپه‌روه‌ری ده‌رده‌كه‌ون:

نموونه‌ی یه‌كه‌م: نوێنه‌ری كیسرای رۆم دێته‌ مه‌دینه‌‌و، داوا ده‌كات چاوی به‌ ئیمام عومه‌ری كوری خه‌تاب ئه‌میری ئیمانداران بكه‌وێت، دوای ئه‌وه‌ی سه‌ردانی ماڵه‌ بێ‌ پاسه‌وانه‌كه‌ی ده‌كات، پێی ده‌ڵێن: له‌وانه‌یه‌ ئه‌و پیاوه‌ هه‌وبێت، كه‌ له‌ژێر داره‌كه‌ خه‌وتووه‌!. ئه‌ویش زۆر سه‌ری سورده‌مێنێت، كاتێك ده‌بینێت ئیمامی عومه‌ره‌، پێی ده‌ڵێت: (ده‌سه‌ڵاتت گرته‌ ده‌ست، له‌ ده‌سه‌ڵاتت دادپه‌روه‌ر‌و عادل بووی، خۆت ئه‌مین بووی‌و ئه‌مانه‌تت به‌رپا كرد، بۆیێ‌ –به‌ ئیسراحه‌ت‌و بێ‌ ترس- خه‌وتی).

نموونه‌ی دووه‌م: فاتیمه‌ی هاوسه‌ری عومه‌ری كوری عه‌بدولعه‌زیز ده‌گێرێته‌وه‌، كاتێك عومه‌ر خه‌لیفه‌ بوو، رۆژێكیان چوومه‌ ژووره‌وه‌ ده‌گریا، لێم پرسی: شتێك رووی داوه‌؟ گووتی: فاتیمه‌، كاروباری ئه‌و ئوممه‌ته‌م گرته‌ ده‌ست، ئێستا –من كه‌ خه‌لیفه‌م- بیر ده‌كه‌مه‌وه‌ له‌ حاڵی هه‌ژارێكی برسی، نه‌خۆشێكی بێ‌ كه‌س، رووتێكی ماندوو، سته‌ملێكراوێكی فه‌رامۆش كراو، دووره‌ده‌ستێكی به‌دیل گیراو‌و خاوه‌ن خێزان له‌ سه‌ر زه‌ویدا، دڵنیام خوای گه‌وره‌ لێپێچینه‌وه‌م له‌گه‌ڵدا ده‌كات له‌ باره‌یانه‌وه‌، ئه‌و كاتیش پێغه‌مبه‌ر ده‌بێ‌ نوێنه‌ری ئه‌وان بۆ لێپێچینه‌وه‌كه‌، ترسام به‌ڵگه‌م به‌ ده‌ست نه‌بێت بۆ وه‌ڵام دانه‌وه‌، بۆیێ‌ به‌زه‌ییم به‌خۆمدا هاته‌وه‌‌و، گریام.