یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ سەیدەی دۆڵان کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی هەولێری یەكێتی زانایان لەڕێگای خێرخوازان هاوكاری تەندروستی هەولێر دەكات    *****    *****   گەنجێک بۆ بەجێهێنانی فەریزەی حەج بە بایسکیل 22 وڵات دەبڕێت    *****    *****   شێخ عەزیزی شێخ بابا رەسولی توران کۆچی دوایی کردو یەکێتی زانایان پرسەنامەیەک رادەگەیەنێ    *****    *****   مامۆستا مەلا ئەحمەد بەرسرینی کۆچی دوایی کرد    *****    *****   پرسەنامە: مامۆستا مەلا سەلیم وەیسی رەزیکی کۆچی دوایی کرد    *****    *****   پەیامی پیرۆزبایی یەکێتی زانایان بە بۆنەی جەژنی قوربانی پیرۆزەوە    *****    *****   لقی شقلاوەی زانایان پێشوازی لەلقی 24 سەفینی پ د ک دەکات    *****    *****   لقی شارەزووری یەکێتی زانایان کۆبوونەوەیەک ساز دەکات    *****    *****   لقی پشدەری یەکێتی زانایان دڵنیایی دەدات قەسابخانەی قەڵادزێ لەڕوی شەرعەوە سەربڕینەکەیان شەرعی و حەڵاڵە    *****    *****   لەهەمبەر سوکایەتیەکان یەكێتی زانایان پەیامێک بڵاو دەکاتەوە    *****    *****   مامۆستا شێخ حسین پیرخدری دەربەندیخان کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات   
د.جعفر گوانی
به‌رواری دابه‌زاندن: 05/10/2017 : 11:15:42
قه‌باره‌ی فۆنت
مام جه‌لال به‌م شێوه‌یه‌ نه‌بوو

هه‌موومان هه‌مبارین بۆیه‌ نامه‌وێ وه‌ك زۆربه‌ی پۆسته‌كان ده‌ست به‌ شینێ بكه‌م، به‌ڵكو گه‌ره‌كمه‌ هه‌ڵوه‌سته‌یه‌ك له‌سه‌ر خاڵێك بكه‌م.

هه‌ندی دوو رۆژه‌ ده‌خوێنمه‌وه‌و گوێده‌گرم، هه‌مووان به‌ شان و باڵی خوالێخۆشبوو مام جه‌لال تاڵه‌بانی هه‌ڵده‌ده‌ن، ئه‌وه‌ی سه‌رنجم داوه‌ په‌یامه‌كانی (زۆربه‌ی) سیاسییه‌كان هێنده‌ی په‌یامی سیاسین، كه‌متر هاوخه‌مین، چونكه‌ گرنگترین خاڵی ئیجابی مام جه‌لال له‌وه‌دا بووه‌، كه‌ وێڕای ئه‌وه‌ی شه‌ڕی ناوخۆیی له‌گه‌ڵ زۆرێك له‌ حزب و لایه‌نه‌كان هه‌بووه‌، به‌ڵام له‌و كاته‌ی بڕیاری ئاشتی داوه‌، له‌ دڵه‌وه‌ ئه‌و بڕیاره‌ی داوه‌، به‌تایبه‌تی دوای شه‌ڕی نه‌گریسی ناوخۆ، مام جه‌لال بڕیاریدا له‌ پێناوی ئاشته‌وایی ناو ماڵی كورد قوربانی به‌ هه‌مو شتێك بدا، تا گه‌یشتۆته‌ ئه‌وه‌ی له‌ ناو خودی حزبه‌كه‌ی به‌ لاوازو ترسنۆك وه‌سف بكرێت، به‌ڵام ئه‌و باكی به‌و قسانه‌ نه‌بووه‌، به‌پێچه‌وانه‌وه‌ له‌و رۆژییه‌وه‌ تاكه‌ وشه‌یه‌كیشی ده‌رنه‌بڕیوه‌ بۆنی شه‌ڕی لێ بێت.

كه‌واته‌ خاڵی به‌هێزی مام جه‌لال قوربانیدان بووه‌ به‌ به‌رژه‌وه‌ندی خۆیی و حزبه‌كه‌شی له‌ پێناو ئامانجی گه‌وره‌تر كه‌ كوردستانه‌، به‌ڵام دیقه‌ت بده‌ په‌یامی زۆربه‌ی لایه‌ن و كه‌سه‌ سیاسیه‌كان، زۆربه‌یان له‌ په‌نای پرسه‌ی مام جه‌لال تانه‌و ته‌شه‌ریان له‌وه‌ی دیكه‌ داوه‌، هه‌ندی ویستوویانه‌ مردنی مام جه‌لال بكه‌نه‌ پردی ئینتیقام خودی په‌یامه‌كه‌ی مامه‌یان ئامانج نه‌بووه‌، ئه‌گه‌ر حزب و رێكخراوو رۆشنبیران و هاوڵاتیانی كوردستان له‌ هاوسۆزیان بۆ مام جه‌لال راست ده‌كه‌ن، ده‌بوو له‌ (دڵه‌وه‌) روو بكه‌نه‌ یه‌ك و ئاشت ببنه‌وه‌، ده‌ست له‌ ناو ده‌ستی یه‌ك بنێن، كۆتایی به‌و جه‌نگه‌ ده‌روونییه‌ بێنن كه‌ دژی تاكی كوردی هه‌ڵیانگیرساندووه‌، ده‌ست له‌ شكاندنی یه‌كتر هه‌ڵگرن، به‌ڕاستی واز له‌ هه‌موو به‌رژه‌وه‌ندییه‌كانیان بێنن له‌ پێناوی به‌رژه‌وه‌ندی مه‌زنی كوردستان، له‌وه‌ به‌ولاوه‌ خۆڵخستنه‌ چاوو خه‌ڵك فریودانه‌.