یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   پرسه‌نامه‌ی یه‌كێتی زانایان بۆ وه‌فاتی مامۆستا مه‌لا ره‌شید قه‌ره‌نی زاده‌    *****    *****   بروسكه‌ی سه‌ره‌خۆشیی سه‌رۆك بارزانی بۆ كۆچی دوایی مامۆستا مه‌لا ڕه‌شید قه‌ره‌نی زاده‌    *****    *****    ڕانيه‌: مامۆستا مه‌لا سه‌ید مه‌حمود نۆڵیچکه‌یی كۆچى دواييكرد    *****    *****   مامۆستا مەلا عبدالرحمن وەرتی کۆچی دوایی کرد    *****    *****    هه‌ولێر: مامۆستا مه‌لا عوسمان قه‌ڵاتى كۆچى دواييكرد    *****    *****   سه‌رۆكى يه‌كێتى زانايان؛ پێشوازى لە به‌رێز مه‌تڕان به‌شار و شاندێكى ياوه‌رى ده‌كات    *****    *****   سه‌رۆكى يه‌كێتى زانايان پێشوازى له‌ قونسوڵى هه‌نگاريا ده‌كات    *****    *****   پێكه‌وه‌ كۆبوونه‌وه‌ی جه‌ژن و هه‌ینی    *****    *****   یه‌كێتی زانایان داوای یاسایی له‌سه‌ر یونس راوی تۆمار ده‌كات    *****    *****   راگرتنی که‌ناڵی (سروشت) هه‌نگاوێکی مه‌ترسیدار    *****    *****   حوكمى زه‌كاتى پاره‌ى جوتیاران كه‌ له‌ برى ده‌غل له‌ حكومه‌ت وه‌رگيراوه‌   
جه‌عفه‌ر گوانی
به‌رواری دابه‌زاندن: 03/06/2015 : 23:53:06
قه‌باره‌ی فۆنت
مێزەربەسەرانی موسڵ لە ھەڵوێستێكی مێژووییدا

مێزەربەسەرانی موسڵ ھەڵوێستێكی مێژوو

جەعفەر گوانی

بە گوێرەی ھەواڵێکی تۆڕی میدیایی رووداو کە لە زاری سەعید مەموزینی، بەرپرسی راگەیاندنی لقی 14 ی پارتی دیموکراتی کوردستان لە شاری موسڵ ھاتووە: (رۆژی چوارشەممە 3 ی حوزەیرانی 2015، چەکدارانی داعش داوایان لە سەرجەم مەلاکانی شاری موسڵ کردووە، فتوای حەڵاڵکردنی شەڕی پێشمەرگە و خوێنی کورد بدەن، بەڵام زیاتر لە 250 مەلا رەتیانكردووەتەوە فتوای لەم شێوەیە دژ بە کورد بدەن، بەو هۆیەش لەلایەن داعشەوە لە کارەکانیان دوورخراونەتەوە).

ئەم ھەواڵە بۆ ئێمە زۆر جێگەی سەرنجو لەسەر وەستان بوو، چونکە زۆر جاران نووسەرو رۆشنبیرانی عەلمانی و ھاوڕاکانیان ئەوەمان بەروودا دەدەنەوە کە لەو کاتەی کورد لە بن دەستی رژێمە دیکتاتۆرەکان بوو ھیچ لە زانایان و رۆشنبیرانی ئیسلامی ھەڵوێستیان بۆ پشتیوانی کورد نەبوو، ئەم قسەیە ھەرچەندە تەواو نییە، چونکە ئەوە (محسن الحکیم) لە عێراق فەتوای حەڵاڵکردنی شەڕی دژی کورد رەتدەکاتەوە، ھەروەھا کاتێك تەواوی زانایانی ئایینی عەرەب بۆ ھەمان مەبەست کۆدەکرێنەوە ھەموویان رەتی دەکەنەوە، بێجگە لە یەکێك کە مامۆستا مەلا ساڵحی کۆزەپانکی ئیقتیباس لە ئایەتێك دەکات و وەڵامی دەداتەوە، ھەروەھا لە تورکیاش ھاواری فەتحوڵا گولەن لە چەندین قۆناغ دیار بووە، لە شین و ھاواری بۆ ھەڵەبجەو کۆڕەوی کوردستانی باشوورەوە بگرە، تا دەگاتە رەخنە تووندە یەك لە دوایەکەکانی لە حکومەتی تورکیا لە بەرامبەر زەوتکردنی مافەکانی کوردانی باکوورو دانانیان لە پلە دوو... بێگومان زانای دیکەش ھەن کە لەوانەیە لێرە دەرفەتی باسکردنیان نەبێت.

ئەوەی لێرەدا گرنگە ھەڵوێستی ئەو ژمارە زۆرەی مەلاو سەیداو زانا ئاینیانەی شاری موسڵە، کە لە حاڵی ھەنووکەدا لە بن دەستی داعش دانە، کە ھەموومان دەزانین داعش چ دەوڵەتێکە، کەچی ئەم داوایەی لەو زانا ئایینیانە کردووە، بەڵام ئامادە نەبوونە بەشداری ئەم بریارە زاڵم و قورسە بدەن، بەمەش گیان و ژیانی خۆیان خستۆتە بەر ھەڕەشەوە، بۆیە چۆن کاتێك تاک و تەرا لێرەو لەوێ بە ناوی زانایانەوە قسەیەك دەکرێت گەورەی دەکەن، ھیوادارم ئەم ھەڵوێستە موسڵمانی و مرۆڤانەی ئەم زانا بەرێزانە لە مێژووی کورد بە سەروەری تۆمار بکرێت، تا بە چاکە بڵێین چاکەو بە خراپەش خراپە.