یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   باکوری کوردستان: شێخ عەبدولکەریم نورشێنەیی لەناو حوجرەکەیدا شەهید دەکرێت    *****    *****   روونکردنەوەیەک سەبارەت بە وتاری هەینی    *****    *****   راگری کۆلێژی زانستە ئیسلامیەکانی زانکۆی بینگۆل سەردانی مەکتەبی تەنفیزی یەکێتی زانایان دەکات    *****    *****   ئەنجومەنی باڵای فەتوا حوکمی مامەڵەی (فۆڕئێکس) روون دەکاتەوە    *****    *****   حوكمی به‌شداریكردن له‌ كۆمپانیای (یونیك فاینس)    *****    *****   حوكمی فیقهی به‌ده‌ل حه‌ج بۆ كه‌سی په‌ككه‌وته‌ یان مردوو به‌ تایبه‌ت پاش ده‌رچوونی ناوی له‌ تیرو پشك    *****    *****   حوكمی به‌كرێگرتنی كه‌سێك له‌لایه‌ن فه‌رمانبه‌ر بۆ ئه‌وه‌ی له‌جیاتی ئه‌و ده‌وام بكات به‌رامبه‌ر مه‌بله‌غێك پاره‌    *****    *****   ئەنجومەنی باڵای فەتوا حوکمی دانانی مناڵی بلوری له‌ڕه‌حمی هه‌وێدا روون دەکاتەوە    *****    *****   سعودیە: سەرۆکی یەکێتی زانایان بەشداری کۆنگرەی باڵای رابیتەی جیهانی ئیسلامی دەکات    *****    *****   بەرپرسی لقی هەولێری یەكێتی زانایان سەرپەرشتی كۆبوونەوەی وەرزی لێژنەی فەتوای هەولێردەكات    *****    *****   یەکێتی زانایان کتابێک بەناونیشانی (مافی په‌نادراوه‌كان له‌ ئیسلامدا) ئامادەی چاپ دەکات    *****    *****   لقی گەرمیانی یەکێتی زانایان سەردانی بزوتنەوەی گۆران دەکات   
جه‌عفه‌ر گوانی
به‌رواری دابه‌زاندن: 12/03/2011 : 11:56:19
قه‌باره‌ی فۆنت
مه‌لا‌و خۆپیشاندان
هه‌ندێك براده‌ر، كه‌ گوێیان له‌وه‌ نییه‌ كوردستان به‌ چ ئاقارێك ده‌روات، هه‌ر خه‌ریكی كاری خۆیانن له‌ باسكردنی ئیسلام‌و موسڵمانان، دوێنێی موسڵمانان به‌ تاریك وه‌سف ده‌كه‌ن‌و، پاشكۆی رۆژنامه‌كه‌یان تایبه‌ت ده‌كه‌ن به‌ قسه‌گووتن به‌ ئیسلام‌و موسڵمانان، نه‌ بایان دێت نه‌ باران، كه‌ ئێستا له‌ كوردستان چ ده‌گووزه‌رێ‌.

ئا له‌و كاته‌دا مامۆستایانی ئایینی له‌ نواندنی هه‌ڵوێستی جوامێرانه‌یان به‌رده‌وامن، له‌لایه‌ك خۆیان ده‌كه‌نه‌ په‌رژین تا خوێنی كورد به‌ ده‌ستی كورد نه‌رژێت، مامۆستا مه‌لا حه‌مه‌ده‌مین كه‌لاری خه‌ریك بوو له‌ بنده‌ستی خۆپیشانده‌ران بخنكێت، له‌ هه‌ڵه‌به‌جه‌ ده‌بنه‌ قه‌ڵغانی نێوان پۆلیس‌و خۆپیشانده‌ران، تا له‌و نێوه‌دا خوێن له‌ سه‌ریان ده‌چۆرێ‌، له‌ سلێمانی گولله‌ له‌ ماڵیان ده‌گرێت‌و، نامه‌ی به‌ فیشه‌كیان بۆ ره‌وانه‌ ده‌كه‌ن‌و، نامه‌ی عه‌نتیكه‌ی مۆبایلیان بۆ ده‌نێرن.

كه‌چی خاڵی هاوبه‌شی نێوان مامۆستایانی ئایینی له‌ هه‌ولێر‌و سلێمانی‌و دهۆك‌و ناوچه‌كانی دیكه‌ی كوردستان داواكردنی پاراستنی ئه‌من‌و ئاسایش‌و هێمنی هه‌رێمی كوردستانه‌، له‌ هه‌موو لایه‌ك داواكردنی مافه‌كان به‌ هقێكی شه‌رعی‌و دروست ده‌زانن‌و، داواش له‌ حكومه‌ت ده‌كه‌ن به‌ پیریانه‌وه‌ بچێت، به‌ڵام پاراستتنی سیمای شارستانی كوردستان‌و، خۆ دوورگرتن له‌ په‌لاماردانی باره‌گا حزبی‌و حكومیه‌كان‌و دووركه‌وتنه‌وه‌ له‌ شه‌ره‌به‌رد‌و گوولله‌ به‌ ئه‌ركی هه‌موو لایه‌ك ده‌زانن.

مامۆستای ئایینی له‌ هه‌ر شوێنێك بێته‌ گۆ به‌ یه‌ك زمان قسه‌ ده‌كات، ئه‌گه‌ر له‌ به‌ره‌ی خۆپشانده‌ران بێت نایه‌وێت خۆپیشانده‌ر شه‌رانگێز بێت، ئه‌گه‌ر له‌ به‌ره‌ی به‌رانبه‌ر بێت نایه‌وێت حكومه‌ت بێ‌ وه‌ڵام بێت، گرنگ به‌لای ئه‌وانه‌وه‌ دڵخۆشكردنی هاوولاتی‌و به‌ره‌وپێشبردنی ئه‌زموونی كوردستانه‌.

له‌ هه‌مووشی دیارتر، وێرای ئه‌وه‌ی چه‌ند قه‌ڵه‌مێك هه‌ر خه‌ریكی قسه‌گووتنن به‌ ئیسلام، به‌ڵام مامۆستایان له‌ ئاستی به‌رپرسیارێتی دانه‌‌و، نایانه‌وێت له‌و كاته‌دا هه‌ستی برینداری خه‌ڵكی به‌رامبه‌ر دینیان بجوولێنن.

ئایا ئه‌واه‌ هه‌موویان به‌رزترین پله‌ی نیشتیمانپه‌روه‌ری نییه‌، كه‌ مامۆستایانی ئایینی ده‌ینوێنن، بۆیه‌ به‌ دڵنیاییه‌وه‌ مامۆستایانی ئایینی له‌و كاته‌ ناسكه‌ی كوردستان جوانترین رۆڵیان دیت، پێم وایه‌ خه‌ڵكیش گه‌ییشته‌ دڵنیایی كه‌ مامۆستایانی ئایینی چه‌نده‌ غه‌مخۆری كوردستانن.