یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
د. جەعفەر گوانی
به‌رواری دابه‌زاندن: 05/03/2012 : 14:22:44
قه‌باره‌ی فۆنت
ئایا قورئان كوردی ئه‌نفال كرد؟ مانای ئه‌نفال له‌ قورئاندا
كوڕێكی كورد له‌ نه‌رویج سوره‌تی ئه‌نفالی له‌ قورئانی پیرۆز كرده‌وه‌‌و سووتاندی، ئه‌م كاره‌ چه‌ندین جاره‌ به‌ شێوازی جۆراو جۆر دووباره‌ ده‌بێته‌وه‌، هه‌ندێكجار قورئان ده‌سووتێنن، هه‌ندێكجار ده‌ڵێن: ئیسلام كوردی ئه‌نفال كرد، چه‌ندان قسه‌ی دیكه‌.

ئه‌وه‌ی تێبینیم كرد، له‌ كاتی وتاره‌كانی هه‌ندێك له‌ مامۆستایانی ئایینی كه‌متر تواندرا ئامانجه‌كه‌ بپێكێندرێت، چونكه‌ زیاتر خۆ تووڕه‌كردن بوو، ئێمه‌ش زیاتر پێویستمان به‌وه‌ هه‌یه‌ ئه‌و چه‌مكه‌ روونبكه‌ینه‌وه‌، چونكه‌ ئه‌گه‌ر ئه‌و كه‌سه‌ی قورئانی سووتاندوه‌ یان پارچه‌ پارچه‌ی ده‌كات، ئه‌گه‌ر كه‌سێكی وشیار بێت ئه‌وا به‌ دڵنیاییه‌وه‌ ئه‌و كاته‌ بڕیار ده‌دات قورئان تۆمه‌تبار بكات، كه مانای ئه‌نفال له‌ قورئان‌و كرده‌وه‌كانی ئه‌نفالی به‌عسی یه‌ك مانا‌و مه‌فهوم بن.

جا بۆ به‌رچاوروونی هه‌موو لایه‌ك حه‌ز ده‌كه‌م وشه‌ی ئه‌نفال له‌ قورئاندا مانا بكه‌ینه‌وه‌ بۆ ئه‌وه‌ی گه‌نج‌و لاوه‌ خوێنده‌واره‌كانمان چاك له‌ مانای تێبگه‌ن‌و، به‌ وشیارییه‌وه‌ مامه‌ڵه‌ی له‌گه‌ڵدا بكه‌ن.

خوای گه‌وره‌ له‌ قورئانی پیرۆزدا سوڕه‌تێكی ناوناوه‌ (ئه‌نفال) هه‌روه‌ها له‌ یه‌كه‌م ئایه‌تی سووڕه‌ته‌كه‌دا ده‌فه‌رمووێت: (يَسْأَلُونَكَ عَنِ الأَنْفَالِ قُلِ الأَنْفَالُ لِلَّهِ وَالرَّسُولِ فَاتَّقُوا اللَّهَ وَأَصْلِحُوا ذَاتَ بَيْنِكُمْ وَأَطِيعُوا اللَّهَ وَرَسُولَهُ إِنْ كُنْتُمْ مُؤْمِنِينَ ).
ئه‌نفال له‌ زمانی عه‌ره‌بیدا جه‌معه‌‌و كۆی (نفل)ه‌، ئه‌ویش واته‌: شتێكی زێده‌، له‌ قورئانی پیرۆزیشدا ئه‌نفال به‌و ماڵه‌ ده‌گووترێت، كه‌ له‌ به‌ره‌ی جه‌نگ له‌ دوژمنه‌ شه‌ڕكه‌ره‌كان به‌جێ ده‌مێنێت‌و، تایبه‌ت به‌و كه‌سانه‌ نییه‌، كه‌ دوژمنه‌كه‌یان كوشتووه‌. جا ئه‌و ماڵه‌ زیاده‌ له‌ به‌رژه‌وه‌ندی موسڵمانان دابه‌ش ده‌كرێت، یان ده‌درێته‌ هه‌ندێك كه‌سی زۆر چالاك له‌ مه‌یدانه‌كه‌دا یان له‌ شوێنی كاری دیكه‌یدا، یان وه‌ك هاندانێك بۆ چاونه‌ترسی پێیان ده‌درێت.

بۆ ئه‌وه‌ی بیرۆكه‌كه‌ زۆر روونتر بێت ئه‌نفال له‌ه‌م چه‌ند خاڵانه‌ی خواره‌وه‌ پێكهاتووه‌.
یه‌كه‌م: ده‌بێ‌ ماڵ بێت، واته‌ به‌ مرۆڤ ناگووترێت ئه‌نفال، كه‌ بچی كه‌سێك به‌ پیر‌و منداڵه‌وه‌ زینده‌ به‌چاڵ بكه‌یت، چونكه‌ ئه‌وانه‌ مرۆڤن ماڵ نینه‌.

دووه‌م: ده‌بێ‌ ماڵی كه‌سانێكی كافر بیت، به‌ڵام هه‌موو كافرێك نا، چونكه‌ ماڵی كافران هیچ جیاوازی نییه‌ له‌گه‌ڵ ماڵی موسڵمانان، كه‌ بردن‌و دزین‌و هه‌موو شتێكی لێ‌ حه‌رامه‌، به‌ڵام ئه‌وه‌ به‌ ماڵی كافرێك ده‌گووترێت، كه‌ هاتبێته‌ شه‌ڕ‌و هێرشی كردۆته‌ سه‌ر موسڵمانان‌و ده‌یه‌وێت له‌ناویان ببات.

سێیه‌م: ده‌بێ‌ ئه‌و ماڵه‌ له‌به‌ره‌ی جه‌نگ به‌جێ مابێت، واته‌ كافرێكی شه‌ڕوان ئه‌گه‌ر ماڵه‌كه‌ی له‌ ماڵی خۆی دانا بێت پێێ‌ ناگووترێت ئه‌نفال، به‌ڵكو به‌و ماڵه‌ی ده‌گووترێت، كه‌ له‌ به‌ره‌ی جه‌نگ لێی به‌جێ ماوه‌. بۆ نموونه‌ ئه‌و ئایه‌ته‌ له‌ شه‌ری به‌در دابه‌زی، كه‌ دوور له‌ ئاوه‌انی‌و له‌ شوێنێكی دوور‌و چۆڵ روویداوه‌.

چواره‌م: له‌ ماڵی جه‌نگیش ده‌بێ‌ زیاد بێت له‌وه‌ی به‌شی جه‌نگاوه‌رێكی موسڵمان به‌شی تێیدا ده‌كه‌وێت.

به‌ڵام ئه‌وه‌ی سه‌دام كردی كافر نه‌بوون موسڵمان بوون، شه‌ڕوان نه‌بوون منداڵ‌و پیر‌و ئافره‌ت‌و كه‌سی ساده‌ی بێ‌ تاوان بوون، ماڵ نه‌بوو مرۆڤ بوون، له‌ به‌ره‌ی جه‌نگ نه‌بوون له‌ ماڵی خۆیان بوون.

بۆیه‌ ئه‌و كارانه‌ به‌ هیچ شێوه‌یه‌ك له‌گه‌ڵ مانای ئایه‌ته‌كه‌ تێك ناكه‌نه‌وه‌، به‌ پێچه‌وانه‌وه‌ رژێمی به‌عسی شان به‌ شانی زوڵمكردنی له‌ گه‌لی كورد، زوڵمی له‌ ئایینی پیرۆزی ئیسلامیش كرد، چونكه‌ به‌ كاره‌ دڕندانه‌كانی مانا‌و مه‌فهوومی ئایه‌تێكی قورئانی شێواند، ئه‌وانه‌ش كه‌ تا ئێستاش له‌به‌ر ناوی سووڕه‌تێكی قورئان ئیسلام تۆمه‌تبار ده‌كه‌ن، ئه‌وا یان نه‌زانن یان زۆر دڵڕه‌ش‌و حاقیدن.