یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
د. جەعفەر گوانی
به‌رواری دابه‌زاندن: 23/07/2014 : 13:36:09
قه‌باره‌ی فۆنت
ئه‌و (مه‌لا)ه‌ی دوعای بۆ غه‌زه‌ كرد

جارێ‌ بۆ ئه‌وه‌ی كه‌س كوردایه‌تیمان به‌سه‌ر نه‌فرۆشێت، له‌وه‌ته‌ی وتاری هه‌ینی ده‌خوێنمه‌وه‌ دوعا بۆ كوردستان ده‌كه‌م، مامۆستا نزیكه‌كانیشم ده‌زانن كه‌ چه‌نده‌ یه‌كتریمان بۆ ئه‌وه‌ هانداوه‌، به‌ڵام ماوه‌یه‌كه‌ باس‌و خواسی ئه‌وه‌ گه‌رم بووه‌، كه‌ گوایه‌ مه‌لایه‌ك كه‌ له‌ هه‌ندێك راگه‌یاندنه‌كان وه‌كو مه‌لایه‌كی به‌ناوبانگ باس كراو ناوی مامۆستایەکیش هات کە هیچ ئاگادار نەبوو، گوایە له‌ نوێژدا دوعای بۆ غه‌زه‌‌و بۆرما كردووه‌، به‌ڵام دوعای بۆ پێشمه‌رگه‌ نه‌كردووه‌، بۆیه‌ ئه‌وقاف له‌ وتاردان دووری خستۆته‌وه‌‌و، (وه‌كو خێرێكیش) نه‌یانداوه‌ته‌ دادگا.

پێم وایه‌ ده‌بێ‌ هه‌موو موسڵمانان یه‌كه‌مجار دوعا بۆ وڵات‌و پێشمه‌رگه‌كانی خۆیان بكه‌ن، كه‌ ئه‌مه‌ په‌یامی مینبه‌ر‌و میحرابی مزگه‌وته‌كانی كوردستانه‌، چونکە ئەوەی بۆخۆی نەبێت بۆ خەلکی دیکەش نابێت، هەر ئەانیش بە پشتیوانی خوا دەمانپارێزن، به‌ڵام ئه‌م شێوازی باسكردنه‌ی مامۆستایەکە دیسان لێدان بوو له‌ كه‌سایه‌تی مه‌عنه‌وی مه‌لای كورد، چونكه‌ كه‌سێك كه‌ فه‌رمی مه‌لا نه‌بێت‌و له‌ مزگه‌وتێكی فه‌رمی نه‌بووبێت، چ پێویسته‌ كات ئه‌وه‌نده‌ باسه‌كه‌ی گه‌وره‌ بكرێت‌و ناوی ئه‌و هه‌زاران مه‌لایه‌ی پێناشیرین بكرێت كه‌ له‌ مزگه‌وته‌كان دوعا بۆ كوردستان‌و پێشمه‌رگه‌ ده‌كه‌ن، پاشان خستنه‌ رووی بابه‌ته‌كه‌ به‌وه‌ی مه‌لایه‌ك لاده‌درێت له‌سه‌ر غه‌زه‌ شێوازێكی ناشیاوه‌، چونكه‌ ئێمه‌ راسته‌ به‌ پله‌ی یه‌كه‌م دوعا بۆ كوردستان ده‌كه‌ین، به‌ڵام هیچ نه‌بێت چاومان ئه‌و هه‌مو منداڵ‌و كه‌سه‌ بێتاوانانه‌ ده‌بینێت، كه‌ له‌ فه‌له‌ستین‌و بۆرما شه‌هید ده‌كرێن، بۆیه‌ نابێ‌ دوعاكردن بۆ لێقه‌وماوان به‌ تاوان پیشان بدرێت. له‌ بیریشمان نه‌چێت ماوه‌یه‌ك له‌مه‌وبه‌ر مامۆستایانی ئایینی داوای هاوكاری مه‌سیحیه‌ ئاواره‌بووه‌كانیان كرد، ئێستاش كه‌ له‌ موسڵ ده‌رده‌كرێن داوای پێكه‌وه‌ژیانیان كردووهو یەکێتی زانایانیش بەیاننامەی لەسەر دەرکردووە‌.

بۆیە دەخوازم وەزارەتی ئەوقاف بە وریایی مامەلە بکات و لە هەنگاوەکان رێگە نەدات کەسایەتی مامۆستایانی ئایینی لەکەدار بکرێت و شتەکانیش لە قەبارەی خۆیان گەرەتر نەکرێت. بە شانازییەوەش دەڵێم مامۆستایانی ئایینی هەمیشە دوعا بۆ وڵاتو پێشمەرگە دەکەن و لەسەر مینبەریش دوعات بە دەوڵەتبوون بۆ کورد دەکەن.