یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لەساڵیادی کۆچی دوایی مامۆستا (حاجی مەلا حسن مرۆ)دا    *****    *****   یەکێتی زانایان جەژنی رەمەزان لەهەموو لایەک پیرۆز دەکات    *****    *****   لقی هەولێری یەكێتی زانایانی ئاینی ئیسلامی كوردستان پێشوازی لە بەڕێوەبەری ئەوقافی پارێزگای هەولێر دەکات    *****    *****   لقی شێخانی یەکێتی زانایان بەشداری ئاشتەواییەک دەکات    *****    *****   ئەم بەرهەمە (چەمکی هاوڵاتیبوون) کەوتە بەر دیدی خوێنەران    *****    *****   سەرۆکی یەکێتی زانایان بەشدار کۆنفرانسێکی نێودەوڵەتی تایبەت بە کۆرۆنا دەکات    *****    *****   مامۆستا مەلا شفیق ئێدلبی کۆچی دوای کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بەشداری کۆبوونەوەی فراوانی تایبەت بە کۆرۆنا دەکات    *****    *****   بەهۆی وەفاتی خۆشکیانەوە یەکێتی زانایان پرسەنامەیەک ئاراستەی مامۆستا مەلا خدر خەلیفانی دەکات    *****    *****   مامۆستا مەلا عمر بێکڵۆیی کۆچی دوای کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرەتای هەفتەی داهاتوو بڕیار لەسەر کردنەوەی دەرگای مزگەوتەکان دەدرێت    *****    *****   شێخ محمد دەدو: کوردستان زانای گەورەی تێدایە   
د.جعفر گوانی
به‌رواری دابه‌زاندن: 17/12/2016 : 12:13:17
قه‌باره‌ی فۆنت
مزگه‌وته‌كانی زانكۆكان بڕوخێنن

به‌شێكی زۆری كۆنفرانسی لێبووردن و پێكه‌وه‌ژیانم موتابه‌عه‌ كرد له‌و به‌شه‌ی تایبه‌ت بوو به‌ رۆڵی په‌روه‌رده‌و ئایین، وێڕای ئه‌وه‌ی كۆمه‌ڵه‌ شتێكی زۆر باشی تێدا بوو، به‌ڵام دوو سه‌رنجی سه‌ره‌كیم لۆ دروست بوون، یه‌كه‌میان به‌شێكی ئه‌وانه‌ی بابه‌تیان بۆ ئه‌م باسه‌ ئاماده‌ كردبوو ئه‌وه‌نده‌ی ئامانجی لێدانی خودی دینیان هه‌بوو، ئامانجی پێكه‌وه‌ژیانیان نه‌بوو، واته‌ هه‌میشه‌ بابه‌تی پێكه‌وه‌ژیان به‌ لابردنی ئایین ده‌به‌ستنه‌وه‌، بۆیه‌ ئه‌و نه‌فه‌سه‌ ئه‌وه‌نده‌ی گیانی پێكدادان دروست ده‌كات، ده‌رفه‌تی پێكه‌وه‌ژیان نادات. كه‌واته‌ هه‌تا ئه‌وانه‌ قسه‌كه‌ری پێكه‌وه‌ژیان و لێبووردن بن رووناكیه‌كانی پێكه‌وه‌ژیان كزتر ده‌كرێنه‌وه‌.

دووه‌م عه‌لمانیه‌كانی كوردستان به‌تایبه‌تی ئه‌وانه‌ی وه‌كو فیكر خۆیان به‌ عه‌لمانی ده‌زانن له‌مێژه‌ پێمان ده‌ڵێن: (عه‌لمانیه‌ت ئیلحادو بێدینی نییه‌)، به‌ڵام ئه‌و عه‌لمانیه‌ته‌ی ئه‌وان له‌ كوردستان قسه‌ی لێوه‌ ده‌كه‌ن نه‌ك بێدینی به‌ڵكو دوژمنداریه‌كی سه‌خته‌ له‌گه‌ڵ دین، بۆ نموونه‌ ده‌نگێكی به‌رز هه‌بوو له‌وه‌ی چۆن بابه‌ته‌كانی ژیان له‌گه‌ڵ وانه‌ی ئایین تێكه‌ڵ ده‌كرێن یان تازه‌ پێكه‌وه‌ژیان سه‌خته‌ چونكه‌ ئاسان نییه‌ بتوانین ئه‌و هه‌موو مزگه‌وته‌ی زانكۆكان لاببه‌ین. ده‌بێ ئه‌و به‌ڕێزنه‌ بزانن له‌ زۆرێك له‌و وڵاتانه‌ی عه‌لمانینه‌ له‌ فرۆكه‌خانه‌كانیان مزگه‌وت و په‌رستگای تر هه‌ن، ئه‌و زانكۆیانه‌ش كه‌ قوتابی موسڵمانی لێیه‌ مزگه‌وت و شوێنی نوێژكردن هه‌یه‌، بۆیه‌ ئه‌وه‌ی ئه‌وان خۆزگه‌ی بۆ ئه‌خوازن عه‌لمانیه‌تی دژه‌ دینه‌ كه‌ كۆپی شیوعیه‌تی سه‌رده‌می سۆڤیه‌ته‌، ئه‌مه‌ش له‌ ئێستاوه‌ ترسێكی زیاترمان له‌لا دروست ده‌كات، چونكه‌ یه‌كسانه‌ به‌ لابردنی ئایین له‌ ژیان و رێگرتنه‌ له‌ خواپه‌رستی.

ئه‌مڕۆ كۆمه‌ڵگه‌ی كوردستان برینداره‌ بۆیه‌ پێویسته‌ ده‌نگه‌ هێمن و بنیاتنه‌ره‌كان بێننه‌ مه‌یدان، كه‌ به‌ڕاستی پێكه‌وه‌ژیان و ژیان و ژینیان ده‌وێت، نه‌ك ئه‌وانه‌ی له‌ هه‌ر قسه‌یه‌كیان ته‌شه‌نوج و گرژیه‌كی نه‌زۆك دروست ده‌كه‌ن.