یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سلێمانی یەکێتی زانایان سەردانی رێکخراوی زاد بۆ ژیانەوەی ئادەمیزاد دەکات    *****    *****   مامۆستا مەلا جەعفەر کەورینی کۆچی دوایی کردو یەکێتی زانایان پرسەنامەیەک ئاراستە خانەوادەکەی دەکات    *****    *****   بە ئامادەبوونی سەرۆکی یەکێتی زانایان لقی شەقڵاوەی یەکێتی زانایان کۆتایی بەخولێکی بەهێزکردنی زانستە شەرعیەکان هێنا    *****    *****   سه‌رۆكی یه‌كێتی زانایان؛ داواده‌كه‌م سه‌نته‌رێك بۆ كتێبه‌ ده‌ستنووسه‌كان درووست بكرێت    *****    *****   ناونیشانی وتاری ئەم هەفتەیە    *****    *****   ئەنجومەنی باڵای فەتوا حوکمی دڵنیایی تأمین و کۆمپانیاکانی دڵنیایی لەئیسلامدا روون دەکاتەوە    *****    *****   هەولێر: سەرۆکی یەکێتی زانایان بەژداری مەراسیمی بەخشینی بروانامەی زانستی دەکات    *****    *****   بەیاننامەی یەکێتی زانایان سەبارەت بە هێڕشی تورکیا بۆ سەر رۆژئاوای کوردستان    *****    *****   شاندێکی باڵای مەجمەعی فیقهی گەورە زانایانی عیراق سەردانی یەکێتی زانایان دەکات    *****    *****   مامۆستا مەلا قاسم ئیلنجاغی کۆچی دوایی کرد    *****    *****   ناونیشانی وتاری ئەم هەفتەیە    *****    *****   ئەنجومەنی باڵای فەتوا کۆدەبێتەوەو چەند پرسێک تاوتوێ دەکات   
جه‌عفه‌ر گوانی
به‌رواری دابه‌زاندن: 01/01/2015 : 15:41:17
قه‌باره‌ی فۆنت
خۆزگه‌ هه‌موومان ئاوا له‌ مه‌ولود تێده‌گه‌یشتین

 

خۆزگه‌ هه‌موومان ئاوا له‌ مه‌ولود تێده‌گه‌یشتین

خوای گه‌وره‌ ئیسلامی له‌سه‌ر دوو بنه‌مای سه‌ره‌كی راگرتووه‌، یه‌كه‌میان ئه‌و بنه‌ما كوللی‌و روونانه‌ن كه‌ جێگه‌ی قسه‌ لێكردن‌و تێڕامان‌و ئیجتیهاد نینه‌. دووه‌میان ئه‌و مه‌یدان فراوانه‌یه‌ خوای گه‌وره‌ هێشتوویه‌تییه‌وه‌ بۆ ئیجتیهاد‌و تێگه‌یشتنی موسڵمانان، ئه‌وه‌ش كه‌ جێگه‌ی ئیجتیهاد بێت كه‌واته‌ جێگه‌ی ئیختیلاف‌و راجیاوازیشه‌، هه‌موو راجیاوازه‌كانیش رێز له‌ یه‌ك ده‌گرن، ئه‌وه‌ی راستی پێكاوه‌ دوو پاداشتی هه‌یه‌‌و، ئه‌وه‌ی نه‌شی پێكاوه‌ یه‌ك پاداشتی هه‌یه‌.

له‌ هه‌موو كاتێك‌و هه‌موو بۆنه‌یه‌ك گووتوومانه‌‌و ئه‌م راستیه‌ روونه‌مان دووباره‌ كردۆته‌وه‌، سه‌رباری ئه‌وه‌ی ئێمه‌ له‌م مه‌یدانه‌دا ده‌ڕۆین‌و خه‌ریكی ئیجتیهاد‌و تێرامانین، له‌ خوای گه‌وره‌ داواكارین ئه‌گه‌ر هه‌ڵه‌ بین له‌ پاداشتێك بێ به‌شمان نه‌كات‌و، ئه‌گه‌ر راستیشمان پێكا بێت ته‌واوی دوو پاداشته‌كان پێ ببه‌خشێت‌، به‌ رێزیشه‌وه‌ ته‌ماشای ئه‌وانه‌ ده‌كه‌ین كه‌ بۆچوونی دیكه‌یان هه‌یه‌، چۆن بۆ خۆمان ده‌پارێینه‌وه‌ ئاوا بۆوانیش ده‌پارێینه‌وه‌، دوای ئه‌وه‌ش زمانی خۆمان ده‌گرین له‌ قسه‌ی ناشیرین‌و، تاوانباركردن‌و، به‌ هه‌ڵه‌بردن‌و، به‌ گومرا‌و بیدعه‌چیان نازانین.

به‌ڵام به‌داخه‌وه‌ كه‌سانێك هاتنه‌ ئه‌و مه‌یدانی ئیجتیهاده‌، له‌ بری ده‌ربڕینی رای خۆیان‌و رێزگرتن له‌ رای به‌رامبه‌ر، دێت نمایشی عه‌زه‌لاتی خۆی ده‌كات، له‌ بری ئه‌وه‌ی ئیجتیهاد بكات‌و بڵێت: نازانم له‌وانه‌یه‌ راست بم یان هه‌ڵه‌ بم، ده‌چێ‌ بۆچوون‌و ئیجتیهادی خۆی ده‌كاته‌ شمشێرێكی بڕه‌ر‌و تا بۆی بكرێت ناخی ئه‌وانی دیكه‌ی پێ‌ پارچه‌ پارچه‌ ده‌كات.

هه‌ركه‌ مانگی ره‌بیع دێته‌وه‌ پێمان وایه‌ شتێكی باشه‌ یادی مه‌ولودی پێغه‌مبه‌ری خوا بكه‌ینه‌وه‌‌و، خێر له‌وه‌دایه‌ جارێكی دیكه‌ به‌ ژیانامه‌ی سه‌روه‌رمان بژیێینه‌وه‌، به‌تایبه‌تی ئاره‌زووه‌كانی دونیا‌و سه‌رقاڵیه‌كانی، چه‌ندان په‌رده‌ی له‌ نێوانی ئێمه‌ دروست كردووه‌‌و وا ده‌كات په‌یوه‌ندیمان له‌گه‌ڵ ئه‌و سه‌رداره‌ مه‌زنه‌ی خاته‌م‌و پێغه‌مبه‌رانی دیكه‌ له‌ بیر بكه‌ین، بۆیه‌ له‌و رێگه‌یه‌دا ده‌ڕۆین‌و ده‌ڵێین: ئه‌گه‌ر راستیمان پێكا بێت پشت به‌ خوا دوو پاداشتمان هه‌یه‌، ئه‌گه‌ر هه‌ڵه‌شمان كردبێت، ئه‌وا هه‌رچۆنێكی بێت له‌ پاداشتێك بێ‌ به‌ش نابین.

 

چه‌ند به‌شێك له‌ وتاری مامۆستای شه‌هید

دکتۆر محه‌مه‌د سه‌عید ره‌مه‌زان بۆتی

27/9/1991

 

(خۆزگه‌ هه‌موومان ئاوا له‌ مه‌ولود تێده‌گه‌یشتینو دژایه‌تی یه‌کتریمان نه‌ده‌کرد، له‌ بری دڵخۆشی، دڵی موسڵمانانمان عێدز نه‌ده‌کرد).

جه‌عفه‌ر گوانی