یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات   
د. جەعفەر گوانی
به‌رواری دابه‌زاندن: 22/09/2010 : 21:09:51
قه‌باره‌ی فۆنت
بۆچی له‌ سوتاندنی قورئان ده‌ترساین
زۆر كه‌س ده‌پرسیت: خۆ له‌ كوردستان چه‌نده‌ها قورئان سووتاوه‌، به‌عس له‌گه‌ڵ هه‌ر گوندێك چه‌نده‌ها قورئانی ده‌سووتاند، ئه‌ی‌ بۆچی ته‌نها له‌سه‌ر سوتاندنی قورئان له‌لایه‌ن قه‌شه‌ جۆنزه‌وه‌ وا تووڕه‌ بوون.

ئێمه‌ وه‌نه‌بێت ته‌نها له‌به‌ر ئه‌وه‌ توڕه‌ بووبین، كه‌ قورئان ده‌سووتێت، نه‌خێر، هۆكاری دیكه‌ش هه‌بوون، چونكه‌ قورئان ئه‌گه‌ر له‌ كاغه‌زێكیش بسووتێت، به‌ڵام له‌ دڵی ملیارێك كه‌س گه‌شه‌ی‌ كرد، نه‌ك سووتا، به‌ڵام ئێمه‌ له‌به‌ر ئه‌وه‌ تووڕه‌ بووین: ئه‌و ئاگره‌ی‌ له‌ 11ی‌ سپتێمبه‌ر چه‌نده‌ها موسڵمانیشی سووتاند‌و، ده‌یان موسڵمانی تووشی ئاریشه‌ كرد، قه‌شه‌ ویستی به‌ دنیا بڵێت: ئه‌وه‌ قورئان بوو سووتاندی. قه‌شه‌ ویستی ئه‌وه‌نده‌ بێ‌ ئیمان‌و لاواز پیشانمان بدات، به‌ به‌رچاوی هه‌موو كامێڕاكان قورئانمان بسووتێنێت‌و، هه‌ستمان بسووتێنێت، ئێمه‌ش ئه‌وه‌نده‌ لاواز بین، نه‌توانین به‌ ده‌نگیش دیفاع له‌ خۆمان بكه‌ین، به‌بێ‌ ئه‌وه‌ی‌ بزانێت، كه‌ له‌گه‌ڵ ئه‌و كاره‌ ئیمان له‌ دڵی گه‌نج‌و پیر‌و ئافره‌تانه‌وه‌ زیندوو بوویه‌وه‌.

هه‌تا رۆژئاوا سه‌د ده‌ر سه‌د له‌ بنده‌ستی كلێسا دابوو، نه‌یتوانی جگه‌ له‌ مه‌زه‌بێك قبوڵ بكات، له‌گه‌ڵ هاتنی عه‌لمانیه‌ت ده‌رگا به‌ رووی دین‌و مه‌زه‌به‌ جیاوازه‌كان كرایه‌وه‌، به‌ڵام له‌ جیهانی ئیسلامی هه‌ر له‌گه‌ڵ هاتنی ئیسلام، په‌یامی ئاشتی‌و پێكه‌وه‌ژیانی بڵاوكرده‌وه‌، له‌وه‌ته‌ی‌ ئیسلام هه‌یه‌، هه‌موو دین‌و مه‌زه‌به‌ جیاوازه‌كان هه‌نه‌، ئه‌گه‌ر تووشی پێكدادانیش بووبن، قه‌ت به‌و قه‌ناعه‌ته‌ نه‌بووه‌، كه‌ نابێ‌ ئه‌وه‌ی‌ دیكه‌ نه‌بێت، چونكه‌ ئیسلام فێری ژیان له‌گه‌ڵ ئه‌وه‌ی‌ دیكه‌ی‌ كردووین، لێره‌ عه‌لمانیه‌ت دای ده‌خات، ئیسلامیش ده‌یكاته‌وه‌، له‌وێ‌ كلێسا دایده‌خات‌و، عه‌لمانیه‌ت ده‌یكاته‌وه‌. بۆیه‌ ترساین، خه‌ریك بوو، قه‌شه‌ ئه‌و گیانه‌ی‌ پێكه‌وه‌ژیان، كه‌ په‌یامی ئیسلام دروستی كردووه‌، بخاته‌ ژێر هه‌ڕه‌شه‌‌و مه‌ترسییه‌وه‌.