یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   بە بۆنەی بە پارێزگا بوونی شاری هەڵەبجە یەکێتی زانایان پەیامێک بڵاو دەکاتەوە    *****    *****   سەرۆکی یەکێتی زانایان بە یاوەری شاندێک؛ لقی سۆرانی یەکێتی زانایان بەسەر دەکاتەوەو دیدارێک لەگەڵ ستافی لق ساز دەکات    *****    *****   بە ئامادەبوونی وەزیری ئەوقاف و کاروباری ئایینی و سەرۆکی یەکێتی زانایان دیدارێکی فراوان لەگەڵ زانایانی ئایینی بەرێوە دەچێت    *****    *****   لقی گەرمیانی یەکێتی زانایان سیمینارێکی تایبەت بەناونیشانی (ئەنفال لە نێوان نیدای ئاسمان و ستەمی زەویدا) ساز دەکات    *****    *****   سەرۆکی یەکێتی زانایان پێشوازی لە بەڕێوەبەری گشتیی ئەوقافی پارێزگای هەولێر دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ و پیشەیی و هەنوکەیی تاوتوێ دەکات    *****    *****   مامۆستا مەلا ياسين ئيبراهيم خۆشناو کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   زاناو کەسایەتی دیاری شاری سلێمانی مامۆستا مەلا رەئوف شارستێنی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی گەرمیانی یەکێتی زانایان لەسەر دیاردەی چەقۆو چەک هەڵگرتن پەیامێکی هۆشیاری ئاراستەی دەڤەرەکە دەکات و لایەنی پەیوەندیدار ئاگادار دەکاتەوە    *****    *****   یەکێتی زانایان پەیامێکی پیرۆزبایی بە بۆنەی جەژنی پیرۆزی رەمەزانەوە بڵاودەکاتەوە    *****    *****   دەزگای ڕوئا سیمینارێک بەناونیشانی "ڕۆڵی زانایانی ئایینی و بەرەنگاربوونەوەی گوتاری رقەبەری" بۆ سەرۆکی یەکێتی زانایان ساز دەکات    *****    *****   د.حەسەن موفتی: ئینتیما بۆ خاک ئەرکێکی پیرۆزی ئایینی و نیشتمانییە   
د. جەعفەر گوانی
به‌رواری دابه‌زاندن: 16/08/2015 : 11:06:46
قه‌باره‌ی فۆنت
ئەم رقە لە چییەوە؟

 

ئەو پیاوە نازدارە ناوی ئەسڵی (مارك هانسن) ناسراوە شێخ حەمزە یوسف، زانایەکی گەورەی موسڵمانە لە ئەمریکا، دەڵێ: دایکم هەمیشە دەیبردمە کلێسا، بەڵام لە تەمەنی ١٨ ساڵی تووشی رووداوی هاتووچۆ بووم، ماوەیەك بێهۆش کەوتم، کە هاتمەوە سەرخۆ یەکسەر بیرم لە ژیانی دوای مردن کردەوە، دەڵێ تەنها ئیسلام بە روونی باسی هەموو ئەو بابەتانە دەکات، دواتر بڕیاریدا موسڵمان بوو، هەزاران کەس لەسەر دەستی موسڵمان بوونە، چەندان خوێندنگەی ئاینی لە ئەمەریکا کردۆتەوە، ئەو نەکەوتۆتە ژێر کاریگەری موسڵمانە تووندرەوەکان، بەڵکو وێڕای ئەوەی بە مانای وشە زانانی ئایینیە، زمانی عەرەبیش زۆر بە پاراوی دەزانێت، پێڕەوی مەزەبی ئیمامی مالیکی و عەقیدەی ئەهلی سووننە لەسەر دەستی ئیمامی ماتووریدی دەکات، بەردەوام بۆ موسڵمانان دەگریێت...
لەو شەوانە لە کەناڵی سکای نیوز گووتی: (وێڕای ئەوەی موسڵمانان زۆر هەڵە دەکەن و کاری تووندرەوی خەواریجانە دەکەن، بەڵام ئەمە رێگر نەبووە لەوەی خەڵك موسڵمان ببێت، بەڵام لێشتان ناشارمەوە ئێستا جۆرە کینەو رقێك لە رۆژئاوا بەرامبەر ئیسلام و موسڵمانان هەیە، لەوەش ناخۆشتر موسڵمانانیش هەمان رق بەرامبەری ئەوانی دیکە دەرێژن، ئیدی سەرەنجامی ئەو رقگۆڕینەوەیە تێکدانی مرۆڤبوون و پێکەوە ژیانە...).
راست دەکات: ئەو رقە نەك لە نێوان موسڵمانو ناموسڵمانەکان، بەڵکو لە نێوان موسڵمانانی یەك نەتەوەش هەیە، ئەوە نییە لە کوردستان بە حسێب ئەندام پەرلەمانە بەرێزەکان نوێنەری خەڵکن، بەڵام گوێ لە قسەی هەندێکیان بگرن چ رق و کینەو دووبەرەکی ناکۆکی دروست دەکەن، راگەیاندنەکان چ رق و ماڵویرانیەك لە ناو ئەو گەلە بڵاودەکەنەوە، قەڵەمی بەناو رۆشنبیران و جەماعەتی فەیسبووك چ لێکترازان و رق و کینەو بێرێزیان لێ دەبارێت، ئەوەی زۆرترین جوێن بدات زۆرترین نمایشی پاڵەوانی دەکات و مەدالیای چاونەترسی وەردەگرێت... بۆیە ترس ئەگەر لەسەر مرۆڤبوونی نێوان دانیشتیوانی کیشوەرەکان و دینە جیاوازەکان هەبێت، ئەوا لە ناو کوردی بەدبەختی بێ معاشی وەستاو بەرامبەر تیرۆریستان خەریکە دەگاتە چڵەپۆپە.